Randevó romantegh

Quest articol chì l'è scrivud in lombard, con la Noeuva Ortografia Lombarda

Una cobia a un randevó adree a biver un bicerin de vin insema

Quella di randevó l’è una fas de la relazzion romantega de duu individov indova es sortiss e es passa del temp insema, despess con l’intenzion de vedé se l’oltra persona la ghe pias assee per indà inanz a smorosàssela. A l’è l’iterazzion moderna de la cort del ’800, e la manera pussee spantegada per incontrà di compagn potenziai. De solet, di bei randevó menen al morosament e, a la fin, al mariozz.

I persone pœuden cognosses indeperlore, in de dei event partigolar o intravers dei olter individov, che pœuden vesser e dei amis, e dei organizador de mariozz de mester. Un amis el pœul vutà dò persone che se cognossen nò a presentàss e cognosses mej, e questa chì la resta vuna di manere pussee comune per incontrà di compagn. De de là dei amis, la sgent la pœul cognosses anca intravers la fameja, indova i parent di dò persone interessade je fann presentà. In India, el bobà e la mama pœuden lassàgh sgiò un avis matrimonial a un sgiornal local con l’intenzion de fàgh cognosser un quajvun al fiœul o a la fiœula.

Al dì de incœu l’online dating l’è popolar fiss, e el s’è spantegad a partì di agn 2010 grazzia ai smartphone.

Ligam de denter

• Cort (relazzion)

Ligam de fœura

Altri progetti

• Wikimedia Commons

• Wikimedia Commons el gh'ha dent imagin o alter archivi su randevó romantegh