Џорџ Џон Тери (роден на 7 декември1980) — англиски професионален фудбалер. Џон Тери е централен бек и е капитен на Челзи во ФА Премиер лигата. Тој исто така бил и капитен на Англиската фудбалска репрезентација, од август 2006 до февруари 2010, и од март 2011 до февруари 2012.
Тери важи како физички силен одбранбен играч, со доминантна игра во воздухот и е познат по своите агресивни одземања на топката, позиционирање, водство и неговата способност да ја проценува играта.[1][2][3][4] Тој се смета за еден од најдобрите дефанзивци на неговата генерација.[5][6] Тери беше награден за најдобар фудбалски дефанзивец на УЕФА во 2005, 2008 and 2009 година,[7] како и играч на годината во 2005 година,[8] и беше вклучен во ФИФА Про и ФИФА Светските 11.[9][10][11][12] Тој исто така беше именуван во Ол-Стар тимот на Светското првенство во 2006 година, и бил единствен англиски играч во тимот.
За репрезентацијата на Англија одиграл 78 натперавари од 2003 до 2012 година. Тери своето деби за репрезентацијата на Англија го имал во јуни 2003 година против репрезентацијата наСрбија и Црна Гора, додека првиот старт во почетните 11 за Англија го имал на 20 август 2003 година во Ипсвич, на пријателскиот натпревар против Хрватска, Англија победи со 3-1. [се бара извор] Неговиот главен партнер во одбраната бил Рио Фердинанд. [се бара извор] Тој играше за својата земја на повеќе меѓународни првенства како што се : Евро 2004, кога селектор на Англија бил Свен Јеран Ериксон кој изјавил дека Тери бил негов прв избор како централен дефанзивец, заедно со Сол Кембел.[се бара извор]. Исто така бил дел од Светските првенства во 2006 и 2010 година, како и на Европските првенства 2008 и 2012 година.
