Rigel (Stär)

Daten
Bezeechnungen	β Ori 19 Ori
Stärekatalog	HD 34085 HR 1713 TYC 5331-01752-1
Positioun (Equinoxe J2000.0)	RA 5^h14^m32.30^s Dekl. -08°12'06,0"
Visuell Magnitude	0^m,12
Spektralklass	B8 Ia
Ofstand vum Sonnesystem	775 Liichtjoer

De Rigel ass den hellste Stär am Stärebild Orion an dee siwenthellste Stär um Himmel. Säin Numm kënnt vum arabeschen Rijl Jauza al-Yusra a bedeit „lénkse Fouss vum Mëttelsten“ (?). An der Astronomie gëtt hien als β Orionis bezeechent. Hien ass en Deel vum Wantersechseck.

Seng Distanz läit tëscht 700 an 900 Liichtjoer; d'Hipparcos-Raumsond huet 773 Liichtjoer gemooss. Bei sou Distanzen ass de Feelerberäich allerdéngs grouss.

De Rigel ass en Iwwerris mat der Spektralklass B8 an enger Liichtkraaftklass Ia a straalt mat ongeféier der 62.000-facher Liichtkraaft vun eiser Sonn, seng absolut Magnitude ass -7^m,1. Domat ass hie mat Ofstand den hellste Stär an eiser Regioun vun der Mëllechstrooss. Wéinst senger Distanz huet hien eng visuell Magnitude vun 0^m,12. Hien huet dobäi eng gewësse Verännerlechkeet a senger Hellegkeet. D'Amplitude entsprécht wéinst der logarithmescher Definitioun vun der visueller Magnitude, ongeféier 30 Prozent vum ganze Liicht an engem mëttleren Zäitraum vu 25 Deeg.

Et gëtt ugeholl, datt de Rigel e Dräifachsystem ass, an deem den Haaptstär Rigel A vu zwéi méi klenge Begleeder, Rigel B an C, op enger Distanz vun 2000 AE ëmkreest gëtt. De B an C ëmkreese sech op enger Distanz vun 28 AE.

De Rigel ass an engem Beräich, an deem vill interstellar Matière ass, a bréngt wéinst senger Liichtkraaft méi Stëbswolleken un d'Liichten. Eng dovun ass de Päerdskappniwwel mat der Bezeechnung IC 2118.

Um Spaweck

Commons: Rigel (Stär) – Biller, Videoen oder Audiodateien

(en) Astronomische Daten zu Rigel (SIMBAD)
(de) http://www.extrasolar-planets.com/astronomie/rigel.php extrasolar-planets.com - Rigel
(en) [http://www.rense.com/general72/size.htm Größenvergleich mit anderen Himmelskörpern

Weider Bedeitung

Argentinesch Fuerschungsrakéit, Rigel (Rakéit)

Kuckt och

Portal Astronomie