Սետիֆ

Բնակավայր
Սետիֆ
արաբ․՝ سطيف‎‎
Երկիր	Ալժիր
Համայնք	Sétif District?
Մակերես	127,30 կմ²
ԲԾՄ	1096±1 մետր
Բնակչություն	▲288 461 մարդ (2008)
Ժամային գոտի	UTC+1
Փոստային դասիչ	19000
Սետիֆ (Ալժիր)
Սետիֆ Վիքիպահեստում

Սետիֆ (արաբ․՝ سطيف‎‎, ֆր.՝ Sétif), քաղաք, Ալժիրի հյուսիս-արևելքում, նույնանուն վիլայեթի վարչական կենտրոնը, որը գտնվում է ծովի մակարդակից մոտ 1096 մ բարձրության վրա։

Քաղաքի կառուցապատումը տիպիկ գաղութային է, սակայն մոտակայքում պահպանվել են հին հռոմեական նեկրոպոլ և բյուզանդական մեծ ամրոցի ավերակներ։ Այստեղ է հիմնադրվել ЕС Սետիֆ ֆուտբոլային ակումբը։ Բնակչությունը կազմում է շուրջ 324 հազար մարդ (2013 թվականի տվյալներով)։

Պատմություն

Նումիդիական ծագման քաղաքը հռոմեացիներին հայտնի էր որպես Սիթիֆիս։ 97 թվականին կայսր Ներվան այստեղ է բնակեցրել իր վետերաններին։ Երկու հարյուր տարի անց Սետիֆի շրջանը վարչականորեն բաժանվել է Մավրետանիայից։ Արաբական արշավանքներից հետո քաղաքը կորցրել է իր նախկին նշանակությունը։ 1838 թվականից դարձել է Ֆրանսիայի կայազորի նստավայր և մեծ գյուղատնտեսական շրջանի կենտրոն։

Տրանսպորտ

2018 թվականի մայիսի 8-ին Սետիֆում բացվել է տրամվայի երթևեկությունը։ Բացվել է մեկ գիծ` 22.4 կմ երկարությամբ, 26 կանգառով` երկու ճյուղավորմամբ` մեկը` քաղաքի արևելքում և մյուսը` արևմուտքում գտնվող քաղաքային համալսարանի տարածքում։ Օգտագործվել է 34 Alstom Citadis 402 վագոն։ Փոխադրողը SETRAM ընկերությունն է։

Ողբերգություն

1945 թվականին տեղի բնակիչների և եվրոպացիների միջև բախումների արդյունքում զոհել է մոտ 100 մարդ։ Ի պատասխան՝ ֆրանսիացիները սկսել են պատժիչ գործողություն, որը հայտնի է որպես Սետիֆի ջարդ։ Ենթադրվում է, որ դրան զոհեր են դարձել տեղի 6000-8000 բնակիչներ։ Ալժիրի նախագահ Աբդել Ազիզ Բութեֆլիկան 1945 թվականին «Սետիֆ» գործողությունն անվանել է ալժիրցիների ցեղասպանության սկիզբը։

Աղբյուրներ

• Սետիֆը Բրիտանական հանրագիտարանում

Արտաքին հղումներ

• Setif Արխիվացված 2020-02-16 Wayback Machine Looklex Encyclopaedia(անգլ.)

Վիքիպահեստն ունի նյութեր, որոնք վերաբերում են «Սետիֆ» հոդվածին։