Մերսեդես Մակքեմբրիջ

Մերսեդես Մակքեմբրիջ; անգլ.՝ Mercedes McCambridge
Ծնվել է	մարտի 16, 1916
Ծննդավայր	Ջոլիետ
Մահացել է	մարտի 2, 2004 (87 տարեկան)
Մահվան վայր	Լա Խոյա, Սան Դիեգո, Կալիֆոռնիա, ԱՄՆ
Կրթություն	Չիկագոյի Լոյոլայի համալսարան
Քաղաքացիություն	ԱՄՆ
Մասնագիտություն	կինոդերասանուհի, թատրոնի դերասանուհի, հեռուստատեսային դերասանուհի և ձայնային դերասանուհի
Ժանրեր	վեսթեռն
Ամուսին(ներ)	Fletcher Markle? և William Fifield?
Երեխա(ներ)	John Lawrence Markle?
Պարգևներ և մրցանակներ	և Հոլիվուդյան փառքի ծառուղու աստղ

Մերսեդես Մակքեմբրիջ (անգլ.՝ Mercedes McCambridge, մարտի 16, 1916(1916-03-16)^[1], Ջոլիետ - մարտի 2, 2004(2004-03-02)^[2], Լա Խոյա, Սան Դիեգո, Կալիֆոռնիա, ԱՄՆ), ամերիկացի դերասանուհի և ռադիոհաղորդավարուհի, Օսկարի մրցանակակիր «Երկրորդ պլանի լավագույն կին դերասանուհի» անվանակարգում, համաշխարհային կինեմատոգրաֆիայի պատմության մեջ այս անվանակարգում օսկարակիր 8 կանանցից մեկը։

Կենսագրություն

Կարիերա

Շառլոտա Մերսեդես Մակքեմբրիջը ծնվել է 1916 թվականի մարտի 16-ին՝ Իլինոյս նահանգի Ջոլիտ քաղաքում՝ իռլանդական, կաթոլիկ Մարի և Ջոն Պատրիկ Մակքեմբրիջների^[3] ընտանիքում։ Ուսումը ստացել է Չիկագոյի Մանդելի քոլեջում^[4]։

Իր կարիերան սկսել է 1940-ական թվականներին, իսկ հետո շարունակել է Բրոդվեյում։ 1946 թվականին դերասանուհին կատարել է իր առաջին դերը՝ «Ամբողջ թագավորական զորք» ֆիլմում։ Սեդի Բարկի դերը կատարելու համար արժանացել է «Օսկար» և «Ոսկե գլոբուս»՝ որպես «երկրորդ պլանի լավագույն դերասանուհի»։ 1954 թվականին դերասանուհին Ջոան Կրոուֆորդի հետ նկարահանվել է «Ջոննի կիթառ» վեստերնում, որը հանդիսանում է այս ժանրի դասական։ Նա նաև Լուզի դերում է խաղացել՝ «հսկա» (ռուս. Гигант) վեստերնում, որտեղ նրա հետ նկարահանվել են Էլիզաբետ Թեյլորը, Ռ. Խադսոնը և Ջեյմս Դինը։ Այս դերը նրան բերել է «Օսկար» մրցանակը, սակայն այդ տարի մրցանակը ստացել է Դորոտի Մէլոուն։

1973 թվականին դերասանուհին «Սատանա քշողը» ֆիլմում խոսել է դև Պազուզի ձայնով։ «Warner Bros.» ընկերությունը նրան հավատացրել է, որ իր անունը կտեղադրվի տիտղոսաշարում՝ տիտրերում, բայց խոստումը չի կատարել։ Դրանից հետո Մակկէնբրիջի և ֆիլմի ռեժիսորի միջև առաջանում է վիճաբանություն, որը հարթվում է այն բանից հետո, երբ էկրանային գիլդիայի դերասանների շնորհիվ դերասանուհու անունը հայտնվել է տիտրերում^[4]։

1981 թվականին «The Quality of Mercy An Autobiography»-ում թողարկվում է իր ինքնակենսագրությունը։ Հոլիվուդյան փառքի ծառուղում դերասանուհին ունի երկու աստղ՝ ֆիլմում կատարած մեծ ավանդի համար։

