Sjeep (boew)
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
't Sjeep is inne boew van kirke de langgerèkdje ruumdje in (meistes) wès-oeasrichting, die anen oeaskantj wuuertj veurtgezatte door 't koear. Bie väöl kirke steitj tössen 't sjeep en 't koear e transèp, ouch waal dwarssjeep of dwarsbeuk geneump, wodoor e Letiens kruuts óntsteitj, de traditioneel vorm van Romaanse en Gotische kirke.
Aevewiejig aan 't sjeep kónne zich ziebeuke bevinje, die door arcade van 't middesjeep waere gesjeie. Es dees ziebeuke zoeaget aeve hoeag en breid zeen es 't middesjeep sprèk me van 'n hallekirk. Einveljige kirke zónger dwars- en ziebeuke neump me zaalkirke.
't Sjeep is 't deil vanne kirk wo de kirkgengers plaatsnumme. Tösse de kruutsing, die zowaal toet 't sjeep es toete dwarsbeuke behuuertj, en 't koear kan zich t'r aafsloeting e doksaal of koearhèk bevinje, worachter zich 't altjer bevindj.