Стадион Пољуд

Стадион Пољуд
Stadion Poljud
Стадион Пољуд; Stadion Poljud;
Место	Сплит, Хрватска
Отворен	1979
Сопственик	Град Сплит
Оператор	ФК Хајдук Сплит
Подлога	Трева, 105 × 68 метри
Игра	ФК Хајдук Сплит
Гледачи	35,000

Стадионот Пољуд (хрватски: Stadion Poljud) е фудбалски стадион во Сплит, Хрватска. Го носи името од соседството Пољуд, и се наоѓа на северната страна од Сплитскиот полуостров, а неговото оригинално име е „Градски стадион во Пољуд“. Стадионот бил изграден за потребите на Средоземните игри 1979 и е домашен терен на фудбалски клуб Хајдук Сплит. Стадионот има сместивост од 35.000.

Комплексот е изграден за да биде домаќин на Средоземните игри во 1979 г. и бил службено отворен од страна на тогашниот југословенски претседател, Јосип Броз Тито. Првичната сместивост беше 55.000 седишта, но тој подоцна е зголемен на 62.000 во 1980 г. Со најновите реконструкции поставени се пластични столчиња на северната и јужната трибина, така што сместивоста му е намалена на 35.000 седишта.

Стадионот Пољуд беше и местото каде се одржале 1990 Европското атлетско првенство и 2010 ИААФ Континентално првенство.

Дизајн

Стадионот е дизајниран од страна на хрватскиот архитект Борис Магаш.

Со импресивна кровна конструкција слична на школка, што опфаќа распон од 215 метри, подоцна била пример на голем број новоизградени светски стадиони во годините што следеле. Постојат 19 кабини кои се наоѓаат на западниот покрив "школка". Седум од нив се користат од страна на ТВ новинарите, додека останатите служат за камери, радио и ТВ преноси, спортски судии (фото финиш), табла и аудио контрола, итн. Сите овие делови се меѓусебно поврзани преку модна писта, што минува низ структурата која го опфаќа целиот покрив, давајќи пристап до сите кабини, како и до 630 рефлектори, изработени од Филипс, на покривот. Осветлувањето на стадионот исто така е предмет на многу признанија.

Кога стадионот бил избран за домаќин на 2010 ИААФ Континентално првенство во Атлетика, тој е реновиран. Обновен е со нова тартан патеката, вклучувајќи го и воведувањето на нови ВИП кутии и места.