Gunuang Rinjani

Gunuang Rinjani
Gunuang Rinjani
	Gunung Rinjani dan sabana di kaki gunung.
Titik tertinggi
Ketinggian	3.726 m (12.224 kaki)
Masuk dalam daftar	Ultra; Ribu
Koordinat	8°25′S 116°28′E / 8.417°S 116.467°E
Geografi
	Lua error in Modul:Location_map at line 539: Tidak dapat menemukan definisi peta lokasi yang ditentukan. Baik "Modul:Location map/data/Indonesia Lombok" maupun "Templat:Location map Indonesia Lombok" tidak ada.
Letak	Lombok, Indonesia
Negara	Templat:Enum
Negara bagian	Templat:Enum
Daerah	Templat:Enum
Distrik	Templat:Enum
Munisipalitas	Templat:Enum
Permukiman	Templat:Enum
Berbatasan dengan	Templat:Enum
Subbagian	Templat:Enum
Geologi
Usia batuan	Templat:Enum
Jenis gunung	Gunung berapi kerucut (aktif)
Jenis batuan	Templat:Enum
Letusan terakhir	2016
Pendakian
Rute termudah	Sembalunlawang

Gunuang Rinjani adolah gunuang api nan talatak di Nusa Tenggara Barat. Gunung iko marupoan gunuang barapi kaduo tatinggi di Indonesia nan mampunyoi katinggian 3.726 mdpl sarato talatak pado lintang 8º25' LS jo 116º28' BT. Gunuang rinjani marupoan gunuang favorit dek para pandaki Indonesia karano kaindahan pamandangannyo. Gunuang iko marupoan bagian dari Taman Nasional Gunung Rinjani nan mampunyoi luweh sakitar 41.330 ha dan iko akan diusulkan panambahannyo sahinggo manjadi 76.000 ha ka arah baraik jo timua. Sacaro administratif gunuang iko barado dalam wilayah tigo kabupaten yaitunyo: Lombok Timur, Lombok Tengah, dan Lombok Utara.^[2]

Topografi

Danau kawah Segara Anak jo Gunuang Barujari di tapi danau diliek dari Puncak Gunuang Rinjani di sisi timua.

Gunuang Rinjani dengan titik tatinggi nyo barado di 3.726 mdpl, mandominasi sabagian gadang pamandangan Pulau Lombok bagian utara.

Di sabalah baraik karucuik Rinjani tadapek kaldera nan punyo luweh sakitar 3.500 m × 4.800 m, mamanjang kaarah timua jo baraik. Di kaldera iko tadapek Segara Anak (segara= laut, danau) nan luwehnyo 11.000.000 m persegi dengan kadalaman 230 m. Aia nan mangalia dari danau iko mambantuak aia tajun nan sangaik lah rancak, mangalia malewati jurang nan curam. Di Segara Anak banyak tadapek ikan ameh jo mujaia sahinggo acok digunoan untuak mamanciang. Bagian salatan danau iko disabuik juo jo Segara Endut.

Di sisi timua kaldera tadapek Gunuang Baru (atau Gunuang Barujari) nan mampunyoi kawah baukuran 170m×200 m dengan katinggian 2.296 – 2376 m dpl. Gunuang ketek iko tarakhia malatuih pado tanggal 25 Oktober 2015 jo 3 November 2015,^[3] setelah sebelumnya tercatat meletus Mei 2009 dan pada tahun 2004.^[4]^[5] Jiko latuihan tahun 2004 indak mamakan korban jiwa, latuihan tahun 2009 iko alah mamakan korban jiwa indak langsuang sabanyak 31 orang, karano dek banjir bandang pado Kokok (Sungai) Tanggek akibaik dasakan lava ka Segara Anak.^[6] Sabalumnyo, Gunuang Barujari pernah tacataik malatuih pado tahun 1944 (sakaligus pambantukannyo), 1966, jo 1994. Salain Gunuang Barujari tadapek pulo kawah lain nan pernah malatuih,disabuik Gunung Rombongan.

