Լուիս Բարագան

Լուիս Բարագան; իսպ.՝ Luis Barragán
Ի ծնե	իսպ.՝ Luis Ramiro Barragán Morfín
Ծնվել է	մարտի 9, 1902[…]
Ծննդավայր	Գվադալախարա, Մեքսիկայի Միացյալ Նահանգներ
Մահացել է	նոյեմբերի 22, 1988[…] (86 տարեկան)
Վախճանի վայր	Մեխիկո, Մեքսիկայի Միացյալ Նահանգներ
Ուշագրավ աշխատանքներ	Luis Barragán House and Studio?
Պարգևներ	Պրիցկերի ճարտարապետական մրցանակ և Ազգային պարգև արվեստի և գիտությունների ոլորտում
Անդամություն	Արգենտինայի գեղարվեստի ազգային ակադեմիա
	Luis Barragán Վիքիպահեստում

Լուիս Բարագան (Luis Barragán, մարտի 9, 1902(1902-03-09)^[1]^[2]^[3]^[…], Գվադալախարա, Մեքսիկայի Միացյալ Նահանգներ^[4] - նոյեմբերի 22, 1988(1988-11-22)^[1]^[2]^[3]^[…], Մեխիկո, Մեքսիկայի Միացյալ Նահանգներ^[5]^[4]), 20-րդ դարի մեքսիկացի ամենաազդեցիկ ճարտարապետը։ Սկզբնական շրջանում հարել է Լե Կորբյուզիեի ինտերնացիոնալ ոճին (նրան համարում էր իր ուսուցիչը), սակայն ավելի ուշ անցել է հարթ ձևերով բնորոշ մինիմալիզմին` պահպանելով ազգային ավանդույթները։ Օգտագործել է վառ գույներ, մեքսիկական ավանդական նյութեր, առատ ջուր և շատրվաններ, բնական կանաչ։ Ճարտարապետն իր ոճն անվանում էր «զգայական ճարտարապետություն»։ Մեխիկոյի իր առանձնատունը (1947) Համաշխարհային ժառանգության հուշարձան է։ Երկրորդ ճարտարապետն է, որ ստացել է Պրիցկերի ճարտարապետական մրցանակ։

Կյանքը

Բարագանը ծնվել է Խալիսկո նահանգի Գվադալախարա քաղաքում։ 1923 թվականին ավարտել է Գվադալախարայի ինժեներական դպրոցը։ Շատ է ճանապարհորդել, եղել է Իսպանիայում և Ֆրանսիայում։ Ֆրանսիայում ծանոթացել է գրող, դիզայներ և նկարիչ Ֆերդինանդ Բաքի գործերին, որոնցից մեջբերումներ է արել ողջ կյանքի ընթացքում^[7]։ Երկար ժամանակ Նյու Յորքում ապրելուց հետո 1931 թվականին նա կրկին մեկնել է Ֆրանսիա` այնտեղ ծանոթանալով մեքսիկացի բնանկարիչ Օրոսկոյի, ճարտարապետական ամսագրի խմբագիր Ֆրեդերիկ Կեյզլերի հետ։ Ֆրանսիայում Բարագանը հանդիպել է Լե Կորբյուզիեին, այցելել Ֆերդինանդ Բաքի հիմնած այգիներ։

Գվադալախարայում նրա նախագծով կառուցվել են տասնյակ առանձնատներ։ Այդ տներն իրար մոտ են` մեկը մյուսից մի քանի րոպե քայլելու հեռավորությամբ։

1945 թվականին Լուիս Բարագանն սկսում է աշխատել Մեխիկոյում բնակելի համալիրի նախագծի շուրջ։ 1947 թվականին նա կառուցում է սեփական առանձնատուն և ստուդիա։ 1957 թվականին նրա նախագծով կառուցվում են Torres de Satélite ինքնատիպ 7 շենքերը, որոնք աչքի են ընկնում իրենց բարակ, երկար ձևերով։ Այս նախագծի համար Բարագան 1957 թվականին ստացել է Պրիցկերի ճարտարապետական մրցանակ։ 1964 թվականին ճարտարապետ Խուան Մադալենոյի հետ նախագծել է Լոմաս Վերդես բնակելի թաղամասը։ Նույն թվականին նա Մեխիկոյում իրականացնրել է իր ամենահայտնի գործերից մեկը` San Cristóbal Estates նախագիծը։

Բարագանի իրականացրած նախագծերը հիմնականում գտնվում են Մեխիկոյում։

Պատկերասրահ

Fuente de los Amantes
Casa Gilardi
Casa Gilardi
Torres de Satélite

Լուիս Բարագանի տուն-ստուդիան

Բարագանը իր ստուդիան է հիմնել Մեխիկոյում։ Ներկայումս այն թանգարան է, սակայն էքսկուրսիաներ կազմակերպվում են միայն նախօրոք ներկայացված հայտերով։ Տուն-ստուդիան կառուցվել է 1948 թվականին։ Այնտեղ է ճարտարապետն ապրել իր ողջ կյանքում։ Տունը լավագույնս ներկայացնում է Բարագանի ճարտարապետական ոճի էությունը։ 2004 թվականին տուն-ստուդիան Համաշխարհային ժառանգության հուշարձան է հռչակվել^[8]։

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Encyclopædia Britannica
↑ ^3,0 ^3,1 ^3,2 ^3,3 ^3,4 Բրոքհաուզի հանրագիտարան (գերմ.)
↑ ^4,0 ^4,1 ^4,2 ^4,3 ^4,4 ^4,5 http://www.casaluisbarragan.org/eng/en_luisbarragan.html
↑ ^5,0 ^5,1 ^5,2 Union List of Artist Names — 2018.
↑ Premio Nacional de Ciencias y Artes (իսպ.)
↑ Tim Street-Porter, Casa Mexicana Stewart, Tabori & Chang (1989) ISBN 1-55670-097-0
↑ "Casa Luis Barragán website". www.casaluisbarragan.org. Retrieved 2015

Արտաքին հղումներ

Վիքիպահեստն ունի նյութեր, որոնք վերաբերում են «Լուիս Բարագան» հոդվածին։

[_0dff479dba08757c-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_ea3e4defb605cb1e-2] 2,0 ^2,1 ^2,2 ^2,3 ^2,4 Encyclopædia Britannica

[_a8f1d9572fdce4ec-3] 3,0 ^3,1 ^3,2 ^3,3 ^3,4 Բրոքհաուզի հանրագիտարան (գերմ.)

[_dc6440f2ef18f04b-4] 4,0 ^4,1 ^4,2 ^4,3 ^4,4 ^4,5 http://www.casaluisbarragan.org/eng/en_luisbarragan.html

[_6b1416700772626f-5] 5,0 ^5,1 ^5,2 Union List of Artist Names — 2018.

[_3ba93048130fedfb-6] Premio Nacional de Ciencias y Artes (իսպ.)

[7] Tim Street-Porter, Casa Mexicana Stewart, Tabori & Chang (1989) ISBN 1-55670-097-0

[8] "Casa Luis Barragán website". www.casaluisbarragan.org. Retrieved 2015

[1]

[2]

[3]

[4]

[5]

[6]

[7]

[8]