Penélope Cruz

Penélope Cruz
	; (2024)
Biografía
Nacemento	(es) Penélope Cruz Sánchez ; 28 de abril de 1974 (50 anos); Alcobendas (España franquista)
Educación	Real Conservatorio Superior de Música de Madrid
Altura	1,68 m
Cor dos ollos	Castaño escuro
Cor do pelo	Cabelo castaño
Actividade
Ocupación	actriz, presentadora, actriz de dobraxe, fotógrafa, actriz de televisión, presentadora de televisión, actriz de cinema, directora de cinema
Período de actividade	1989 -
Familia
Cónxuxe	Javier Bardem (2010–)
Pais	Eduardo Cruz e Encarna Sánchez
Irmáns	Eduardo Cruz; Mónica Cruz
Premios
	(2021) Volpi Cup for Best Actress (en) , premiado polo traballo Madres paralelas; (2019) Premio Donostia; (2018) Medalla de Ouro ao Mérito nas Belas Artes; (2018) César de honra; (2018) Premios César; (2009) Gaudí a la millor actriu secundària (en) , premiado polo traballo Vicky Cristina Barcelona (pt) ; (2009) BAFTA a mellor actriz secundaria, premiado polo traballo Vicky Cristina Barcelona (pt) ; (2008) Óscar á mellor actriz secundaria, premiado polo traballo Vicky Cristina Barcelona (pt) ; (2008) Premio Goya á mellor interpretación feminina secundaria, premiado polo traballo Vicky Cristina Barcelona (pt) ; (11 de xaneiro de 2006) cabaleiro da orde das Artes e as Letras; (2006) Premio do Festival de Cannes á mellor actriz, premiado polo traballo Volver; (2006) Premio do Cinema Europeo á mellor actriz, premiado polo traballo Volver; (2006) Premio Goya á mellor interpretación feminina protagonista, premiado polo traballo Volver; (2004) Jameson People's Choice Award for Best Actress (en) , premiado polo traballo Don't Move (en) ; (1999) Premios Goya; (1998) Premio Goya á mellor interpretación feminina protagonista, premiado polo traballo The Girl of Your Dreams (en) ; BAFTA; Ordre des Arts et des Lettres; estrela no Paseo da Fama de Hollywood ;
Descrito pola fonte	Obálky knih,
Sitio web	penelope-cruz.org

Penélope Cruz Sánchez, nada en Madrid o 28 de abril de 1974, é unha actriz española. Aínda que inicialmente foi bailarina e presentou programas de televisión, é mundialmente coñecida pola súa faceta cinematográfica, participando en películas realizadas en español, inglés e outros idiomas, coas que acadou un éxito importante e varios premios.

Traxectoria

Infancia e adolescencia

Penélope Cruz é filla de Eduardo Cruz (comerciante) e Encarna Sánchez (peiteadora), unha familia humilde de San Sebastián de los Reyes, Madrid. Axiña se sentiu atraída polo mundo da arte e a interpretación e, especialmente desde o momento no que viu a película ¡Átame! nun cinema da Praza Maior de Madrid. A partir dese momento decidiu ser actriz para poder chegar a cumprir un soño: traballar con Almodóvar. Completou o segundo ano do ensino secundario pero deixou a escola ós quince anos tras bater a máis de 300 rapazas nunha audición de talentos. Recibiu nove anos de aprendizaxe de ballet clásico no Conservatorio Nacional de Madrid, catro anos de mellora da danza en diversos cursos na Escola Cristina Rota en Nova York, e tres anos de ballet español con Ángela Garrido. Tamén realizou cursos de baile de jazz con Raúl Caballero.

Carreira cinematográfica

A primeira aparición notoria de Penélope foi a súa participación no videoclip "La fuerza del destino" do grupo technopop Mecano. Máis adiante comezou unha relación que durou varios anos con Nacho Cano, membro do grupo xunto con José María Cano e a vocalista Ana Torroja.

Foi condutora de La quinta marcha, un programa de televisión orientado a adolescentes onde coincidiu con Jesús Vázquez.

As primeiras películas nas que actuou foron Jamón, Jamón (Bigas Luna, 1992), na que saíu potenciada coa súa imaxe de sex-simbol e Belle Époque, de Fernando Trueba, película que gañou o Oscar á mellor película en lingua non inglesa en 1993.

En 1997, protagonizou Abre los ojos co papel de Sofía. Nesta película, dirixida por Alejandro Amenábar, actuaba xunto a Eduardo Noriega. O seu soño de xuventude cumpriuse en 1997, cando protagonizou a carón de Javier Bardem a película de Pedro Almodóvar Carne trémula. Porén, é outra a película de Almodóvar á que agradece a súa fama mundial, Todo sobre mi madre (1999), película gañadora do Oscar á mellor película en lingua non inglesa.

En 2000 deu o salto a Estados Unidos e actuou xunto a Matt Damon en All the pretty horses. En 2004 protagonizou a película italiana No te muevas, pola que gañou o premio David de Donatello á mellor interpretación feminina e foi candidata ó Premio Goya á mellor actriz.

A seguinte colaboración entre Pedro Almodóvar e Penélope foi en Volver (2006), película que protagonizou e pola que gañou o premio á mellor interpretación feminina no Festival de Cannes de 2006 (compartido co resto de actrices do filme: Carmen Maura, Chus Lampreave, Lola Dueñas, Blanca Portillo e Yohana Cobo).

Tamén por este papel recibiu no mes de outubro de 2006 o premio á mellor interpretación feminina nos Hollywood Awards, galardóns outorgados anualmente por críticos de cinema, produtores e directores de festivais e obtivo un nomeamento ó Globo de Ouro coma mellor actriz.