Stratigrafi

Sacaro stratigrafi, Gunuang Rinjani dialahi dek batuan sedimen klastik Neogen (tamasuak batu gamping), sarato dek batuan gunuang api Oligo-Miosen. Gunuang api Kuarter nan dimukasuik sabagian gadang manghasilkan piroklastik, nan dibabarapo tampek basalingan jo lava. Litologi tasabuik marekam sabagian palatuihan nan dikatahui dalam sijarah. Sajak tahun 1847 alah tajadi 7 kali palatuihan, dengan jangka istirahaik tapendek 1 tahun dan nan tapanjang salamo 37 tahun.

Sarupo pado gununag api lainnyo, Koesoemadinata (1979) manyabuikkan bahwasanyo aktivitas kagunuangapian Rinjani pasca pambantuakan kaldera adolah pambangunan gunuang itu baliak. Kagiatannyo barupo efusiva nan manghasiakan lava jo eksplosiva nan mambantuak endapan bahan-lapeh (piroklastik). Lava umumnyo bawarna hitam, dan katiko maleleh tampak sarupo babusa. Palatuihan pasca pambantuakan kaldera relatif lamah, dan lava nan dikaluakan dek karucuik G. Barujari jo G. Rombongan relatif labiah basa dibandiang lava gunuang api lainnyo di Indonesia. Kamungkinan tajadinyo awan paneh katiko latuihan mamuncak sangaik ketek. Bahan latuihan umumnyo diandapkan di bagian dalam kaldera sajo.

Aliran lava, lahar letusan, lahar hujan, dan awan panas guguran berpeluang mengarah ke Kokok Putih hingga Batusantek. Awan panas guguran dapat terjadi di sepanjang leleran lava baru yang masih bergerak, meskipun kemungkinannya kecil.

Aliran lava, lahar latuihan, lahar hujan, jo awan paneh guguran bapaluang mangarah ka Kokok Putih hinggo Batusantek. Awan paneh guguran dapek tajadi di sapanjang leleran lava baru nan masih bagarak, meskipun kamungkinannyo ketek.

Struktur jo Tektonik

Bantuak Kaldera Segara Anak nan malonjong ka arah baraik-timua didugo bakaitan dengan struktur ratakan di batuan-dasar. Gunuang api Rinjani nan barado di jalua gunuang api Kuarter sistem Busur Sunda dibantuak dek kagiatan tunjaman dasar Samudera Hindia di bawah pinggiaran Lempeng Asia Tenggara. Jalua tunjaman nan barado di salatan manunjuakan adanyo gaya mampatan nan bararah utara-salatan. Ratakan batuan-dasar nan bararah barat-timur, nan mampangaruahi bangun kaldera, dengan demikian ditafsiakan sabagai ratakan release nan disababkan dek gaya tarikan. Struktur tasabuik saindaknyo tabantuak sajak pamuloan Zaman Kuarter.

Puncak Gunuang Rinjani

Pandakian Gunuang Rinjani (puncak) marupoan salah satu objek wisata nan manjadi andalan di kawasan Taman Nasional Gunuang Rinjani. Gunuang Rinjani sabagai gunuang vulkanik nan masih aktif nomor 2 tatinggi di Indonesia. Puncak Gunuang Rinjani marupoan tujuan sabagian gadang para patualang jo pancinto alam nan mangunjungi kawasan iko karano apobilo alah bahasia mancapai puncak itu marupoan suatu kabanggaan tasandiri. Animo komunitas pancinta alam di saluruah nusantara bahkan dari mancanegara dalam kagiatan pandakian cukuik gadang, iko tabukti jo jumlah pangunjuang nan malakuan pandakian satiok tahunnyo mangalami paningkatan. Kagiatan pandakian sacaro besar-besaran dilakuan pado bulan Juli s/d Agustus, pado bulan Agustus (patangahan) peserta pandakian umumnyo didominasi dek kalangan pelajar/mahasiswa dari saluruah Indonesia nan nio marayoan HUT Kemerdekaan Republik Indonesia di Puncak Gunuang Rinjani jo Danau Segara Anak malalui kagiatan “Tapak Rinjani” nan diadoan sacaro rutin satiok tahunnyo dek salah satu kalompok pancinto alam di Pulau Lombok nan bakarajosamo jo Balai Taman Nasional Gunung Rinjani.

