Milt Jackson

Milt Jackson
Seattleko Parnell's Jazz Club-en, 1980 inguru. Irudi gehiago
Bizitza
Jaiotza	Detroit, 1923ko urtarrilaren 1a
Herrialdea	Ameriketako Estatu Batuak
Talde etnikoa	afro-amerikarra
Heriotza	New York eta Manhattan, 1999ko urriaren 9a (76 urte)
Hobiratze lekua	Woodlawn Cemetery (en)
Heriotza modua	berezko heriotza: gibeleko minbizia
Hezkuntza
Heziketa	Michigan Estatuko Unibertsitatea
Jarduerak
Jarduerak	musikagilea, jazz musikaria, abeslaria eta estudioko musikaria
Jasotako sariak	ikusi NEA Jazz Masters
Kidetza	Modern Jazz Quartet Milt Jackson Orchestra Milt Jackson Quintet The Milt Jackson Big 4
Genero artistikoa	Hard bopa Bebopa
Musika instrumentua	bibrafonoa ahotsa
Diskoetxea	Blue Note Warner Records Atlantic Records Impulse!

Village Jazz Lounge-n Bubba Kolb hirukotearekin, 70eko hamarkadaren bukaeran.

Milt Jackson ( Detroit, 1923ko urtarrilaren 1a - 1999ko urriaren 9a ), Bags goitizena zuena, estatubatuar jazz bibrafono-jolea zan zen. Instrumentuaren bi musikari nagusiak, Lionel Hampton eta Red Norvo, gainditu zituen. Berrogeita hamar urte eman zituen ospearen gailurrean, Bobby Hutcherson eta Gary Burton bezalako izar berrien gainetik ere. Estilo pila bat jotzen zituen, bop, blues eta balada tradizionalak barne.

Biografia

Milt Jackson zazpi urterekin hasi zen gitarra jotzen eta hamaikarekin pianoa. Urte batzuk geroago, bibrafonoarekin hasi zen. Debut profesionala gospel talde batean abestuz egin zuen.

Dizzy Gillespie-k Detroiten deskubritu zuen eta lana eskaini zion bere seikotean eta, beranduago, 1946an, orkestra batean. Jacksonek tronpeta-jolearekin grabatu eta ospe handia bereganatu zuen; laster beste musikari batzuek berarekin jo nahi izan zuten.1948an eta 1949an Charlie Parker, Thelonious Monk, Howard McGhee eta Woody Herman-en orkestrarekin lan egin zuen. 1950-1952 urteetan Gillespieren seikotearekin jo ondoren (John Coltrane ere bertan aritu zen), Jacksonek laukote batekin grabatu zuen, John Lewis, Percy Heath eta Kenny Clarke taldekide izanik (1952). Laster, talde egonkor bihurtu zen, Modern Jazz Quartet izenekoa.

Normalean lider gisa grabatu bazuen ere (berrogeita hamarreko hamarkadan Miles Davis eta Thelonious Monk, Coleman Hawkins, John Coltrane eta Ray Charles-ekin egindako saioak barne), Milt Jackson MJQ-n egon zen 1974 arte, eta taldearen soinuaren ezaugarri bihurtu zen. Berrogeita hamarreko hamarkadaren erdialdean, Lewis musika-zuzendari bihurtu zen; hark ezarritako formatuak, agian, Jacksonen talentu musikala mugatu zuen.

Hala ere, 1974an, funtsean diru-arrazoiengatik, Jackson taldea utzi zuen. Une horretatik aurrera, Pablo disketxearekin grabatu zuen hirurogeita hamarreko hamarkadan, jazz figura ugarirekin. Zazpi urteren ostean, MJQ-ra itzuli zen, 1981ean.

Taldearekin egindako grabazioez gain, Milt Jacksonek bere ibilbidean zehar grabaketa gehiago egin zituen konpainia ugaritan, besteak beste, Savoy, Blue Note (1952), Prestige, Atlantic, United Artists, Impulse, Riverside, Limelight., Verve, CTI, Pablo, Music Masters eta Qwest.

Minbiziak jota hil zen, 76 urte zituela.

Diskografia hautatua

• 1951 Milt Jackson [Dee Gee] (Dee Gee)
• 1951 The Quartet (Savoy)
• 1952 All Star Bags (Blue Note)
• 1956 Second Nature (Savoy)
• 1956 Ballads & Blues (Atlantic)
• 1956 Jackson' Ville (Savoy)
• 1957 Plenty, Plenty Soul (Atlantic)
• 1957 Soul Brothers (Atlantic)
• 1958 Bags' Opus (Blue Note)
• 1959 Bags and Trane (Atlantic)
• 1961 Bags Meets Wes! (Riverside)
• 1962 Statements (Impulse Records)
• 1972 Sunflower (Columbia/Legacy)
• 1975 The Milt Jackson Big Four [zuzenean] Pablo
• 1975 The Big 3 (Pablo/OJC)
• 1977 Soul Fusion (Pablo/OJC)
• 1980 Night Mist (Pablo/OJC)
• 1982 A London Bridge [zuzenean] (Pablo)
• 1982 Mostly Duke [zuzenean] (Pablo/OJC)
• 1982 Memories of Thelonious Sphere Monk (Pablo/OJC)
• 1993 Reverence and Compassion (Warner Bros.)
• 1994 The Prophet Speaks (Qwest)

• Datuak: Q435665
• Multimedia: Milt Jackson / Q435665