Ravgâ
| Ravgâ Calidris pugnax (Linnaeus, 1758) |
|
|---|---|
.jpg) |
|
| Tile | LC (eellimvuáimálâš)[1] |
| Tile Suomâst | CR (kriittisávt uhkevuálásâš)[2] |
 |
|
 |
|
Tieđâlâš luokittâllâm |
|
| Doomeen | Sellâvááimusliih Eucarya |
| Kodde | Elleekodde Animalia |
| Uáiviráiđu | Savosuonâsiih Chordata |
| Vyeliráiđu | Čielgitávtáliih Vertebrata |
| Luokka | Lodeh Aves |
| Lahko | Riddolodeh Charadriiformes |
| Vyelilahko | Kalâččeijeeh Charadrii |
| Hiäimu | Miähástuvah Scolopacidae |
| Suuhâ | Širreeh Calidris |
| Šlaajâ | pugnax |
Ravgâ (Calidris pugnax, ovdil Philomachus pugnax) lii miähástuvâi hiäimun kullee kalâččeijee.
Stuárudâh já tobdomeerhah
[mute | mute käldee]Ores lii 31–34 cm kukkosâš lodde, mii tiäddá 168–242 g. Ucceeb niŋálâs lii 46–50 cm kukkosâš já tiäddá 85–126 g. Kiđđuv orásist lii fiijnâ puzzâviergi čiäppát pirrâ já vuoptâtieppi uáivi alne. Orásij puzzâlovduuh láá uáli jieškote-uvlágáneh, kirjááh já maaŋgâivnásiih. Niŋálâs selgipeeli lii tevkiskirjáá já čuávji čuovvâd. Lasanemääigi maŋa ores sulâstit niŋálâs.[3]
Lavdâm já eellimpiirâs
[mute | mute käldee]Ravgâ pessee Tave-Euroop já Ruošâ jeggikuávluin, Suomâst eromâšávt taveoosij jeegijn já njeešijn.[4] Suomâst pessejeh áárvu mield 5 000–8 000 paarrâd. Ravgâ tálvástâl Koskâmeerâ kuávlust já Afrikist. Oráseh värrejeh kesi-syeinimáánust já niŋálâsah sehe nuorâ lodeh syeini-čohčâmáánust. Ravgâ máccá Suomân pessiđ cuáŋui-vyesimáánust.[3] Nääli lii uccánâm moonnâm iivij ääigi, já ravgâ lii tääl kriittisávt uhkevuálásâš Suomâst.[4]
Lasanem
[mute | mute käldee]Kiđđuv oráseh čokkâneh kiihâmsoojijd já taistâleh koskânis. Niŋálâs mannee vyesi-kesimáánust nelji mane já láálá taid 21–24 peivid. Uđâgááh oceh jieijâs ravâdâs jo viehâ uccen já kirdeškyetih 23 peeivi ahasâžžân.[3]
Raavâd
[mute | mute käldee]Ravgâ porá uccâ čielgitävtittes elleid já raasij oosijd.[3]
Kovegalleria
[mute | mute käldee]-
Niŋálâs -
Ores lasanemääigi ulguubeln
.jpg)
Käldeeh
[mute | mute käldee]- ↑ IUCN Red List Čujottum 21.6.2021 (eŋgâlâskielân)
- ↑ Valkama, Jari: Ravgâ – Calidris pugnax Suomen Lajitietokeskus. 2019. Čujottum 30.3.2022. (suomâkielân)
- ↑ 3,0 3,1 3,2 3,3 Luontoportti.fi Čujottum 21.6.2021 (suomâkielân)
- ↑ 4,0 4,1 Arktinen keskus Čujottum 21.6.2021 (suomâkielân)