Maria Sharapova
| ||
| Julukan/undang-undangan | Masha | |
| Negara | Ruslan | |
| Papan padunungan | Bradenton, Florida, AS | |
| Dhuwur | 188 cm[1] | |
| Bobot | 59 kg[1] | |
| Karir profèsional | {{{turnedpro}}}– | |
| Tangan | Tengen; backhand kalih tangan | |
| Gunggung bebungah sadawaning karir |
US$10.231.402 | |
| Tunggal | ||
| Menang-kalah | 280 - 66 | |
| Gelar | 17 | |
| Peringkat paling dhuwur | 1 (22 Agustus 2005) | |
| Hasil Grand Slam (3 gelar) | ||
| Australia Terbuka | J (2008) | |
| Prancis Terbuka | SF (2007) | |
| Wimbledon | J (2004) | |
| AS Terbuka | J (2006) | |
| Ganda | ||
| Menang-kalah | 23 - 16 | |
| Gelar | 3 | |
| Peringkat paling dhuwur | 41 | |
|
Cathetan: Data per 26 Januari 2008. | ||
Maria Yuryevna Sharapova (IPA: [ʃʌˈrapəvə]; Rusia: Мари́я Ю́рьевна Шара́пова; lair ing Nyagan, Khanty-Mansi, Siberia, Ruslan, 19 April 1987; umur 37 taun) punika satunggiling juru main tenis asal Ruslan. Piyambakipun naté ndhudhuki peringkat 1 WTA lan sapuniki dhomisilinipun ing Amérikah Sarékat, sanadyan tetep dados warganagari Ruslan.
Maria Sharapova sampun njawarani 3 gelar Grand Slam, kalebet Australia Terbuka (2008) lan AS Terbuka nalika taun 2006 kanthi ngalahaken Justine Henin. Nalika taun 2004, panjenenganipun ngalahaken Serena Williams ing final Wimbledon.
Kagesangan pribadi
[besut | besut sumber]Nalika yuswa 7 taun, Maria Sharapova dipunbeta dhumateng Amérikah Sarékat déning bapanipun, Yuri Sharapov, kanggé sinau tenis ing Akademi Tenis Nick Bollettieri ing Bradenton, Florida.
Karir
[besut | besut sumber]2004 lan 2005
[besut | besut sumber]Nalika taun 2004, Maria Sharapova dados jawara Wimbledon minangka pamenang katiga paling anèm salebeting sajarah. Piyambakipun ngalahaken Ai Sugiyama (5 - 7, 7 - 5, 6 - 1) ing perempat final, Lindsay Davenport (2 - 6, 7 - 6, 6 - 1) ing semifinal, lan Serena Williams (6 - 1, 6 - 4) ing final. Piyambakipun ugi dados tiyang Ruslan ingkang pisanan menangi turnamèn wau. Ing AS Terbuka sapérangan wulan salajengipun, piyambakipun kalah saking petenis Prancis lan kaping 2 jawara Grand Slam, Mary Pierce. Sharapova mungkasi taun 2004 kanthi kamenangan nalika turnamèn panutup taun, WTA Championships, ngalahaken Serena Williams (4 - 6, 6 - 2, 6 - 4).
Saking wulan Juni 2004 dumugi semifinal turnamèn Wimbledon taun 2005, Maria Sharapova menangi 22 tetandhingan tanpa mandheg ing lapangan suket, kalebet menangi turnamèn ing Birmingham lan Wimbledon.
Maria Sharapova dumugi semifinal Australia Terbuka nalika taun 2005. Panjenenganipun dipunasoraken déning Serena Williams (4 - 6, 6 - 2, 6 - 4). Panjenenganipun boten saged mempertahankan gelar Wimbledon-ipun. Panjenenganipun dipunasoraken déning Venus Williams (7 - 6, 6 - 1). Panjenenganipun naté mapan ing peringkat sepindhah salebetipun peringkat tenis WTA, sanadyan namung 1 minggu. Sharapova ugi kalah ing semifinal AS Terbuka 2005. Panjenenganipun nyerah dhumateng Kim Clijsters.
Kanthi makaten, ing turnamèn Grand Slam 2005, panjenenganipun kalah teras dhumateng pamenang turnamèn kasebat: Australia Terbuka-semifinal-Serena Williams, Prancis Terbuka-prapat final-Justine Henin, Wimbledon-semifinal-Venus Williams, AS Terbuka-semifinal-Kim Clijsters.
2006
[besut | besut sumber]Ing Australia Terbuka 2006, panjenenganipun kalah saking Justine Henin 4 - 6, 6 - 1, 6 - 4.
