Гент

Гент
Застава	Малый герб
Давны назвы	Ganda, IX. стороча
Держава	Белгия
Регион	Фламандия
Провинция	Выходна Фландрия
Мер	Матиас Де Клерк
Координаты	51°03′13″ с. ш. 3°43′31″ в. д. / 51.053611° с. ш. 3.725278° в. д. (G) (O) (Я)
Розлога	156 км²
Обывательство	263 927 особ (01.01.2020)
Часова зона	UTC+1, влѣтѣ UTC+2
Телефонный код	09
Поштовый индекс	9000–9052

Гент, нид. Gent, фр. Gand — город в Белгии, главный и найвекшый город провинции Выходна Фландрия, другый найвекшый пристав Белгии, а тыж центер заградництва.^[1]^[2]

История

Первый раз ся споминать в истории як торгова и ремеселна осада Ganda, од IX. стороча.^[2] Ку XIII. ст. Гент быв едным зоз найвекшых городох Сѣверной Европы. Его просперита была закладена на продукции роскошных полотен, котры знали по цѣлой Европѣ. Од конця XVI. ст. зачав упадати зато, бо его полотна уж не могли конкуровати с англицкыма. Авшак газдовство ся обновило як достав прядилны машин на памут, котры шмугльовали з Англии, и по часѣ Гент ся став центром белгийского текстилового промысла.^[1]

Култура и наука

Универзита Гента фунгуе од року 1817.^[2] В Гентѣ суть прекрасны музеи, зокрема Музей красных умѣнь, в котором ся хранять сокровища мальб фламандскых майстрох, што жили и творили ту в середновѣку.^[1]

В Гентѣ сѣдлить Кральовскый театер, Фламандска опера (1840), одбывають ся меджинародны фестивалы музичны и филмовы. Раз на 5 рокы — една з найвекшых европскых выставок цвѣтя, Гентскы флоралии.^[2]