O papel de Raimunda en Volver tamén lle valeu a Penélope Cruz o Premio Goya á mellor actriz protagonista en 2007, así como un nomeamento ao Premio Oscar na mesma categoría, convértendose na primeira intérprete española en ser candidata a este galardón.

Vida persoal

Practica a filosofía budista. En 2000, tras protagonizar a película All the pretty horses tomou a decisión de facerse vexetariana.

En 2006 rompeu a súa relación con Matthew McConaughey ó que coñeceu na película Sahara. Previamente estivera con Tom Cruise, co que mantén unha boa amizade.

Ten un irmán, Eduardo Cruz, músico e cantante, e unha irmá, Mónica Cruz, tamén actriz e bailarina, que saltou á fama como unha das protagonistas da serie Un paso adelante, e que garda un gran parecido físico con Penélope.

Penélope Cruz fala catro idiomas: castelán, inglés, francés e italiano.

Filmografía

El laberinto griego (1991)
Jamón, jamón (1992)
Belle Époque (1992)
Por amor, sólo por amor (1993)
La rebelde (1993)
Todo es mentira (1994)
Entre rojas (1994)
Alegre ma non troppo (1994)
Hablando con los ángeles (1995)
El efecto mariposa (1995)
Brujas (1995)
La Celestina (1996)
El amor perjudica seriamente la salud (1996)
Más que amor, frenesí (1996)
Framed (1996)
Carne trémula (1997)
Abre los ojos (1997)
La hija de Mata-Hari (1997)
The Hi-lo country (1998)
Pasiones rotas (1998)
Lluvia en los zapatos (1998)
La niña de tus ojos (1998)
Don Juan (1998)
Volavérunt (1999)
Todo sobre mi madre (1999)
Woman on Top (2000)
All the Pretty Horses (2000)
Sin noticias de Dios (2001)
Vanilla Sky (2001)
La mandolina del capitán Corelli (2001)
Blow (2001)
Waking Up in Reno (2002)
Fanfan la Tulipe (2003)
Masked and Anonymous (2003)
Gothika (2003)
Noel (2003)
Head in the Clouds (2004)
Non ti muovere (2004)
Sahara (2005)
Chromophobia (2005)
Volver (2006)
Bandidas (2006)
The Good Night (2007)
Elegy (2008)
Vicky Cristina Barcelona (2008)
Manolete (2008)
Nine (2009)
Los abrazos rotos (2009)
Sex and the City 2 (2010)
Pirates of the Caribbean: On Stranger Tides (2011)
To Rome With Love (2012)
Venuto al mondo (2012)
Los amantes pasajeros (2013)
The Counselor (2013)
Ma ma (2015)
The Brothers Grimsby (2016)
Zoolander No. 2 (2016)
La reina de España (2017)

Premios

Premios Óscar

2009: Gañadora do Óscar á mellor actriz secundaria por Vicky Cristina Barcelona
2006: Nomeada ó Óscar á mellor actriz por Volver

Globos de Ouro

2006: Nomeada ó Globo de Ouro á Mellor actriz - Drama por Volver

Screen Actors Guild Award

2006: Nomeada ó premio á Mellor actriz por Volver

Premios Satélite

2006: Nomeada ó premio á Mellor actriz - Drama por Volver

Premios Goya

2009: Gañadora do Goya á Mellor actriz secundaria por Vicky Cristina Barcelona
2006: Gañadora do Goya á Mellor actriz por Volver
2004: Nomeada ó Goya á Mellor actriz por No te muevas
1998: Gañadora do Goya á Mellor actriz por La niña de tus ojos
1992: Nomeada ó Goya á Mellor actriz por Jamón, jamón

Premios da Unión de Actores

2006: Gañadora do premio á Mellor actriz de cinema por Volver
1998: Gañadora do premio á Mellor interpretación de cinema por La niña de tus ojos
1997: Nomeada ó premio á Mellor interpretación secundaria de cinema por Carne trémula
1992: Gañadora do premio á Mellor interpretación secundaria de cinema por Belle Époque
1992: Nomeada ó premio á Mellor interpretación revelación por Jamón, jamón

Premios BAFTA

2009: Gañadora ó premio á Mellor actriz secundaria por Vicky Cristina Barcelona
2006: Nomeada ó premio á Mellor actriz por Volver

Premios David de Donatello

2004: Gañadora do premio á Mellor actriz por No te muevas

Festival de Cannes

2006: Gañadora do premio á mellor interpretación feminina (en conxunto co resto de actrices) por Volver

Hollywood Awards

2006: Gañadora do premio á mellor interpretación feminina por Volver

Medallas do Círculo de Escritores Cinematográficos

2006: Gañadora do premio á Mellor actriz por Volver

Premios do Cinema Europeo

2006: Gañadora do premio á Mellor actriz europea por Volver
2004: Nomeada ó premio á Mellor actriz europea por No te muevas
2004: Gañadora do premio da audiencia á Mellor actriz europea por No te muevas
2003: Nomeada ó premio da audiencia á Mellor actriz europea por Fanfan la tulipe
2001: Nomeada ó premio da audiencia á Mellor actriz europea por La nmandolina del capitán Corelli
1998: Nomeada ó premio á Mellor actriz europea por La niña de tus ojos

Fotogramas de Prata

2006: Gañadora do premio á Mellor actriz de cinema por Volver
1998: Gañadora do premio á Mellor actriz de cinema por La niña de tus ojos
1994: Nomeada ó premio á Mellor actriz de cinema por Alegre ma non troppo e Todo es mentira
1992: Nomeada ó premio á Mellor actriz de cinema por Jamón, jamón e Belle Époque