Maria Sharapova nggayuh gelar sepindhaipun nalika taun 2006 lan gelar kaping 11 ing kariripun ing turnamèn Tier 1, Pacific Life Open ing Indian Wells, California ing pundi panjenenganipun dados unggulan kaping 3. Sharapova lan unggulan kaping 4, Elena Dementieva dados tiyang Ruslan sepindhah ingkang dumugi final ing turnamèn wau. Ing turnamèn salajengipun, Nasdaq-100 Open (sapuniki Sony Ericsson Open), panjenenganipun dipunasoraken Svetlana Kuznetsova ing final kanthi skor 6 - 4, 6 - 3.
Maria Sharapova tumut dhateng turnamèn Prancis Terbuka 2006 tanpa tumut turnamèn-turnamèn ingkang main ing lapangan lemah lempung sadèrèngipun. Panjenenganipun kandheg ing babak sekawan, dipunasoraken déning Dinara Safina 7 - 5, 2 - 6, 7 - 5.
Maria Sharapova nyambut mangsa lapangan suket kanthi tumut dhateng turnamèn DFS Classic ing Birmingham, nanging panjenenganipun kalah ing semifinal saking Jamea Jackson. Kanggé kaping kalihipun, ing Wimbledon 2006, panjenenganipun dipunasoraken Amelie Mauresmo ing semifinal kanthi skor 6 - 3, 3 - 6, 6 - 2.
Maria Sharapova pikantuk gelar kaping kalih nalika taun 2006 ing turnamèn Tier 1, Acura Classic ing San Diego minangka unggulan kaping kalih, ngasoraken unggulan sepindhah, Kim Clijsters, 7 - 5, 7 - 5. Puniki wujud kamenangan sepindhah Maria Sharapova saking Clijsters ing 5 patemon kekalihipun.
Maria Sharapova tumut dhateng AS Terbuka 2006 minangka unggulan kaping tiga. Panjenenganipun ngasoraken petenis peringkat sepindhah, Amelie Mauresmo ing semifinal kanthi skor 6 - 0, 4 - 6, 6 - 0. Maria Sharapova salajengipun ngungguli Justine Henin ing final 6 - 4, 6 - 4.
Maria Sharapova ugi menangi turnamèn Zurich Open, ngasoraken Daniela Hantuchova 6 - 1, 4 - 6, 6 - 3 ing final. Maria Sharapova lajeng menangi turnamèn Tier 2, Generali Ladies Linz, ngasoraken petenis sesami Ruslan lan pemenang sadèrèngipun, Nadia Petrova 7 - 5, 6 - 2.
Dumugi panjenenganipun kalah ing turnamèn akir taun, WTA Tour Championships, Sharapova sampun menangi 19 tetandhingan tanpa mandheg. Panjenenganipun mungkasi taun 2006 kanthi rekor 59-9 lan menangi turnamèn Tier 1 langkung kathah katimbang petenis sanèsipun.
Maria Sharapova ugi ngedalaken wara-wara bilih panjenenganipun bakal ngiyataken tim Fed Cup Ruslan kanggé sepidhahipun ing taun 2007.[2]
2007
[besut | besut sumber]Maria Sharapova miwiti taun 2007 kanthi dumugi final ing turnamèn ekshibisi lan pemanasan kanggé Australia Terbuka 2007, Watson Water Champions Challenge, ing pundi panjenenganipun dipunasoraken déning Kim Clijters, 6 - 3, 7 - 6(8).
Ing turnamèn Australia Terbuka, unggulan sepindhah Maria Sharapova ngasoraken petenis peringkat kaping 62, Camille Pin ing babak kaping kalih kanthi skor 6 - 3, 4 - 6, 9 - 7. Tetandhingan kasebat dipunmainaken salebeting temperatur udara ingkang panas sanget, 40 °C (104 °F). Ing babak kaping sekawan, Maria Sharapova ngasoraken réncang sanegaranipun, Vera Zvonareva, 7 - 5, 6 - 4. Ing prapat final, Sharapova ngasoraken unggulan kaping 12 Anna Chakvetadze kanthi skor 7 - 6(5), 7 - 5. Panjenenganipun lajeng ngasoraken unggulan kaping sekawan, Kim Clijsters, 6 - 4, 6 - 2 ing semifinal kanggé majeng dhateng final. Nanging, Serena Williams, peringkat kaping 81 donya, menang kanthi gampil, 6 - 1, 6 - 2.
Maria Sharapova lajeng tumut ing Toray Pan Pacific Open, turnamèn Tier 1 ing Tokyo, Jepang. Panjenenganipun dados unggulan sepindhah. Ing semifinal, panjenenganipun nyerah dhumateng Ana Ivanovic amargi cedera, 6 - 1, 1 - 0.
