کریول یا کرئول (Creole) ات‌دسته زوون هستنه که چنتا زوونِ پشو بخردن په بسات بئی بوئن. معمولاً اینان زبون‌ها اینتی بوجود بمونه که اتا بومی-محلی زوون و اتا خارجی زوونِ کلمات و گرامر انده قاطی-پاتی بیّه که شه اتا نو زوون بیّه. کریول ویشته دور-هکت مناطقی که استعمارکَرون گیتنه وجود اِمو. کریولِ زوون ره معمولاً اتا منطقه دله بعنوان ماری زوون یاد گیرنه و موندستگار وونه. مثلاً بیسلاما که وانتووا جزیره دله دره، هیری موتو که نوگينه جزيره‌یِ بعضی جائون گپ زنه یا آییسینی که هاییتی دله رسمی زوون هسته.