Danau Segara Anak

Pesona unggulan Taman Nasional Gunung Rinjani nan sangaik prospektif adolah Danau Segara Anak, lokasi iko dapek ditampuah dari duo jalua resmi pandakian yaitunyo jalua pandakian Senaru jo jalua pandakian Sembalun.

Untuak mangunjuangi Danau Segara Anak dari jalur Senaru dibutuahan wakatu tampuah sakitar 7 – 10 jam bajalan kaki (± 8 Km) dari pintu gerbang jalua pandakian. Sadangkan dari jalua pandakian Sembalun ditampuah dalam wakatu 8 – 10 jam. Danau segara anak dengan katinggian ± 2.010 m dpl dan kadalaman danau sakitar ± 230 meter mampunyoi bantuak sarupo bulan sabik nan punyo luweh sakitar 1.100 Ha.

Disakitar Danau Segara Anak tadapek lahan nan cukuik luweh jo data, dapek digunoan untuak tampek bakemping/bakemah, pangunjuang dapek pulo mamanciang ikan di danau atau barandam di aia angek nan mangandung balerang.

Objek lainnyo di sekitar Danau Segara Anak adolah Hulu Sungai Koko Puteq ± 150 meter dari Danau Segara Anak. Salain itu tadapek pulo Guo Susu, Guo Manik, Guo Payung, Guo Susu dipacayo dapek dijadian media bacamin diri sarato acok pulo dipagunoan sabagai tampek bameditasi. Sadangkan di bagian bawah Danau Segara Anak tadapek sumber aia angek (Aik Kalak Pengkereman Jembangan) nan biaso digunoan untuak manguji jo mamandian benda-benda batuah (Pedang, Keris, Badik, Tombak, Golok, dll) dimano jiko benda-benda tasabuik manjadi lengket apabilo dirandam itu manandoan benda-benda tasabuik buruak/indak mampunyoi kakuatan supranatural, sabaliaknyo apobilo benda-benda tasabuik tetap utuah bararti benda tasabuik mampunyoi kakuatan supranatural/dipacayo mampunyoi kaampuahan.

Pandakian

Video pandakian Rinjani jo latuihan ketek tahun 2010.

Rinjani katiko malatuih pado tahun 1994

Rinjani mampunyoi panaroma paliang rancak di antaro gunuang-gunuang di Indonesia. Satiok tahunnyo (Juni-Agustus) banyak dikunjungi pancinto alam mulai dari panduduak lokal jo mahasiswa pecinta alam.

Suhu udaro rato-rato sakitar 20 °C; tarandah 12 °C. Angin kancang di puncak biaso tajadi di bulan Agustus.

Salain puncak, tampek nan acok dikunjuangi adolah Segara Anak, sabuah danau talatak di katinggian 2.000m dpl. Untuak mancapai lokasi iko kito dapek mandaki dari desa Senaru atau desa Sembalun Lawang (duo entry point tadakek di katinggian 600m dpl jo 1.150m dpl) di daerah Sembalun Ado ampek jalur pandakian nan resmi untuak manuju Gunuang Rinjani, Jalua Sembalun (Lombok Timur), Jalua Senaru (Lombok Utara), Jalua Aik Berik (Lombok Tengah), jo Jalua Timbanuh (Lombok Timur).

Kabanyakan pandaki mamulai pandakian dari rute Sembalun dan kamudian mangakhiri pandakian di Senaru, karano dapek manghemat 700 m katinggian. Rute Sembalun agak panjang tatapi data, dan cuaca labiah angek karano malalui padang savana nan terik (suhu dingin tatapi radiasi matahari langsuang mambaka kulik). krim panahan paneh matohari sangaik dianjuakan.

