Փսերիմոս

Կղզի
Փսերիմոս
Ψέριμος
Փսերիմոս եւ Փլաթի կղզիակը նկարուած Քալիմնոսէն
Երկիր	Յունաստան, էգէական ծով
Շրջան	Տոտեքանիսա
Տարածութիւն	14,515 քմ²
ԲԾՄ	268 մեթր
Բնակչութիւն	80 մարդ (2011)
Կը գտնուի ափին	Էգէական Ծով

Փսերիմոսի դիրքը

Փսերիմոս կը կոչուի նաեւ Քափարի (յուն․՝ Ψέριμος կամ Κάπαρη), Էգէականի կղզի, Տոտեքանիսա, Յունաստան։

Հակիրճ տեղեկութիւններ

Կղզին կը պատկանի Քալիմնոսի քաղաքապետութեան։ Աղաթոնիսի Թրքական ափերուն մօտիկ կղզի։ Տարածութիւնն է 14,6 քլ․² եւ բնակչութեան թիւը՝ 80։ Կը գտնուի Քոս կղզիին հիւսիսը եւ Քալիմնոսի հարաւ-արեւելքը։ Բարձրագոյն կէտն է 268 մեթր։

Կղզիին հիւսիսային ծայրամասը Աքրա Վասիլիքի կը կոչուի, իսկ հարաւային ծայրամասը՝ Աքրա Ռուսա։ Այս երկու ծայրամասերուն միջեւ կը գոյանայ Փսերիմոս խորշը, որուն փորոտիքին կը գտնուի համանուն գիւղը։ Փսերիմոս ծովախորշէն 2 քլ․ դէպի հիւսիս կը գտնուի կղզիին հիւսիս-արեւմտեան ծայրամասը՝ Աքրա Քորաքի (կամ Քորաքի) հրուանդան, որուն հարաւ-արեւմուտքը կը գտնուի Փլաթի ժայռակղզիակը։

Բնակիչները կը զբաղին գլխաւորաբար ձկնորսութեամբ եւ անասնապահութեամբ։ Վերջին տասնամեակին կը զարգանայ նաեւ զբօսաշրջիկութիւնը։

Փսերիմոսի արեւելեան ծայրամասը

Պատմական տեղեկութիւններ

Հոմերոս (Օմիրոս) կղզին կը յուշէ «Քալիտնասի կղզիակներ» (νήσους τε Καλύδνας) «Նաւերու ցուցակ»ին (Νεών Κατάλογο) մէջ։

Փլինիոս Մեծ (23 - 79), հռոմէացի գրագէտ, բնագէտ եւ փիլիսոփայ կղզին իր «Naturalis Historia V 36,134» գիրքին մէջ կղզին Փսերեմա կ՛ անուանէ (Pserema)։

1888-ին արձանագրագէտ, գրագէտ եւ թարգմանիչ Ուիլիամ Ռոճէր Փաթոն (1857-1921) Փսիրիմոս Ψήριμος անունը նշմարած է գիւղին եկեղեցւոյ արձանագրութեան (Գ․ դար)՝ «․․անձնիք Փսերիմոսի մէջ․․․» (εν κάποις εν Ψηρίμω... )։ Արձանագրութեան մէջ նշուած են Քոս կղզիին մեծաւորներու անուններ, ինչ որ կը վկայէ թէ կղզին Քոսի ենթակայ եղած է։

Կղզին, հետեւելով Տոտեքանիսայի մնացեալ կղզիներուն ճակատագրին, 1912-ին կ՛ անցնի իտալական գերիշխանութեան տակ, իսկ 1943-ին՝ գերմանացիներուն։ 7 Մարտ 1948-ին վերջնականապէս Յունաստանին կը միանայ։