„Bad Romance“ е песна од американската пејачка Лејди Гага. Издадена е како водечки сингл од нејзиниот трет EP албумThe Fame Monster (2009). Напишана од Лејди Гага и продуцирана од RedOne, песната била инспириран од паранојата која Гага ја искусила за време на турнејата од 2008 до 2009. Откако демо верзијата на песната била прикажана на интернет пред официјалното издавање, Гага премиерно ја прикажала завршената верзија на шоуто на Александер Меккуин за време на модната недела во Париз во 2009 година. Ова било проследено со омотот на песната.
Музички, „Bad Romance“ користи изговорен завршен дел, рефрен и текст кој зборува за вљубување во најдобар пријател. Песната содржи елементи од музиката од 1980-тите и 1990-тите и влијанија од германската хаус-техно музика и била опишана од Гага како експериментална снимка. „Bad Romance“ имала комерцијален успех и се искачила на првото место на Британската Табела за Синглови, Ирската Табела за Синглови, Канадската Табела за Синглови и шведските, австриските и данските табели, а се искачила на второто место во држави како САД, Австралија и Нов Зеланд. Според Интернационалната Федерација на Фонографската Индустрија, песната продала 9.7 милиони копии ширум светот во 2010 година,[2] станувајќи нејзиниот втор најдобро продаван сингл после „Poker Face“ (2008).[3] Песната исто така добила критички успех; „Bad Romance“ била пофалена од повеќето критичари кои ја споредиле со вториот сингл на Гага, „Poker Face“. Исто така била рангирана на деветтото место од Роулинг Стоун во нивниот список на „25 Најдобри Песни од 2009“ и добила Греми Награда за Најдобра Женска Поп Вокална Изведба.[4]
Музичкото видео ја прикажува Лејди Гага во јавна бања. Таму, таа е киднапирана од група на супермодели кои ја дрогираат и ја продаваат на Руската Мафија за сексуално ропство. Музичкото видео завршува со Гага која го убива мажот која ја купил. Видеото добило позитивни одговори од музичките критичари за глумата и визуелните слики во него; критичарите ги пофалиле провокативните содржини. Било номинирано за десет награди на МТВ Видео Музичките Награди од 2010, а освоило седум од нив, вклучувајќи го и она за Видео на Годината. Видеото исто така освоило Греми Награди за Најдобра Кратка Форма на Музичко Видео.
„Bad Romance“ бил првиот сингл од The Fame Monster, следниот албум на Гага по The Fame.[5] Пред официјалното издавање, демо верзија на песната била објавена илегално на интернет со што Гага коментирала преку нејзиниот профил на Твитер, „протекувањето на синглот ги натера моите уши да искрварат. Чекајте кога ќе ја слушнете вистинската веррзија.“[6] Таа исто така извела краток дел од песната на Saturday Night Live на 3 октомври 2009, заедно со „Poker Face“ и „LoveGame“.[7][8] Вистинската верзија на „Bad Romance“ премиерно била прикажана за време на финалето на модната недела во Париз на Александер Меккуин во 2010,[9] а потоа песната била издадена на 19 октомври 2009.[10] Гага објаснила дека „Bad Romance“ била една од песните кои ги напишана во 2008 додека била на турнеја. Песните компонирани во тоа време зборувале за различни „чудовишта“ (паранои) кои ги сретнала на турнејата. Едно од нив било „љубовно чудовиште“ и инспирација за „Bad Romance“.[11] Гага објаснила дека генерално се чувствувала осамено додека била во врски и заклучила дека ја привлекуваат мажи со кои романсата никогаш не успева.[12] „Bad Romance“ била песна која кажувала дали таа сака осамени врски или постојано избира погрешни мажи.[12] Во магазинот Grazia, Гага ја објаснила нејзината инспирација,
„Ја напишав ['Bad Romance'] додека бев во Норвешка во мојот автобус за турнејата. Бев во Русија, потоа во Германија и поминав многу време во Источна Европа. Таму има неверојатна германска хаус-техно музика, па сакав да направам експериментална поп снимка. Некако сакав да ги оставам '80-тите малку, па рефренот е мелодија од '90-тите, а тоа е и инспирацијата. Имаше и виски за време на пишувањето. Во песната се работи да бидете заљубени во вашиот најдобар пријател.“[13]
Омотот бил прикажан на 15 октомври 2009 и ја прикажува Гага во црвен фустан, а нејзиното лице е покриеено со материјал од фустанот.[14] Бил Лемб од About.com го пофалил омотот велејќи, „Гага го одржува нејзиниот список на моќни слики за нејзината музика и сценски презентации“.[14]
↑Kreps, Daniel (2009-09-29). „Lady Gaga Readies New Single for "SNL," "The Fame" Re-Release“. Rolling Stone. Jann Wenner. 1098 (45). ISSN0035-791X. |access-date= бара |url= (help)
↑„Brazil Hot 100 Airplay“. Billboard Brazil (португалски). Brazil: Nielsen Business Media, Inc. 79 (2). 2010-04-01. ISSN977-217605400-2Проверете ја вредноста |issn= (help).
↑„Jahreshitparade 2010“. austriancharts.at (германски). Hung Medien. Посетено на 2010-12-30. Не се допушта закосување или задебелување во: |work= (help)
