Serbia e Montenegro

Serbia e Montenegro

Државна заједница Србија и Црна Гора (sr-cyrl) Državna zajednica Srbija i Crna Gora (sr-latn)
Bandeira Brasón
Himno	Hej, Sloveni
Localización
43°09′N 19°47′L
Capital	Belgrado
Poboación
Poboación	10.832.545 (2006) (105,84 hab./km²)
Lingua oficial	lingua serbia
Xeografía
Superficie	102.350 km²
Comparte fronteira con	Unión Europea Romanía
Datos históricos
Precedido por	República Federal de Iugoslavia, República Federal da Sérvia (pt) e República Autônoma de Montenegro (pt)
Creación	2003
Disolución	4 de xuño de 2006
Sucedido por	Serbia e Montenegro
Organización política
Membro de	Organización para a Seguridade e a Cooperación en Europa (2003–2006)
Moeda	dinar iugoslavo (pt)
Identificador descritivo
Fuso horario	UTC+01:00
Código de país	sen valor e CS

Serbia e Montenegro foi un estado federal situado nos Balcáns, descendente directo da Iugoslavia e composto polas repúblicas de Serbia e de Montenegro. Confinaba ao norte con Hungría, ao leste con Romanía e Bulgaria, ao sur coa Macedonia do Norte e Albania e ao oeste co mar Adriático (a través do cal contactaba con Italia), Bosnia e Hercegovina e Croacia. A capital do país era a cidade de Belgrado.

Historia

No ano 2003 a República Federal de Iugoslavia composta por Serbia e Montenegro renovou a súa Carta Constitucional reestruturando o estado e mudando o nome por Unión dos Estados de Serbia e Montenegro. Porén dos cambios no estado, a bandeira, himno e escudo seguiron sendo os mesmos.

O 22 de maio de 2006 celebrouse en Montenegro un referendo no que os cidadáns montenegrinos residentes nesta república decidiron a independencia, o que levou á constitución dun estado propio e independente para Montenegro e á disolución da federación de Serbia e Montenegro.

Divisións administrativas

Mapa das divisións subterritoriais de Serbia e Montenegro. As sección en cor amarela representa a República de Serbia mentres que a sección en azul a República de Montenegro.

Serbia e Montenegro estaba composta de catro unidades políticas principais, dúas repúblicas e dúas provincias autónomas subordinadas:

• República de Serbia (con capital en Belgrado)
  • Voivodina – provincia autónoma (capital: Novi Sad)
  • Kosovo e Metohija – provincia autónoma. Baixo a administración das Nacións Unidas tras a Guerra de Kosovo. (capital: Priština)
• República de Montenegro (capital: Podgorica)

A organización territorial de Serbia estaba regulamentada pola Lei de Organización Territorial e Goberno Local, adoptada na Asemblea de Serbia o 24 de xullo de 1991. Baixo a Lei, os municipios, cidades e asentamentos establecían as bases da organización territorial.

Serbia estaba dividida en 195 municipios e 4 cidades, que eran as unidades básicas da autonomía local. Tiña dúas provincias autónomas Kosovo e Metohija no sur e Vojvodina no norte. A parte de Serbia que non forma parte destas dúas provincias é coñecida como Serbia Central.

Montenegro ten 21 municipios (Општина, opština), e dous municipios urbanos (градска општина, gradska opština), subdivisiónns do municipio de Podgorica.

Deporte

Artigo principal: Serbia e Montenegro nos Xogos Olímpicos.

Festas en Serbia e Montenegro

Festas

Data	Nome
1 de xaneiro	Aninovo
7 de xaneiro	Nadal ortodoxo
27 de xaneiro	Día da Espiritualidade
27 de abril	Día da Constitución
(Varía co ano)	Venres Santo Ortodoxo
(Varía co ano)	Semana Santa Ortodoxa
(Varía co ano)	Luns de Pascua Ortodoxo
1 de maio	Día do Traballo
9 de maio	Día da Vitoria
28 de xuño	Vidovdan (Día dos Mártires)

Só en Serbia

• 15 de febreiro - Sretenje (Día Nacional)

Só Montenegro

• 13 de xullo - Día do Estado