Դայան Ֆարը ծնվել է իտալա-իռլանդական ընտանիքում։ Տասներկու տարեկանից եղել է մոդել, իսկ տասնինը տարեկանում նվաճել է «Միս Նյու Յորք» տիտղոսը։ Ավարտել է Նյու Յորք նահանգում գտնվող Սթոունի Բրուքի և Լաֆբորոյի (Լաֆբորո, Անգլիա) համալսարանները։ Ուսումն ավարտելուց հետո ճանապարհորդել է աշխարհով՝ լինելով Աֆրիկայում, Թայլանդում, Ավստրալիայում, Հոնկոնգում և եվրոպական երկրներում։ Հեռուստաէկրանում առաջին անգամ հայտնվել է 1992 թվականին։ Հիմնականում նկարահանվում է հեռուստասերիալներում։ Առավել հայտնի դերը «Թվեր» հեռուստասերիալում խաղացած ՀԴԲ-ի լրտես Մեգան Ռիվզի դերն է[3]։ Գրել է նոն ֆիքշն ժանրի երկու գիրք (2001, 2006), ինչպես նաև Esquire, Glamour և Cosmopolitan ամսագրերի համար հոդվածներ։
2001 թվականին «Մահացու ծառայություն» ֆիլմում կատարած դերի համար «Նոր կատակերգական սերիալում լավագույն դերասանուհի» կատեգորիայում առաջադրվել է «Online Film & Television Association Award» մրցանակի[4]։
2006 թվականին Ֆարն ամուսնացել է Սյունգ Յոնգ Չանգի (Seung Yong Chung) հետ[5][6]։ Հաջորդ տարի զույգն ունեցել է որդի՝ Բեքեթ Մանկուսո Չանգը (Beckett Mancuso Chung), իսկ 2008 թվականին ծնվել է երկվորյակ աղջիկներ՝ Սոյեր Լյուսի Չանգը և Կոկո Թրինիթի Չանգը (Sawyer Lucia Chung, Coco Trinity Chung)[7]։
ԱՄՆ
