Lompat ke isi

Malaria

Suntiang pautan
Wikipedia Minangkabau - Lubuak aka tapian ilimu
Malaria
Parasit malaria pado sel darah merah
Palafalan
SpesialisasiPanyakik infeksi
GejalaDamam, muntah, sakik kapalo[1]
KomplikasiKulik kuniang, kajang, koma[1]
Awitan10–15 ari sudah tapapar[2]
PanyababPlasmodium nan dipindahan dek rangik[1]
DiagnosisPamaresoan darah, uji deteksi antigen[1]
PanagahanKulambu, ubek rangik, pambarantasan sarang rangik, ubek[1]
PangubekanUbek antimalaria[3]
Frekuensi216 juta (2016)[2]
Kamatian445.000 inggo 731.000[2][4]

Malaria adolah panyakik nan dipindahan dek rangik dari manusia jo binatang lain nan disababkan dek protozoa parasit (sakalompok mikroorganisme basel tungga) dalam tipe Plasmodium.[3] Malaria manyababkan gejala nan biasonyo tamasuak damam, panek, muntah, jo sakik kapalo. Dalam kasus nan parah dapek mambuek kulik kuniang, kajang, koma, atau kamatian.[5] Gejala biasonyo muncua sapuluah sampai limo baleh ari sasudah digigik.[3] Kok indak taubek, panyakik mungkin kambuah babarapo bulan kudian.[3] Pado urang nan baru cegak dari infeksi, infeksi ulang biasonyo manyababkan gejala ringan. Patahanan tubuah samantaro ko ka mailang salamo babarapo bulan inggo babarapo taun kok urang tasabuik indak tapapar taruih-manaruih jo malaria.[5]

Etiologi jo diagnosis

[suntiang | suntiang sumber]

Panyakik iko paliang acok dipindahan dek rangik Anopheles batino nan tainfeksi. Gigitan rangikk mamasuakan parasit dari aia liua rangik ka dalam darah urang.[3] Parasit bagarak ka ati di mano inyo manjadi gadang jo bareproduksi. Limo spesies Plasmodium dapek mainfeksi dan disebakan dek manusia.[5] Sabagian gadang kamatian disababkan dek P. falciparum samantaro P. vivax, P. ovale, jo P. malariae umumnyo mambuek gejala nan labiah ringan.[3][5] Spesies P. knowlesi jarang mambuek panyakik pado manusia.[3] Malaria biasonyo didiagnosis jo pamarisoan mikroskopis darah manggunokan film darah, atau jo uji diagnostik capek manuruik-antigen.[5] Metode nan manggunokan reaksi barantai polimerase (PCR; Polymerase Chain Reaction) untuak mandeteksi DNA parasit alah dikambangkan, tapi indak banyak dipakai di daerah di mano malaria endemik dek biaya jo rumik pamakaiannnyo.[6]

Panagahan panyakik

[suntiang | suntiang sumber]

Risiko panyakik dapek dikurangi jo managah gigitan rangik jo mamakai kulambu sarato panulak serangga (repellent), atau jo tindakan pambarantasan sarang rangik sarupo panyemprotan insektisida sarato mangureh ganangan aia.[5] Babarapo ubek tasadio untuak managah malaria pado wisatawan nan ka bakunjuang ka daerah di mano panyakik ko endemik. Dosis sakali pakai dari ubek sulfadoksin/pirimetamin direkomendasikan pado bayi dan salapeh trimester partamo kahamilan di daerah jo tingkek malaria tinggi. Walau baitu adonyo upayo untuak mangambangkan vaksinnyo sadang balansuang.[3] Pangubatan nan direkomendasikan untuak malaria adolah kombinasi ubek antimalaria nan tadiri ateh artemisinin.[3][5] Ubek kaduo mungkin meflokuin, lumefantrin, atau sulfadoksin/pirimetamin.[7] Kuinin basamo jo doksisiklin buliah dipakai kok artemisinin indak tasadio.[7] Resistensi parasit alah mulai untuak babarapo ubek antimalaria; misalnyo, P. falciparum resisten-klorokuin alah manyeba ka sabagian gadang wilayah malaria, jo katahanan pado artemisinin alah manjadi masalah di babarapo bagian Asia Tenggara.[3]

Epidemiologi

[suntiang | suntiang sumber]

