Cuiabá

Cuiabá

Bandeira
Himno	Hino do município de Cuiabá (pt)
Localización
15°35′45″S 56°05′49″O
Estado	Brasil
Unidades da federación	Mato Groso - Mato Grosso
Capital de	Mato Groso - Mato Grosso
Poboación
Poboación	585.367 (2016) (167,47 hab./km²)
Xeografía
Superficie	3.495,424 km²
Altitude	165 m
Comparte fronteira con	Rosário Oeste (pt) Nossa Senhora do Livramento (pt) Santo Antônio de Leverger (pt) Chapada dos Guimarães (pt) Acorizal Várzea Grande
Creación	8 de abril de 1719
Organización política
• Prefeito (pt)	Abilio Jacques Brunini Moumer (pt) (2025–2028)
Órgano lexislativo	câmara municipal de Cuiabá (pt) , (Escano: 25)
Identificador descritivo
Código postal	78000-000
Fuso horario	UTC−04:00
Prefixo telefónico	65
Código de concello do Brasil	5103403
Sitio web	cuiaba.mt.gov.br

Cuiabá é a capital do Estado brasileiro de Mato Grosso. Forma unha conurbación co veciño municipio de Várzea Grande. Está localizada a 1133 km de Brasilia e 1462 km de Porto Velho, sendo importante punto de pasaxe entre o sueste do Brasil e a rexión Amazónica.

A orixe do seu nome é a palabra indíxena Ikuiapá. Ikuia significa "arpón"; pá significa "lugar". Ou sexa, o lugar dende o que se pesca con arpón.

Relevo

O cadro xeomorfoloxico do municipio está, en gran parte, representado pola Chapada dos Guimarães, unha gran meseta non moi distante (uns 60 km) do centro da cidade. Pero tamén aparecen no relevo o Planalto da Casca e a Depresión Cuiabana. Predominan as pequenas altitudes e o relevo case plano. Na cidade, as altitudes varían entre os 146 e os 250 metros.

Clima

O clima é tropical quente e subhúmido. A media anual chuvias é de 1.750 mm, con intensidade máxima en decembro, xaneiro e febreiro. A temperatura máxima, nos meses mais quentes, fica próximo ós 43^oC. A mínima varía entre 12 e 14 °C. A temperatura media é de 24 °C. A temperatura mínima rexistrada chegou ó 0 °C.

Localización estratéxica

Cuiabá é cercada por tres grandes ecosistemas do mundo: a Amazonia, o Cerrado Brasileiro e o Pantanal. Cun clima moi quente, o lugar está ao norte do Pantanal, ao lado da Chapada dos Guimarães e tamén é considerada a porta de entrada da Foresta Amazónica.

Cuiabá está localizada no Centro Xeodésico da América do Sur. A Gran Cuiabá, formada coa veciña cidade de Várzea Grande, é o portón de entrada non só do Pantanal, pero tamén para Águas Quentes, Chapada dos Guimarães, Vila Bela da Santíssima Trindade e moitas outras rexións do estado. Cuiabá e Várzea Grande son cidades-irmás, unidas polo río Cuiabá.

Economía

Catedral.

A economía de Cuiabá, hoxe, está centralizada no comercio e na industria. O sector industrial é representado, basicamente, pola agroindustria. Cun distrito industrial que ten infra-estrutura necesaria, a capital atraeu empresarios de varias rexións do país.

Na agricultura cultívanse lavouras de subsistencia e hortifrutigranxeiros. Nos servizos, destaca o sempre crecente mercado do turismo. A rexión da Chapada dos Guimarães, por exemplo, está a 60 km do centro da cidade.