„დარაჯები“ (ინგლ.„Watchmen“) — კომიქსების შეზღუდული სერია, რომლის ავტორები არიან მწერალი ალან მური და მხატვრები დეივ გიბონსი და ჯონ ჰიგინზი. კომიქსები პირველად 1986 და 1987 წლებში გამოიცა. დარაჯები შეიქმნა ისტორიის მიხედვით, რომელიც მურმა წარუდგინა DC Comics-ს - სუპერგმირების მონაწილეობით, რომლებიც კომპანიას Charlton Comics-მა გადასცა. ვინაიდან მურის ვერსიაში ბევრი პერსონაჟი გამოტოვებული იყო, კომპანიის მმართველმა დირექტორმა დიკ ჯორდანომ იგი დაარწმუნა დამატებით და ორიგინალური პერსონაჟების შექმნაში.
