Liv Kari Eskeland er ein norsk politikar for Høgre som 2021–2025 var stortingsrepresentant frå Hordaland. Ho stilte til attval i 2025, men mista mandatet sitt og er frå 2025 vararepresentant. Eskeland var og vararepresentant 2009–2021 og møtte fast i perioden 2017–2021 medan Erna Solberg satt i regjeringa.
Liv Kari Eskeland
Faktaboks
Liv Kari Eskeland
- Fødd
- 21. mai 1965, Stord, Vestland
Bakgrunn
Liv Kari Eskeland er fødd på Stord og tok utdanning som sivilarkitekt frå NTNU i 1990. Ho arbeidde som sivilarkitekt ved Holmedal og Husum Offshore AS i 1991–1996, var avdelingsleiar ved Apply Leirvik i 1996–2000 og dagleg leiar i LINK Arkitektur på Stord i 2000–2007. I 2015-2017 var ho prosjektleiar i offshore-verksemda Unitech Energy Research.
Politisk karriere
Eskeland har vore leiar av Stord Høgre og medlem av kommunestyret i Stord som ordførar 2007–2015. Ho var òg medlem av Stord formannskap i 2015–2017. I perioden 2010–2016 var ho fylkesleiar i Hordaland Høgre, og ho har vore medlem av sentralstyret i partiet.
På Stortinget var ho medlem av energi- og miljøkomiteen i 2017–2021 og 2021–2025 medlem av transport- og kommunikasjonskomiteen. Næringsliv er det viktigaste politiske interessefeltet hennar, og ho er særleg oppteken av rammevilkåra til industrien på Vestlandet.
Andre verv
Eskeland var styreleiar i Kommunal Landspensjonskasse (KLP) i 2014–2017 og styremedlem i mellom anna Språkrådet i 2016–2018 og Bremnes Fryseri i 2016–2018.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.