კუიაბა
| მუნიციპალიტეტი | |||||
|---|---|---|---|---|---|
|
კუიაბა Cuiabá | |||||
 ქალაქის ხედი | |||||
| |||||
| ქვეყანა |
 ბრაზილია | ||||
| დაქვემდებარება | ქალაქი და მუნიციპალიტეტი | ||||
| რეგიონი | ცენტრალური-დასავლეთი | ||||
| შტატი (ბრაზილია)|ბრაზილიის შტატები | შტატი | მატუ-გროსუ | ||||
| კოორდინატები | 15°35′45″ ს. გ. 56°05′49″ დ. გ. / 15.59583° ს. გ. 56.09694° დ. გ. | ||||
| მერი | ფრანსისკუ ფილიუ | ||||
| დაარსდა | 1727 | ||||
| ფართობი | 3 538 კმ² | ||||
| ცენტრის სიმაღლე | 165 მ | ||||
| მოსახლეობა | 551 098 კაცი (2013) | ||||
| სიმჭიდროვე | 153,4 კაცი/კმ² | ||||
| სასაათო სარტყელი | UTC-4, ზაფხულში UTC-3 | ||||
| სატელეფონო კოდი | +55 65 | ||||
| საფოსტო ინდექსი | 78000-000 | ||||
| ოფიციალური საიტი | cuiaba.mt.gov.br | ||||
  | |||||
კუიაბა (პორტ. Cuiabá) — ქალაქი ბრაზილიაში, მატუ-გროსუს შტატის დედაქალაქი. ქალაქი მდებარეობს ამავე სახელწოდების მდინარეზე, სამხრეთ ამერიკის ზუსტ ცენტრში. მეზობელ ქალაქ ვარზეა-გრანდისთან ერთად აყალიბებს შტატის აგლომერაციას.[1]
ქალაქი დაარსდა 1727 წლის 1 იანვარს, ოქროს ციებ-ცხელების დროს;[2] 1818 წელს გახდა შტატის დედაქალაქი. კუიაბა ვაჭრობის მნიშვნელოვანი ცენტრია ვრცელი მესაქონლეობისა და სასოფლო-სამეურნეო არეალისთვის. ეკონომიკურ განვითარებას ხელს უშლიდა კუიაბას იზოლაცია და სამუშაო ძალის ნაკლებობა. კომუნიკაციის მნიშვნელოვან საარსებო საშუალებად რჩება სამდინარო ტრანსპორტი.[3]
კუიაბა ურბანული არეალის გულია, რომელიც ასევე მოიცავს შტატის სიდიდით მეორე ქალაქ ვარზეა-გრანდის. მას შემდეგ, რაც 2000 წელს დასრულდა ბოლივიიდან ბუნებრივი აირის გაზსადენის მშენებლობა, გაიზარდა თერმული და ჰიდროელექტროსადგურების რაოდენობა. ქალაქში მდებარეობს მატუ-გროსუს ფედერალური უნივერსიტეტი და შტატის უდიდესი საფეხბურთო სტადიონი არენა-პანტანალი.[4]
ქალაქი მდიდარია ევროპული, აფრიკული და ადგილობრივი ამერიკული გავლენის ნაზავითა და ამ ფაქტის ამსახველი მუზეუმებით. კუიაბა ასევე გამოირჩევა თავის სამზარეულოთი, ცეკვით, მუსიკითა და ხელოსნობით. „ამაზონის სამხრეთის ჭიშკრის“ სახელით ცნობილ კუიაბაში კლიმატი ტროპიკულია. კუიაბა ფიფა-ს 2014 წლის მსოფლიო საფეხბურთო ჩემპიონატის ერთ-ერთი მასპინძელი ქალაქია.
დაძმობილებული ქალაქები
[რედაქტირება | წყაროს რედაქტირება]
რესურსები ინტერნეტში
[რედაქტირება | წყაროს რედაქტირება]- (პორტუგალიური) ოფიციალური საიტი დაარქივებული 2014-06-17 საიტზე Wayback Machine.
- (პორტუგალიური) Local Newspaper Diário de Cuiabá Site
- Pantanal Escapes - Travel Guide and tourist information for Cuiabá
- Cuyaba - Catholic Encyclopedia article on the diocese
სქოლიო
[რედაქტირება | წყაროს რედაქტირება]- ↑ [Mato Grosso - information (ინგლისური). დაარქივებულია ორიგინალიდან — 2013-09-24. ციტირების თარიღი: 2014-06-14. Mato Grosso - information (ინგლისური)]
- ↑ [City in Focus: Cuiabá, Brazil (ინგლისური). დაარქივებულია ორიგინალიდან — 2014-01-28. ციტირების თარიღი: 2014-06-14. City in Focus: Cuiabá, Brazil (ინგლისური)]
- ↑ Cuiaba facts (ინგლისური)
- ↑ Cuiaba - Britannica (ინგლისური)
- ↑ თავის მხრივ, ეს ქალაქიც კონტინენტის (აზიის) ზუსტ ცენტრში მდებარეობს
| |||||