Panyakik ko taseba laweh di daerah tropis jo subtropis nan ado di sakitar khatulistiwa.[5] Iko tamasuak banyak dari Afrika Sub-Sahara, Asia, jo Amerika Latin. Pado 2015, ado 214 juta kasus malaria di saluruah dunia.[8] Hal ko mambuek sakitar 438.000 kamatian, 90% di antaronyo tajadi di Afrika.[8] Tingkek panyakik manurun dari taun 2000 inggo 2015 sagadang 37%,[8] namun maningkek dari 2014 di mano ado 198 juta kasus.[9] Malaria umumnyo takaik jo kamiskinan jo mampunyoi efek negatif nan gadang pado pambangunan ekonomi.[10][11] Di Afrika, malaria dipakirokan maakibatkan karugian sabanyak US$12 miliar sataun dek maningkeknyo biaya kasihatan, kailangan kamampuan untuak bakarajo, jo efek negatif pado pariwisata.[12]

Rujuakan

[suntiang | suntiang sumber]
  1. ↑ a b c d e Caraballo H (2014). "Emergency department management of mosquito-borne illness: Malaria, dengue, and west nile virus". Emergency Medicine Practice. 16 (5). Diarsipkan dari versi asli tanggal 2016-08-01. 
  2. ↑ a b c World Malaria Report 2017. WHO. 4 Nopember 2017. ISBN 978-92-4-156552-3. http://apps.who.int/iris/bitstream/10665/259492/1/9789241565523-eng.pdf?ua=1. 
  3. ↑ a b c d e f g h i j "Malaria Fact sheet N°94". WHO. March 2014. Diakses tanggal 28 August 2014. 
  4. ↑ GBD 2015 Mortality and Causes of Death, Collaborators (8 October 2016). "Global, regional, and national life expectancy, all-cause mortality, and cause-specific mortality for 249 causes of death, 1980-2015: a systematic analysis for the Global Burden of Disease Study 2015". Lancet. 388 (10053): 1459–1544. doi:10.1016/s0140-6736(16)31012-1. PMC 5388903 alt=Dapat diakses gratis. PMID 27733281. 
  5. ↑ a b c d e f g h Caraballo H (2014). "Emergency department management of mosquito-borne illness: Malaria, dengue, and west nile virus". Emergency Medicine Practice. 16 (5). 
  6. ↑ Nadjm B, Behrens RH (2012). "Malaria: An update for physicians". Infectious Disease Clinics of North America. 26 (2): 243–59. doi:10.1016/j.idc.2012.03.010. PMID 22632637. 
  7. ↑ a b Organization, World Health (2010). Guidelines for the treatment of malaria (edisi ke-2nd). Geneva: World Health Organization. p. ix. ISBN 9789241547925. 
  8. ↑ a b c "Malaria Fact sheet N°94". WHO. Diakses tanggal 2 February 2016. 
  9. ↑ WHO (2014). World Malaria Report 2014. Geneva, Switzerland: World Health Organization. pp. 32–42. ISBN 978-92-4156483-0. http://www.who.int/entity/malaria/publications/world_malaria_report_2014/en/index.html. 
  10. ↑ Gollin D, Zimmermann C (August 2007). Malaria: Disease Impacts and Long-Run Income Differences (PDF) (Laporan). Institute for the Study of Labor. Diarsipkan dari versi asli (PDF) tanggal 2016-03-18. 
  11. ↑ Worrall E, Basu S, Hanson K (2005). "Is malaria a disease of poverty? A review of the literature". Tropical Health and Medicine. 10 (10): 1047–59. doi:10.1111/j.1365-3156.2005.01476.x. PMID 16185240.  publikasi akses tabukak - bebas untuak dibukak
  12. ↑ Greenwood B, Mutabingwa T (2002). "Malaria in 2002". Nature. 415 (6872): 670–72. doi:10.1038/415670a. PMID 11832954. 
Literatur lain

Bacoan lanjuik

[suntiang | suntiang sumber]

Pautan lua

[suntiang | suntiang sumber]
Klasifikasi
Sumber lua


Cari tau tantang Malaria di proyek-proyek Wikimedia lainnyo:
Definisi dan terjemahan dari Wiktionary
Gambar dan media dari WikiCommons
Berita dari Wikinews
Teks sumber dari Wikisource
Buku dari Wikibooks
Panduan wisata di Malaria dari Wikivoyage
Diambiak dari "https://min.wikipedia.org/w/index.php?title=Malaria&oldid=3156106"