Dari Rute Senaru tanjakan indak ado jedanyo, tatapi cuaca lembut karano malalui hutan. Dari kadua lokasi iko mambutuahan wakatu jalan kaki sakitar 7 jam manuju bibia pungguangan di katinggian 2.641m dpl (tibo di Plawangan Senaru ataupun Plawangan Sembalun). Di tampek iko pamandangan ka arah danau, maupun ka arah lua sangaik rancak. Dari Plawangan Senaru (jiko naiak dari arah Senaru) turun ka danau malalui dindiang curam ka katinggian 2.000 mdpl) nan dapek ditampuah dalam 2 jam. Di danau kito bisa bakemah, mancing (Carper, Mujair) nan sangaiklah banyak. Panduduak Lombok mampunyoi tradisi bakunjuang ka segara anakan untuak barandam di kolam aia angek jo mamanciang.

Untuak mancapai puncak (dari arah danau) harus bajalan kaki mandaki dindiang sabalah baraik satinggi 700m dan manaiki punggungan satinggi 1.000 m nan ditampuah dalam 2 tahap 3 jam jo 4 jam. Tahap partamo manuju Plawangan Sembalun, camp tarakhia untuak manunggu pagi hari. Summit attack biaso dilakuan pado pukua 3 dini hari untuak mancari momen rancak - matohari tabik di puncak Rinjani. Pajalanan manuju Puncak tagolong lumayan; karano maniti di bibia kawah dengan margin safety nan pas-pasan. Medan ba pasia, batu, tanah. 200 meter katinggian tarakhia harus ditampuah dengan susah payah, karano satu langkah maju diikuti satangah langkah turun (taparosok batuan kerikil). Dek highlander - iko tampek nan paliang manantang dan disukoi karano bareknyo medan tabayia dengan pamandangan alamnyo nan rancak. Gunuang Agung di Bali, Gunuang Raung di Banyuwangi jo Gunuang Tambora di Sumbawa taliek jaleh katiko cuaca rancak di pagi hari. Untuak mandaki Rinjani indak diparalukan alaik bantu nan banyak, cukup stamina, kasabaran jo gairah pandaki.

Kasaluruahan pajalanan dapek dicapai dalam program tigo hari duo malam, atau jiko handak maliek duo objek lain: Guo Susu jo gunuang Baru Jari (anak gunuang Rinjani dengan kawah baru di tangah danau) paralu tambahan wakatu duo hari pajalanan. Pasiapan logistik sangaik diperaluan. Disarankan untuak manggunoan jaso guide lokal nan bapangalaman untuak risiko tasasek dan tetap manghormati budaya adaik satampek.

Global Geopark

Dalam patamuan Dewan Global Geopark UNESCO I di Torquay, Inggris pado 24 Agustus 2016, Badan PBB untuak Pendidikan, Pengetahuan dan Kebudayaan UNESCO mamasuakan namo Gunuang Rinjani dalam daftar pamohonan panetapan status sabagai Taman Bumi Global atau Global Geopark. Gunuang Rinjani masuak dalam 18 daftar pamohonan baru status Taman Bumi Global.^[7]

Jiko Gunuang Rinjani ditatapkan sabagai Global Geopark dek UNESCO, mako akan manjadi Taman Bumi Global ketiga yang ada di Indonesia, selain Batur Geopark ^[8] di Bali sarato Gunuang Sewu Geopark ^[9] nan talatak di tigo provinsi Jawa Tengah, Yogyakarta, jo Jawa Timur.

Kapastian ditarimo atau indaknyo Gunuang Rinjani sabagai Taman Bumi Global/Global Geopark akan disampaikan pado April 2018, dan panyarahan piagam Global Geopark akan dilaksanakan di Italia pado September 2018. Kabaradoan Gunuang Rinjani manjadi alasan Provinsi Nusa Tenggara Barat ditunjuak sabagai tuan rumah kagiatan Asia Pasific Geopark Networks Symposium atau pertemuan seluruh anggota Geopark se-Asia Pasific pada 2019.^[10]