Cancor

Vilatge d'Occitània

Cancor
Cancon

L'ostal de comuna.

Armas

Geografia fisica

Coordenadas

44° 32′ 12″ N, 0° 37′ 35″ E

Superfícia

24,49 km²

Altituds
· Maximala
· Mejana
· Minimala

217 m
170 m
90 m

Geografia politica

França

Lo Naut Agenés Perigòrd (capluèc del Cancor avant 2015)

Intercom
244701371

CC de las Bastidas en Naut Agenés Perigòrd

Cònsol

Elisabeth Pichard
(2020-2026)

Geografia umana

Populacion
Populacion totala
(2018)

1 332 ab.

Evolucion de la populacion

1 351 ab.

Densitat

54,27 ab./km²

Autras informacions

Còde postal

47290

Còde INSEE

47048

Cancor (Cancon en francés) es una comuna agenesa de Guiana. Administrativament, es situada dins lo departament d’Òut e Garona e la region de Novèla Aquitània, ancianament d'Aquitània.

Geografia

Perimètre del territòri

Comunas confrontantas de **Cancor**
Sent Maurici de Lestapèl	Lograta	Sent Estròpi de Bòrn sus quauques desenats de mètres
Molinet		Bodin de Bòrregard
	Baugast

Toponimia

Las fòrmas ancianas son Canaechoris (inscripcion sus un triens [moneda romana, donc inscripcion antica], parrochia de Cancon, al sègle XIII, castrum de Canco, en 1259, Honor de Cancor, en 1259, castrum de Cancer, en 1271, dominus de Campcort, en 1289, domino Amanevo, domino de Campcort, en 1295, Cancor, en 1303, parrochia eccl. Sancti Martialis de Cantor, en latin, en 1319, decima de Cantorio, en latin, en 1319, Cantcor, en 1324, capella de Cantor, en 1326, de Cacurrio, en latin ?, en 1340, Canquor, en 1407, Cancos en 1416^[1], Quancon, en 1423, Cancons, en 1495, ecclesia de Cancone cum ejus annexa de Perilhaco, en 1505, rector de Cancorn et de Perilhaco, en 1520, Cancors, sense data, Cancon, sus una mapa del sègle XVII. La prononciacion es [kaŋ'ku]. I a pas agut d'explicacion toponimica abans la de Bénédicte Boyrie-Fénié. La primièra atestacion es pas una latinizacion mès una fòrma antica e mena regularament a Cancor : *Canaechóre > *Canecóre > *Cancore > Cancor. Coma las finalas en -or e en -on (pus frequenta) son omofònas, lo nom es estat comprés Cancon (grafia francesa). L'element choris, ablatiu plural de chora, a lo sens de « districte » o de « sector », qu'aquelas nocions sián en rapòrt emb un tipe de relèu (Cancon es sus un morre naut) o un territòri a l'entorn d'una vila (*Cana ?) o que ne depend. Lo primièr element poiriá èsser segon B. Boyrie-Fénié una basa preindoeuropèa *KaN, « autura, puèg, tuca » ^[2].

Milhac

Milhac (vilatge e glèisa al nòrd de la comuna) ven del nom latin Aemilius, emb lo sufixe -acum ^[3]^,^[4], latinizacion del sufixe gallés -ācon. Milhac èra donc probablament una anciana granda propietat antica qu'aviá per mèstre Aemilius.

Périllac

Malgrat las fòrmas de 1505 e de 1520 Perilhaco (latinizacions), Périllac es probablament un *Pairilhac [pejri'ʎak], vengut benlèu [peri'ʎak] per dissimilacion (absorcion de iòd pr'amor del segond i), mès aquò seriá a verificar sul terrenh. Se n'es aital, ven d'un nom latin d'òme Patrilius , emb lo sufixe -acum ^[5], latinizacion del sufixe gallés -ācon. Pairilhac o Perilhac èra donc probablament una anciana granda propietat antica qu'aviá per mèstre Patrilius.

Istòria

Entre 1972 e 1979, Bodin de Bòrregard e Sent Maurici de Lestapèl fusionèron emb Cancor ^[6]

Administracion

Lista dels cònsols successius
Periòde		Identitat	Etiqueta	Qualitat
mai de 2020	2026	Elisabeth Pichard ^[7]
març de 2014	2020	Carole Roire	divèrs dreta	Comptabla
junh de 1995	2014	Jean-Claude Gouget	PRG	Retirat de l'agricultura, conselhièr general, deputat de la tresena circonscripcion d'Òut e Garona de junh 2012 a abril 2013 (suplent de Jérôme Cahuzac)
	1995
Totas las donadas non son pas encara conegudas.