Margaret Rutherford
Margaret Rutherford DBE (Balham (Londres), 1892ko maiatzaren 11 – Chalfont St Peter (Buckinghamshire), 1972ko maiatzaren 22a ) emakume aktore ingelesa izan zen. Ospea lortu zuen Bigarren Mundu Gerraren ondoren Blithe Spirit filmetan (Noël Coward-en antzezlanaren moldaketa) eta The Importance of Being Earnest (Oscar Wilde-ren antzezlanaren moldaketa) filmetan parte hartu zuenean.
| Margaret Rutherford | |
|---|---|
 | |
| Bizitza | |
| Jaiotzako izen-deiturak | Margaret Taylor Rutherford |
| Jaiotza | Londres, 1892ko maiatzaren 11 |
| Herrialdea |  Erresuma Batua |
| Heriotza | Chalfont St Peter, 1972ko maiatzaren 22a (80 urte) |
| Heriotza modua | berezko heriotza: Alzheimerra |
| Familia | |
| Aita | William Rutherford Benn |
| Ezkontidea(k) | Stringer Davis (1945 - 1972) |
| Hezkuntza | |
| Heziketa | Royal Academy of Dramatic Art Wimbledon High School (en)  |
| Hizkuntzak | ingelesa |
| Jarduerak | |
| Jarduerak | karaktere aktorea, antzerki aktorea eta zinema aktorea |
| Jasotako sariak | ikusi
|
        | |
_rib.PNG){kind=small}
Biografia
aldatuRutherford Londreseko Balham auzoan jaio zen, William Rutherford Benn eta bere emaztearen seme-alaba bakarra. Aitak hainbat urtez buruko arazoak izan zituen eta 1883ko martxoaren 4an bere aita jipoitu zuen.
Umetan, Rutherford Indiara eraman zuten, baina ama hil zenean Britainia Handira itzuli zen hiru urte zituela izebarekin Bessie Nicholsonekin bizitzera. Wimbledon High School instututuan eta Royal Academy of Dramatic Art akademian ikasi zuen.
Rutherford-ek hasieran elokuzio irakasle gisa lan egin zuen eta geroago hasi zen aktore ibilbidea 1925ean 33 urte zituela Old Vic antzokian debuta eginez. Bere itxura fisikoak heroi erromantiko rolak lortzea eragotzi zion eta laster lortu zuen ospea komiko roletan, XX. mendearen erdialdeko film britainiar arrakastatsuenetan agertuz. Film horietako askotan, lehendik antzerkiaren eszenatokian jokatutako paperak antzeztu zituen. 1945ean, Stringer Davis aktorearekin ezkondu zen, eta askotan agertu ziren filmetan batera.
1950eko hamarkadan, Rutherfordek eta Davisek Gordon Langley Hall semetzat hartu zuten, gerora idazle bihurtuko zena. Hallek, sexua berresleitzeko kirurgia bat izan zuen, jaiotzean gizon batekin nahastu zutela jakin zenean, eta bere izena, Dawn Langley Simmonsengatik aldatu zuen. Izen horrekin Rutherforden biografia idatzi zuen 1983an .
1961ean, Rutherfordek Miss Marple interpretatu zuen lau filmeko serie batean, Agatha Christie eleberrietan oinarrituta. Rutherfordek, orduan 70 urte zituela, bere arropak janzten tematu zen detektibearen pertsonaia interpretatzeko eta senarra bere ondoan agertzeko.
Rutherfordek Oscar saria eta Urrezko Globoa irabazi zituen bigarren mailako aktore onenarentzako The V.I.P.s filmean, Brighton-eko dukesaren paperean Elizabeth Taylor eta Richard Burton-en ondoan.
1961ean Britainiar Inperioaren Ordenako (OBE) Ofizial izendatu zuten eta 1967an Dame Commander (DBE) izendatu zuten.
Rutherfordek Alzheimer gaixotasuna izan zuen bere azken urteetan. 1972ko maiatzaren 22an hil zen 80 urte zituela eta Gerrards Cross-eko (Buckinghamshire) St. James Church hilerrian lurperatu zuten. Senarra 1973ko abuztuan hil zenean, harekin batera lurperatu zuten. Rutherford Tony Benn politikariaren lehengusua zen.
Filmografia
aldatu- The Wacky World of Mother Goose (1967)
- Arabella (1967)
- A Countess from Hong Kong (1967)
- The Alphabet Murders (1965)
- Campanadas a medianoche (1965)
- Murder Ahoy! (1964)
- Murder Most Foul (1964)
- The V.I.P.s (1963)
- The Mouse on the Moon (1963)
- Murder at the Gallop (1963)
- Murder, She Said (1961)
- On the Double (1961)
- I'm All Right Jack (1959)
- Just My Luck (1957)
- The Smallest Show on Earth (1957)
- An Alligator Named Daisy (1955)
- Aunt Clara (1954)
- Mad About Men (1954)
- The Runaway Bus (1954)
- Trouble in Store (1953)
- Innocents in Paris (1953)
- Castle in the Air (1952)
- The Importance of Being Earnest (1952)
- Miss Robin Hood (1952)
- Curtain Up (1952)
- The Magic Box (1951)
- Quel bandito sono io (1950)
- The Happiest Days of Your Life (1950)
- Passport to Pimlico (1949)
- Miranda (1948)
- Meet Me at Dawn (1947)
- While the Sun Shines (1947)
- Blithe Spirit (1945)
- English Without Tears (1944)
- The Demi-Paradise (1943)
- Yellow Canary (1943)
- Quiet Wedding (1941)
- Spring Meeting (1941)
- Beauty and the Barge (1937)
- Big Fella (1937)
- Catch As Catch Can (1937)
- Missing, Believed Married (1937)
- Troubled Waters (1936)
- Dusty Ermine (1936)
- Talk of the Devil (1936)
Kanpo estekak
aldatu
Datuak: Q230143
Multimedia: Margaret Rutherford / Q230143