Անձնական կյանք

1939 թվականին ամուսնացել է իր առաջին ամուսնու՝ Ուիլյամ Ֆիֆելդի հետ։ Ունեցել է մեկ որդի՝ Ջոն Ֆիֆելդը, սակայն 1946 թվականին նրանք ամուսնալուծվել են։

1950 թվականին դերասանուհին ամուսնանում է կանադացի ռադիոռեժիսոր Ֆ. Մարկելի հետ։ Ամուսնության ընթացքում դերասանուհու մոտ խմիչքի և խմելու հետկապված խնդիիրներ են առաջանում և նրան հաճախ են հոսպիտալացնում։ Դա հանդիսացել է 1962 թվականի ամուսնալուծության պատճառ։ Նա կարողացել է վերջնականապես հաղթահարել հարբեցողությունը միայն 1969 թվականին՝ անհայտ հարբեցողների կենտրոն այցելելուց հետո^[4]։

Մերսեդեսը մահացել է 2004 թվականի մարտի 2-ին, 87 տարեկանում՝ Կալիֆոռնիայի Լա-Հոլայում գտնվող իր տանը։

Ընտրված Ֆիլմագրություն

Օդանավակայան-79. «Կոնկորդ» (1979)՝ Նելլի
Չարլի հրեշտակները (1978)՝ Նորմա
Սատանա քշողը (1973)՝ դև Պազուզ (ձայնը)
Քամու մյուս կողմը (1972)՝ Մեգգի
Ժյուստինա, կամ առաքինության դժբախտությունները (1963)՝ Մադամ Դյուբուա
99 կանայք (1969)՝ Տելմա Դիազ
Սիմարրոն (1960)՝ Սառա Уайет
Անսպասելի, անցյալ ամռանը (1959)՝ Գրեյս Խոլլի
Չարի կնիք (1958)՝ (տիտրերում ցուցադրված չէ)
Մնաս բարով զե՛նք (1957)՝ Միս Բան Կամպեն
Հսկան (1956)՝ Լուզ Բենեդիկտ
Ջոննի կիթառ (1954)՝ Էմմա Սմոլ
Շարֆ (1951)՝ Կոննի Կարտեր
Կայծակը հարվածում է կրկնակի (1951)՝ Լիզա ՄակՍտրինգեր
Ամբողջ թագավորական զորքը (1949)՝ Սէդի Բարկ

Մրցանակներ

1950 թվական՝ Օսկար երկրորդ պլանի լավագույն դերասանուհու համար («ամբողջ թագավորական բանակ»)։
1950 թվական՝ «ոսկե գլոբուս» մրցանակ՝ երկրորդ պլանի լավագույն դերասանուհու համար, կինոֆիլմ («ամբողջ թագավորական բանակ»)

Ծանոթագրություններ

↑ ^1,0 ^1,1 Deutsche Nationalbibliothek Record #128875356 // Gemeinsame Normdatei (գերմ.) — 2012—2016.
↑ ^2,0 ^2,1 ^2,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ Mercedes McCambridge Biography (1918-)
↑ ^4,0 ^4,1 ^4,2 The Exorcist actress Mercedes McCambridge dies at 85. USA Today. 17 March 2004.

Գրականություն

Lackmann, Ronald W. Mercedes Mccambridge: A Biography And Career Record. McFarland & Company. 2005. ISBN 0-7864-1979-2.
McCambridge, Mercedes. The Quality of Mercy: An Autobiography. Times Books, 1981. ISBN 0-8129-0945-3.
Terrace, Vincent. Radio Programs, 1924—1984. Jefferson, North Carolina: McFarland, 1999. ISBN 0-7864-0351-9.

Վիքիպահեստն ունի նյութեր, որոնք վերաբերում են «Մերսեդես Մակքեմբրիջ» հոդվածին։

[_0c6e7d5293e0611b-1] 1,0 ^1,1 Deutsche Nationalbibliothek Record #128875356 // Gemeinsame Normdatei (գերմ.) — 2012—2016.

[_9016b7bf225d64e5-2] 2,0 ^2,1 ^2,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

[3] Mercedes McCambridge Biography (1918-)

[usa3-4] 4,0 ^4,1 ^4,2 The Exorcist actress Mercedes McCambridge dies at 85. USA Today. 17 March 2004.

[1]

[2]

[3]

[4]