Turnamèn salajengipun inggih punika Pacific Life Open ing Indian Wells, California, ing pundi panjenengangipun punika jawara sadèrèngipun lan dados unggulan paling inggil. Kepripun ugi, panjenenganipun kalah saking Vera Zvonareva ing babak kaping sekawan kanthi skor 4 - 6, 7 - 5, 6 - 1.
Ing turnamèn Sony Ericsson Open, ing Key Biscayne, Florida, Maria Sharapova kalah malih kanthi gampil saking Serena Williams, ing babak kaping sekawan kanthi skor 6 - 1, 6 - 1. Ing babak sadèrèngipun, panjenenganipun ngasoraken Yung-Jan Chan lan Venus Williams.
Maria Sharapova dipunjadwalaken bakal main ing turnamèn Family Circle Cup ing Charleston, Carolina Kidul, nanging cedera bahu ingkang njalari panjenenganipun boten saged tumut tur tenis-ipun salami 5 utawi 6 minggu, ingkang ugi ateges panjenenganipun boten bakal main ing tim Fed Cup Ruslan nglawan Spanyol.
- Maria Sharapova gadhah rekor 3 - 5 ing semifinal Grand Slam.
- Maria Sharapova gadhah rekor 6 - 12 nglawan juru main top donya (2 - 5 nglawan Justine Henin, 3 - 3 nglawan Svetlana Kuznetsova, lan 1 - 4 nglawan Amelie Mauresmo). Sharapova gadhah rekor 2 - 4 nglawan Serena Williams, lan 3 - 4 nglawan Kim Clijsters, ingkang ugi wujud mantan petenis peringkat sepindhah donya.
Bebungah
[besut | besut sumber]2003
- Women's Tennis Association (WTA) Newcomer of the Year (Pendhatang énggal WTA taun 2003)
- Hottest female athlete of the year (Maxim)
2004
- WTA Player of the Year (Petenis WTA taun 2004)
- WTA Most Improved Player of the Year (Petenis WTA ingkang paling tumuwuh)
- WTA Player Service
- Hottest female athlete of the year (Maxim)
2005
- ESPY Best Female Tennis Player (Petenis wanita ingkang saé piyambak vèrsi ESPY)
- Petenis Ruslan ingkang saé piyambak miturut Federasi Tenis Ruslan
- Master of Sports of Russia
- Hottest female athlete of the year (Maxim)
- Prix de Citron Roland Garros
2006
- Hottest female athlete of the year (Maxim)
- Petenis Ruslan ingkang saé piyambak miturut Federasi Tenis Ruslan
Iklan komersial
[besut | besut sumber]- Honda - namung lumampah ing Jepang.
- Land Rover
- Motorola
- Gatorade - minuman ngandhut ènergi
- Tropicana - jus jeruk
- TAG Heuer
- Nike Inc.
- Prince Sports, Inc. - rakèt tenis
- Canon Inc.
Rakèt
[besut | besut sumber]Rakèt pisanan Maria Sharapova (sadèrèngipun mlebet aréa profésional) inggih punika paringan saking satéunggiling réncang caket kulawarganipun.
Maria Sharapova migunaaken rakèt Prince Tour Diablo nalika taun 2003 lan salajengipun migunaaken sapérangan rakèt Prince ingkang bènten dumugi AS Terbuka taun 2004. Maria Sharapova wiwit migunaaken rakèt Prince Shark MP nalika turnamèn wau. Salajengipun piyambakipun nggantos mawi rakèt Prince O3 White ing wulan Januari 2006, lan tetep migunaaken rakèt kasebat dumugi sapuniki.
Pranala njawi
[besut | besut sumber] |
Wikimedia Commons duwé médhia ngenani Maria Sharapova. |
- Situs resmi
- Profil WTA Sharapova Archived 2009-05-21 at the Wayback Machine.
Rujukan
[besut | besut sumber]- ↑ a b "Archive copy". Diarsip saka sing asli ing 2009-05-21. Dibukak ing 2009-10-03.
{{cite web}}: More than one of|archivedate=and|archive-date=specified (pitulung); More than one of|archiveurl=and|archive-url=specified (pitulung)CS1 maint: archived copy as title (link) - ↑ "Archive copy". Diarsip saka sing asli ing 2007-03-02. Dibukak ing 2009-10-03.
{{cite web}}: More than one of|archivedate=and|archive-date=specified (pitulung); More than one of|archiveurl=and|archive-url=specified (pitulung)CS1 maint: archived copy as title (link)