Josu Jon Imaz

Josu Jon Imaz

(2014)
Biografía
Nacemento	6 de setembro de 1963 (61 anos) Zumarraga, España
Presidente do Partido Nacionalista Vasco
2004 – 2008 ← Xabier Arzalluz – Iñigo Urkullu →
Deputado do Parlamento do País Vasco
8 de xuño de 2001 – 25 de setembro de 2001 Lexislatura: VII lexislatura do Parlamento Vasco Circunscrición electoral: Guipúscoa
Eurodeputado
Representa: Euzko Alderdi Jeltzalea - Partido Nacionalista Vasco 19 de xullo de 1994 – 5 de xaneiro de 1999 Lexislatura: IV lexislatura do Parlamento Europeo Circunscrición electoral: España Electo en: eleccións ao Parlamento Europeo de 1994
Tenente de alcalde Zumarraga
1991 – 1995 Electo en: 1991 Spanish local elections (en)
Datos persoais
Relixión	Catolicismo
Educación	Universidade do País Vasco - química Universidade de Deusto
Actividade
Lugar de traballo	Estrasburgo Bruxelas
Ocupación	químico, político
Empregador	Petronor (pt) Repsol YPF Naturgy
Partido político	Euzko Alderdi Jeltzalea - Partido Nacionalista Vasco (1978–)
Participou en
22 de maio de 2022	World Economic Forum Annual Meeting 2022 (en)
20 de xaneiro de 2020	Encontro Anual do Foro Económico Mundial de 2020
22 de xaneiro de 2019	Encontro Anual do Foro Económico Mundial de 2019
23 de xaneiro de 2018	Encontro Anual do Foro Económico Mundial de 2018
17 de xaneiro de 2017	Encontro Anual do Foro Económico Mundial de 2017
20 de xaneiro de 2016	Encontro Anual do Foro Económico Mundial de 2016
Premios
(2006)  Creu de Sant Jordi

Josu Jon Imaz San Miguel, nado en Zumarraga (Guipúscoa) o 6 de setembro de 1963, é un político vasco.

Traxectoria

Licenciouse en Química na Universidade do País Vasco en Donostia co premio extraordinario de fin de carreira, e doutorouse tamén na mesma facultade en 2004. Especializado en polímeros, traballa para o centro tecnolóxico INASMET na década dos oitenta, época durante a que fai unha estadía no CETIM de Nantes. A partir de 1989, traballa como promotor industrial no Grupo Cooperativo Mondragón, e en 1991 regresa ao INASMET, onde permanece ata o seu salto á política.

En xuño de 1994 é elixido eurodeputado nas eleccións europeas, cargo que desempeña ata o seu nomeamento o 7 de xaneiro de 1999 como conselleiro de Industria, Comercio e Turismo do Goberno Vasco e portavoz do propio Goberno Vasco.

A partir do Consello de Goberno celebrado con data 17 de xullo de 2001 é novamente titular da carteira de Industria, Comercio e Turismo do Goberno Vasco e portavoz do mesmo, cargos que desempeña ata o 13 de xaneiro do 2004.

Finalmente, na Asemblea Xeral do Partido Nacionalista Vasco, celebrada os días 17 e 18 de xaneiro de 2004, é elixido presidente do Euzkadi Buru Batzar (executiva nacional), cargo en que permanece durante 3 anos, ata ser substituído por Iñigo Urkullu.

Currículo político

• Afiliado a EAJ-PNV no ano 1978.
• Presidente de EGI Urretxu-Zumarraga (1979-1982).
• Membro do Consello Rexional EGI Guipúscoa (1980-1986).
• Membro do Consello Nacional de EGI (1981-1986).
• Membro da Xunta Municipal de EAJ-PNV de Urretxu-Zumarraga (1979-1982).
• Representante da Asemblea Nacional EAJ-PNV (1983-1985), (1986-1988), (1992-1994).
• Membro do GBB (1988-1990).
• Tenente de Alcalde e concelleiro de Facenda e Desenvolvemento de Zumarraga (1991-1995).
• Deputado no Parlamento Europeo (1994-1999).
• Membro da Comisión de Orzamentos, Industria e Asuntos Económicos e Pesca.
• Vicepresidente Subcomisión Monetaria.
• Conselleiro de Industria, Comercio e Turismo e Portavoz do Goberno (1999-2001).
• Parlamentario vasco por Guipúscoa (2001).
• Conselleiro de Industria, Comercio e Turismo e Portavoz do Goberno (2001-2003).
• Presidente do EBB de EAJ-PNV (2004).

Vida persoal

Está casado, ten tres fillos e vive en Donostia.