Kalize (satelitea)

Kalize (satelitea)

Aurkikuntza
Aurkitzailea	Sheppard et. al.
Data	2000-11-23
Kategoria	moon of Jupiter (en) eta irregular moon (en)
Ezaugarri orbitalak
Zeren satelite	Jupiter
Ardatzerdi handia	23.180.793 km
Eszentrikotasuna	0,2139628
Orbita-periodoa	721,02 egun
Makurdura orbitala	165,50514° (ekliptikarekiko)
Periastroa	18.220.966
Ezaugarri fisikoak
Masa	1,9 ×1014
Dentsitatea	2,6 ×103
Grabitatea azalean	≈0 m/s2
Albedoa	0,04
Itxurazko magnitudea	21,8

Kalize (grekoa: Καλύκη), edo Jupiter XXXIII, Jupiter planetaren satelite natural irregular bat da.

Ezaugarri fisikoak

Kalize satelite txikia da (5 km inguruko diametroa du), eta erretrogradoa. Uste da 0,04ko albedoa duela, Jupiterren beste satelite batzuen antzera. Haren beste ezaugarri asko ezezagunak dira oraindik.

Karmeren taldeko satelitea da: 22.900.000 km eta 24.100.000 km arteko erradioarekin eta 164,9° eta 165,5° bitarteko inklinazioarekin Jupiter orbitatzen duten satelite erretrogrado irregularrak dira talde horretako guztiak.

Aurkikuntza

Scott Sheppard-ek gidatutako Hawaiiko Unibertsitateko astronomo-talde batek aurkitu zuen, 2000ko azaroaren 23an hartutako irudiak aztertzean. Aurkikuntzaren berri 2001eko urtarrilaren 5ean eman zen, Jupiterren beste 10 sateliteren aurkikuntzaren berriarekin batera.

Izendapena

Kalize satelite-izena mitologia grekoko Kalize pertsonaian du jatorria; Kalize Eoloren alaba zen, eta Zeusen maitaleetariko bat.

Hasieran, S/2000 J 2 izendapen sistematikoa eman zitzaion sateliteari; kode horrek adierazten du 2000. urtean lehen aldiz ikusitako Jupiterren bigarren satelitea zela. Kalize behin betiko izena 2002ko urriaren 22an eman zitzaion, Jupiterren beste 10 sateliterekin batera.

Kanpo estekak

• Datuak: Q17109
• Multimedia: Kalyke (moon) / Q17109