کرفیو
کرفیو (Curfew) اک انتظامی روک ٹوک اے ۔ جیہدے ذریعے لوکاں دی آوا جاوی اُتے مکمل یا جزوی ، تے مقررہ وقتاں وچ روکت لا دتی جاندی اے ۔
لفظ کرفیو دی بناوٹ
[سودھو]لفظ کرفیو ، پراݨی پراݨی فرانسیسی دے لفظاں ("couvre-feu") توں بݨیا ، جیہدا مطلب ("cover fire") "کڡر-فائر" اے ۔ بعد وچ ایہنوں مِڈل اِنگلش وچ شامل کر لیا گیا ۔ ایہدے اصل معنی وِلیئم دی کنکوائرر دے بݨائے ہوئے قنون توں مراد نیں کہ لکڑی دیاں عمارتاں وچ کمیونٹی دے اندر تباہ کُن اگ دی پھیلاوٹ نوں روکݨ لئی اَٹھ بجے دی گھینٹھی بجݨ اُتے سبھ بتیاں تے اگ نوں بجھا دتا جاوے ۔
کرفیو
[سودھو]کرفیو عام طور تے سماج وچ دو جتھےآں یا دو گروہاں دے لوکاں وچ پُر تشدد ٹکراء دے ویلے یا کِسے ٹینشن آلے محول وچ لایا جاندا اے ۔ ایس توں علاوا کرفیو وبائی امراض نوں پھیلݨ توں روکݨ واسطے وی لایا جاندا اے ۔ کرفیو وقت دے لحاظ نال لگاتار لمبے چِر دا وی ہوسکدا اے تے وقفےآں نال تھوڑے چِر دا وی ۔ کرفیو دے دوران روک ٹوک وچ کُچھ وقت لئی نرمی وی کر دتی جاندی اے تاکہ لوک اپݨے ضروری کم کار کرسکݨ ۔ کرفیو دے دوران مجبوری وچ آواجاوی واسطے متعلقہ اتھارٹی کولوں کرفیو پاس لیݨا پیندا اے ۔ کرفیو توڑن آلے دے خلاف قنونی کارروائی کیتی جاندی اے ۔
