Cuait
| Stato de Cuait دولة الكويت Dawlat al-Kuwait | |||
|
| ||
| |||
| Informa jeneral | |||
| Capital: | Cuait | ||
| Lingua ofisial: | Arabi | ||
| Dirije | |||
| Governa: | Monarcia constitual unida | ||
| - Xef de stato: | Amir Sabah Ahmad al-Sabah | ||
| - Xef de governa: | Ministro xef Jaber Mubarak al-Sabah | ||
| Otras | |||
| Area: | 17 820 km² | ||
| Popla: | 4 348 39 | ||
| Densia: | 200,2 | ||
| PIB: | $317.068 bilion | ||
| Mone: | Dinar | ||
| Zona de ora: | AST (UTC+3) | ||
| Numero de telefon: | +965 | ||
| Interede: | .kw | ||
| |||
Cuait (en arabi: الكويت al-Kuwait, pronunsia arabi golfal: [ɪl‿ɪkweːt] or [lɪkweːt]), nomida ofisial la Stato de Cuait, es un pais en Asia sude-ueste. Situada a la borda norde de Arabia este a la fini de la Golfo Persian, lo comparti fronteras con Irac e Arabia Saudi. En 2016, Cuait ia ave un popla de 4,2 milion persones, de ci 1,3 ia es cuaitis e 2,9 milion (cuasi 70%) es otra sitadanes a stranjer. La area es sirca 17 820 cilometres cuadrida. La site capital es Cuait, e la lingua major es arabi.
On ia descovre reservas de petrolio en 1938. Entre 1946 e 1982, la pais ia esperia un moderni grande. En la desenio de 1980, Cuait ia esperia un periodo de nonstablia jeopolitical e un crise economial pos un colasa finansial. En 1990, Cuait ia es invadeda par Irac. La ocupa iraci ia fini en 1991 pos interveni militar par fortes aliada. A la fini de la gera, on ia fa multe labora per revive la economia e reconstrui la infrastrutur nasional.
Cuait es un stato constitual con un sistem political semidemocrata. La constitui ia es proclamada en 1962. La pais ave un economia de revenu alta, suportada par reservas de petrolio cual es la numero ses de la plu grandes en la mundo. La dinar cuaiti es la mone la plu alta valuada en la mundo. Seguente la Banco Mundal, Cuait ave la revenu cuatro de la plu altas per person en la mundo. On nomi Cuait "la Hollywood de la Golfo" car sua telenovelas e teatrales es popular. Lo conteni la teatro de opera la plu grande en Asia sude-ueste.
Medias
[edita | edita la fonte]La medias de Cuait es categorida anial como "partal libre" en la sonda de Libria de Jornalisme par Casa de Libria. De pos 2005, Cuait ia gania frecuente la gradi la plu alta de tota paises arabi en la Catalogo de Libria de Jornalisme anial par Reportores Sin Fronteras. En 2009, 2011, 2013 e 2014, Cuait ia suprapasa Israel como la pais con la libria de jornalisme la plu grande en Asia sude-ueste.
Cuait produi plu jornales dial e revistas per person ca sua visinas. La libria de jornales de Cuait ave limitas; en cuando critica de la governa e membros de la familia renante es permeteda, la constitui de Cuait criminali critica de la amir.
La Ajenteria de Novas de Cuait, cual la stato posese, es la casa de medias la plu grande en la pais. La Ministreria de Informa regula la industria de medias en Cuait.
Cuait ave 15 canales de televisa de satelite, cuatro de cual es controlada par la Ministreria de Informa. Televisa de Cuait ia ofre sua trasmete prima en color en 1974 e maneja oji sinco canales de televisa. Radio de Cuait, cual la governa finansia, ance ofre programi informosa dial en alga linguas stranjer, incluinte arabi, farsi, urdu e engles sur la radia AM e onde corte.
