Magnus – Guttenavn. Betydning og bruk

Magnus er eit mannsnamn som er mykje brukt i Norden. Det går tilbake til det latinske adjektivet magnus som tyder ‘stor’. Det var opphavleg eit tilnamn brukt på Karl den store (747–814), på latin Carolus Magnus.

Namnedag er 16. april. Mohammad og Mons har også namnedag denne dagen.

Kjende personar med namnet Magnus

Eit utval personar med namnet Magnus, og som er omtalt i Store norske leksikon:

Magnus 1. den gode (1024–1047)
Magnus 3. Berrføtt (1073–1103)
Magnus den hellige (1080–1115)
Magnus 4. Sigurdsson Blinde (1115–1139)
Magnus 5. Erlingsson (1156–1184)
Magnus Lagabøte (1238–1280)
Magnus 7. Eriksson (1316–1374)
Christian Magnus Falsen (1782–1830)
Magnus Brostrup Landstad (1802–1880)
Magnus Poulsson (1881–1958)
Magnus Carlsen (1990)
Jarl Magnus Riiber (1997)

Namnestatistikk

I 2022 var det 17 439 menn i Noreg som hadde Magnus som det einaste førenamnet eller som det fyrste av fleire, og Magnus var blant dei 50 mest brukte namnet blant norske menn. I 2022 var det 270 gutar som fekk namnet Magnus, og det var blant dei 20 mest populære gutenamna dette året.

Utvikling i bruk av namnet

Sjølv om Magnus reint språkleg har latinsk opphav, kan det i kulturhistorisk samanheng reknast som eit norsk namn. Eit tidleg døme på dette er kongenamnet Magnus – jamfør Magnus den gode i mellomalderen. Dermed kan Magnus inngå blant dei namna som høyrer til namnerenessansen. I den fyrste fasen hadde namnet same kurveprofil som andre renessansenamn, men Magnus fekk – i motsetning til andre renessansenamn – eit sterkt oppsving frå 1970-åra til ein topp tidleg på 2000-talet.

Geografisk variasjon på 1800-talet

Magnus var mest brukt i Bergen, Nordland og Troms.

Geografisk variasjon i bruk av namnet Magnus på 1800-talet.

Av Gulbrand Alhaug / Erik Bolstad/Store norske leksikon.

Lisens: CC BY SA 4.0

Magnus var mest brukt i Bergen, Nordland og Troms. (I søylene inngår det også ein eller fleire stavevariantar, til dømes Mangnus.)

Historisk bruk av namnet Magnus

Av Gulbrand Alhaug / Erik Bolstad/Store norske leksikon.

Lisens: CC BY SA 4.0

Les meir i Store norske leksikon

Litteratur

Kruken, Kristoffer og Ola Stemshaug 2013: [Norsk personnamnleksikon]. 3. utgåva ved Kristoffer Kruken. Oslo.

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

Fagansvarleg for Guttenavn

Gulbrand Alhaug

UiT – Norges arktiske universitet