Platinom

Ensampel a	Elven gymyk
Klass	alkan drudh, bagas platinom
Dydhyas diskudhans	1557
Niver atomek	78
Elektronegedhegedh	2.28
Rann a	period 6, bagas 10
Restrennow kelmys war Gemmyn Wikimedia

Elven gymyk yw platinom, niver 78 y'n Vosen Beriodek. Y furvell gymyk yw Pt. An hanow a dheu dhyworth an ger Spaynek platina, ow styrya arghans byghan.

Nyns eus dhe blatinom rann bewoniethel. Nyns yw gwenonek, mes kesstoffow platinom a wra kawsya dasoberans allergek, platinosis y hanow. Usys yw an medhegneth 'Platinol' avel kymodyghtyans (Sowsnek: chemotherapy).

Aswonnys o platinom dhe bobel teythyek Amerika Dheghow yn Kolombi ha Pow Ekwadorel, nans yw 2,000 bledhen. Yn 1557 Julius Scaliger, skoler italek, a skrifas a-dro dhe alkan dhyworth Amerika Dheghow na yllir y deudhi. Antonio Ulloa (1717-1795) a dhiskrifas platinom yn manylys. Kemerys veu ev orth dhehweles avel keth gans an Morlu Riel. Ev a dherivas a-dro dhe blatinom dhe'n Kowethas Riel yn Loundres.

Temmigow alkan platinom a eksist yn naturel, mes tri kwarter platinom an nor a dheu dhyworth Afrika Dheghow ha Russi avel monow kepar ha'n moon cooperit (platinom sulfid, PtS). Askorrys yw 155 tonnas an vledhen. Usys yw 50% anedha ran gemmweyth, 30% dhe wul konvertydhyon katalytek hag 20% dhe dhiwysyans, hag a wra devnydhya platinom yn plasennow kales.

Poos atomek platinom yw 195.08, y boynt teudhi yw 1772°C ha'y boynt bryjyon yw 3,825°C. Y dhosedh yw 21.5kg an liter. Alkan lenter gwynn-arghansek yw platinom, es y dhyghtya ha mortholya.

Mirva

• 
  Platinom naturel
• 
  Cooperit
• 
  Antonio Ulloa
• 
  Julius Scaliger
• 
  Bal platinom yn Afrika Dheghow
• 
  Konvertydh katalytek
• 
  Askorrans ollvysel platinom
• 
  Bysow platinom hag adamant