Gorgonio Renteria

Gorgonio Renteria Leniz (Elantxobe, Bizkaia, 1868ko irailaren 9a - Baiona, Lapurdi, 1940ko urtarrilaren 27a) politikari jeltzalea eta euskal idazlea izan zen.

Gorgonio Renteria
Bizitza
Jaiotza	Elantxobe, 1868ko irailaren 9a
Herrialdea	Bizkaia, Euskal Herria
Heriotza	Baiona, 1940ko urtarrilaren 27a (71 urte)
Hezkuntza
Hizkuntzak	euskara gaztelania
Jarduerak
Jarduerak	politikaria eta idazlea

Bizitza

Filipinetan pasa zituen hogei bat urte, merkataritza ontziko kapitain zela. 1897-1898 urte bitartean hainbat olerki eman zituen argitara, Euskalzale aldizkarian: Euskalzale-ri, Lora bateri, Amarentzat, Baserriko egun barria eta Urruntasuna. Ibaizabal aldizkarian ere idatzi zuen 1903tik aurrera.

Bere jaioterrira itzuli zelarik, politikan hasi zen, eta, 1916-1920 bitartean, Euzko JEL-Batzako Euskadi Buru Batzar eta Bizkai Buru Batzarreko lehendakari izan zen. Bizkaiko diputatu izan zen, bestalde, 1917an, eta Elantxobeko alkate hainbat aldiz. Artikulu ugari idatzi zuen Euzkadi, Ekin eta Gudari aldizkarietan. Espainiako Gerra Zibilean Baionara erbesteratu eta han hil zen handik denbora laburrera.

Lanak

Bilduma

• Izartu euskaldunak! Elantxobetar baten olerkiak eta artikuluak (2005, Labayru)

Bibliografia

• Sudupe, Pako (1999): Gorgonio Renteria, Eusko Jaurlaritza.

Kanpo-estekak

• Gorgonio Renteria literaturaren zubitegian

• Datuak: Q12258660