Le Voyage dans la Lune

Le Voyage dans la Lune
	Irudi gehiago
Jatorria
Sortzailea(k)	Georges Méliès
Argitaratze-data	1902
Izenburua	Le Voyage dans la Lune
Jatorrizko hizkuntza	baliorik ez; frantsesa
Jatorrizko herrialdea	Frantzia
Banatze bidea	eskatu ahalako bideo
Ezaugarriak
Genero artistikoa	zientzia-fikziozko filma, eleberri batean oinarritutako filma, film mutua eta film komikoa
Iraupena	16 minutu
Kolorea	zuri-beltzekoa
Egile-eskubideak	jabetza publiko
Deskribapena
Oinarritua	Lurretik ilargira; Around the Moon (en) ; The First Men in the Moon (en)
Kokapena
Bilduma	New Yorkeko Arte Modernoaren Museoa
Zuzendaritza eta gidoia
Zuzendaria(k)	Georges Méliès
Gidoigilea(k)	Georges Méliès
Antzezlea(k)
	Georges Méliès ; Bleuette Bernon (mul) ; Jehanne d'Alcy (en)
Ekoizpena
Ekoizlea	Georges Méliès
Konpainia ekoizlea	Star Film Company (en)
Edizioa	Georges Méliès
Ekoizpen-diseinatzailea	Georges Méliès
Bestelako lanak
Musikagilea	Georges Méliès
Argazki-zuzendaria	Lucien Tainguy (en)
Jantzi-diseinatzailea	Jehanne d'Alcy (en)
Fikzioa
Kontakizunaren tokia	Ilargia
Bideoa	YouTube

Le Voyage dans la Lune (euskaraz: «Ilargirako Bidaia») 1902ko Georges Méliès frantziar zinema zuzendari, gidoigile, ekoizle eta aktorearen fantasia eta zientzia-fikziozko film bat da. Jules Verne idazlearen Lurretik Ilargira eta Ilargiaren Itzulinguruan eleberrietan oinarritua dago, bai eta 1901eko H. G. Wells idazlearen First Men in the Moon ("Lehengiziko Gizakiak Ilargian") eleberrian ere. Bertan, Georges Méliès, Bleuette Bernon, François Lallement eta Henri Delannoy aktoreek antzeztu zuten.

Film hau zinemaren historiako lehenbiziko zientzia-fikziozko filma izan zen.

Argumentua

Oharra: Atal honek istorio osoa edo amaiera argitzen du.

Sei astronauta edo espazio-bidaiari ausartek espazio-kapsula baten barnean Lurretik Ilargira bidaiatuko dute.

Atalak edo koadroak

XX. mendeko hasierako zine guztian bezala, film hau antzerkia eszenaratzeko erabiltzen ziren lege espazialetara mugatzen da, hau da, koadro estatikoen segidak baino ez ziren. Hala, pertsonaiak alboetatik sartzen eta irteten ziren, eremu sakontasunik ia ez zegoen, kamera geldirik mantendu ohi zen, antzoki batean eserita dagoen ikuslearen antzera ikusteko produktuak ziren.^[1]

Le Voyage dans la Lune zinearen historiako lehen super ekoizpenetako bat izan zen. Ondorengo sekuentzia edo koadrotan antolatua dago:^[2]

Astronomo talde batek ilargira bidaia egitea planeatzen du.
Bala formako ontzi bat eraikitzen dute.
Lantzamendua prestatzen dute.
Kainoi batekin egiten dute lantzamendua.
Ontziak ilargiaren begian lurreratzen da.
Bidaiariak ontzitik irten eta Lurra ikusten dute urrutira. Eztanda bat gertatzen da. Lotara etzaten dira eta kometan bat pasatzen ikusten dute. Emakume arpegidun izarrak agertzen dira emakumeez populatutako beste espazioko elementu batzuekin batera. Elurra botatzen hasten da.
Bidaiariak haitzulo batetik sartzen dira eta gauza miresgarriak ikusten dituzte: perretxiko erraldoi baten berehalako ernetzea. Estralurtarrak agertzen dira karramarro oskol batzuekin jantzita eta bidaiaren atzetik doaz segika.
Harrapatzen dituzte eta gorte moduko batera eramaten dituzte. Ihes egitea lortzen dute.
Ihesaldian borroka bat gertatzen da.
Bidaiariak amildegi baten ertzean dagoen ontzira iristen dira eta bertan sartzen dira.
Ontzia Lurreko itsasora erortzen da eta hondoratzen da. Azalera irteten da berriro eta itsasontzi batek lurrera atoatzen du.

Aktoreak

Georges Méliès: Barbenfouillis irakaslea
Bleuette Bernon: Febe, ilargiaren jainkosa
François Lallement: Marineen ofiziala
Henri Delannoy: suziriaren kapitaina
Jules-Eugène Legris: desfileko liderra
Victor André, Delpierre, Farjaux, Kelm eta Brunnet: sei astronauta edo espazio-bidaiariak
Châtelet antzokiko ballet dantzariak: izarrak
Folies Bergère kabareteko akrobatak: selenitak

Iruditegia

Le Voyage dans la lune

Le Voyage dans la lune
Hasierako kredituak.

Erreferentziak

↑ Harkaitz, Cano. (2008). Zinea eta literatura. Begiaren ajeak. Elkar, 26 or. ISBN 978-84-9783-652-4..
↑ (Gaztelaniaz) Sánchez Noriega, José Luis. (2018). Historia del Cine. Alianza, 232 or. ISBN 978-84-9181-203-6..

Kanpo estekak

Datuak: Q244971
Multimedia: Le voyage dans la lune (film) / Q244971

[1] Harkaitz, Cano. (2008). Zinea eta literatura. Begiaren ajeak. Elkar, 26 or. ISBN 978-84-9783-652-4..

[2] (Gaztelaniaz) Sánchez Noriega, José Luis. (2018). Historia del Cine. Alianza, 232 or. ISBN 978-84-9181-203-6..

[1]

[2]