Казањ Арена

Казањ Арена
Казањ Арена;
Место	Казањ, Татарстан, Русија
Започнат	мај 2010
Отворен	јули 2013
Сопственик
Подлога	трева
Цена на изградбата	$ 450 милиони
Архитект	Populous, V. Motorin
Игра	ФК Рубин Казањ
Гледачи	45,379

Казањ Арена (руски: «Казань Арена»; татарски: Казан-Арена) — стадион кој се наоѓа во Казањ, Русија.

Особености

Површина на стадионот: 28 хектари
Сместивост: 45.379 гледачи
Површина на објектот: 73,330 m²
Вкупна површина на објектот: 135.967 m²
Паркинг: 6.285 места
Фудбалско поле: 9000 m², 105 mx 68 m

Историја

На 5 мај 2010 година, рускиот претседател Владимир Путин поставил камен темелник на стадионот. Комплесот бил завршен во рекордно време - 36 месеци подоцна, во мај 2013 година, станувајќи првиот стадион изграден за Светското првенство 2018 во Русија.

Неговата сместивост е 45.379 гледачи. Со неговото отворање, стадионот го заменил Централниот стадион како главен фудбалски стадион во Казањ.

Архитектонскиот концепт на стадионот е дизајниран од страна на компанијата Populous. Според планот на главниот дизајнер Дејмон Лавел, стадионот е единствен одговор на локалната култура и место.

Стадионот во текот на своето постоење е најчесто домаќин на фудбалски натпревари, односно своите домашни натпревари на стадионот ги игра екипата на ФК Рубин Казањ. Освен тоа, стадионот бил домаќин на неколку меѓународни настани, како Летна универзијада - 2013, на Купот на конфедерации во 2017 година, а ќе биде домаќин и на натпревари од Светското првенство во фудбал во 2018 година. Казањ Арена, исто така, бил домаќин на Светското првенство во водени спортови во 2015 година.

Првиот фудбалски натпревар на стадионот бил одигран на 17 август 2014 година помеѓу ФК Рубин Казањ и ФК Локомотив Москва (1:1). Првата победа на новиот стадион ФК Рубин ја остварил на 23 август во натпреварот од 5-тиот круг од првенството на Русија, победувајќи го актуелниот шампион во тоа време - ПФК ЦСКА Москва (2: 1). На 5 ноември 2015 година на стадионот бил одигран првиот натпревар од Лига Европа против ФК Ливерпул. Од 17 јуни до 2 јули 2017 година, на стадионот во Казањ Арена се одржале четири натпревари од Купот на Конфедерации 2017, посетувајќи го повеќе од 150.000 гледачи.

Натпревари

Куп на конфедерации 2017

Дата	Време	Екипа #1	Резултат	Екипа #2	Круг	Посетеност
18 јуни 2017	18:00	Португалија	2–2	Мексико	Група А	34,372^[1]
22 јуни 2017	21:00	Германија	1–1	Чиле	Група Б	38,222^[2]
24 јуни 2017	18:00	Мексико	2–1	Русија	Група А	41,585^[3]
28 јуни 2017	21:00	Португалија	0–0 (0–3 p)	Чиле	Полуфинале	40,855^[4]

Светско првенство 2018

Дата	Екипа	Екипа#1	Резултат	Екипа #2	Круг
16 јуни 2018	13:00	Франција	–	Австралија	Група Ц
20 јуни 2018	21:00	Иран	–	Шпанија	Група Б
24 јуни 2018	21:00	Полска	–	Колумбија	Група Х
27 јуни 2018	17:00	Јужна Кореја	–	Германија	Група Ф
30 јуни 2018	17:00	Победник од група Ц	–	Втор од група Д	Осмофинале
6 јули 2018	21:00	Победник од натпревар 53	–	Победник од натпревар 54	Полуфинале