Lompat ke isi

Liberty Bell

Ti Wikipédia Sunda, énsiklopédi bébas
Liberty Bell
loncéng perunggu gedé kalawan retakan anu jelas, ngagantung dina kai hideung. Éta nu disebut Liberty Bell
Koordinat39°56′58″N 75°9′1″W / 39.94944°N 75.15028°W / 39.94944; -75.15028Koordinat: 39°56′58″N 75°9′1″W / 39.94944°N 75.15028°W / 39.94944; -75.15028
LokasiLiberty Bell Center, Philadelphia, Pennsylvania, Amérika Sarikat
DesainerWhitechapel Bell Foundry
JinisBél munara
Material70% Tembaga, 20% Timah, 10% logam séjénna
Lébar3.82 ft (1.16 m) (kelilingna 12 ft (3.7 m) di handap, 7.5 ft (2.3 m) di luhur)
JangkungKira-kira 4 ft (1.2 m)
Tanggal bérés1752 (Dirombak di taun 1753 ku Pass jeung Stow)
RamatlokaLiberty Bell Center

Liberty Bell nyaéta hiji loncéng anu ngalambangkeun simbol kabébasan jeung kamerdikaan Amérika Sarikat. Loncéng ieu aya di Philadelphia, Pennsylvania.[1][2]

Sajarah

[édit | édit sumber]

Mimitina, Majelis Pennsylvania maréntahkeun nyieun ieu bél pikeun miéling 50 taun Charter of Privileges anu dijieun ku William Penn di taun 1701. Charter of Privileges ngabahas ngeunaan hak jeung kabébasan anu ngahargaan batur di sakuliah dunya. Utamana pamikiran William Penn ngeunaan kabébasan beragama, sikep liberal ngeunaan hak-hak pangeusi asli Amérika, sarta partisipasi warga nagara dina nyieun undang-undang.[2]

Di tanggal 1 Nopémber 1751, hiji surat dikirimkeun ka Robert Charles, Ag'én Kolonial ti Propinsi Pennsylvania anu digawé di London. Surat éta ditandatanganan ku Isaac Norris, Thomas Leech, jeung Edward Warner, pikeun nepikeun kahayang Majelis pikeun meuli bél pikeun munara State House (kiwari Independence Hall).[2][3]

Tuluy, loncéng nepi di Philadelphia di tanggal 1 Séptémber 1752, tapi teu digantung nepi ka tanggal 10 Maret 1753, ku sabab sorana anu kurang ngeunaheun sarta retak.[2]

Tuluy di tanggal 8 Juli 1776, loncéng ieu disada pikeun ngageroan warga Philadelphia sangkan ngadéngé biantara munggaran ngeunaan Déklarasi Kamerdékaan anu dibacakeun ku John Nixon.[2]

Nalika Britania Raya ngaeréh Philadelphia di taun 1777, ieu loncéng kungsi dipindahkeun sarta disumputkeun di Geréja Réformasi Sion salila ampir sataun sarta dipulangkeun deui ka Philadelphia nalika usum panas taun 1778 saenggeus Britania Raya mangkat ti kota éta.[4]

Retakan dina loncéng

[édit | édit sumber]

Liberty Bell miboga retakan anu bisa ditempo kiwari. Kumaha mimitina éta loncéng bisa retak, teu dipikanyaho sacara pasti.[3]

Di taun 1751, nalika Majelis Propinsi Pennsylvania meuli éta loncéng, loncéngna kalahkah retak nalika ujicoba sarta kudu disusun ulang dua kali nepi ka weuteuh deui.[3]

Iraha waktu anu pasti Liberty Bell bisa retak deui sabenerna taya anu apal. Tuluy aya babaraha carita, salah sahijina, nyaéta di taun 1824, salila pahlawan perang Révolusi Marquis de Lafayette datang. Carita anu lian nyebutkeun yén loncéng retak di ahir taun éta, ku sabab disadakeun pikeun nandakeun aya kahuruan.[3]

Aya deui carita anu séjén, yén loncéng retak nalika pamakaman Hakim Agung John Marshall di taun 1835, tapi laporan surat kabar ngeunaan pamakaman teu nyebutkeun kajadian saperti éta.[3]

Kumaha caritana, anu jelas, loncéng geus retak di taun 1846, nalika Walikota Philadelphia ménta sangkan loncéng disadakeun pas milangkalana George Washington. Sanajan geus dilakkeun babaraha usaha pikeun ngoméan karetakan éta, tapi tungtungna mah teu bisa. Saenggeus dipindahkeun ka paviliun di deukeut Independence Hall di taun 1976 (nalika miéling dua abad kamerdikaan), di taun 2003, Liberty Bell dipindahkeun ka Liberty Bell Center di Independence National Historic Park. Nepi ka kiwari, éta retakan masih kénéh bisa ditempo.[3]

Warisan

[édit | édit sumber]
alt = Koin, kalawan desain anu midangkeun Liberty Bell anu ditumpangkeun ka bulan

Salian ti réplika anu aya di Independence National Historical Park, réplika awal Liberty Bell ogé nyaéta Justice Bell atawa Women's Liberty Bell, dititah pikeun dijieun di taun 1915 ku suffragist pikeun ngadvokasi hak pilih wanoja. Loncéng ieu miboga légénda anu sarua jeung Liberty Bell, kalawan dua kecap tambahan dina loncéng, nyaéta "negakkeun kaadilan", kecap anu dicokot tina Bubuka Konstitusi Amérika Sarikat. Ieu loncéng teu bisa disada, anu ngalambangkeun henteu mampuhna wanoja pikeun nepikeun aspirasina, teu boga hak sora, sarta teu boga partisipasi dina kagiatan politik. Saenggeus Amandemén Kasalapan Welas (méré wanoja hak sora), Justice Bell dibawa ka hareupeun independence Hall di tanggal 26 Agustus 1920. Éta loncéng aya di Independence Hall salila babaraha bulan saacan pajabat kota maréntahkeun pikeun dipindahkeun ka Kapel Memorial Washington di Valley Forge, nepi ka kiwari. [5]

Duit anu aya gambar Liberty Bell, medal taun 1926

Minangka bagian ti drive Liberty Bell Savings Bonds di taun 1950, 55 réplika Liberty Bell (48 réplika dijieun pikeun séwang-séwang nagara bagian, Distrik Columbia, sarta Hawaii) dipesen ku Departemén Kauangan Amérika Sarikat ti Prancis ku Fonderie Paccard. Loncéng bakal dipidangkeun dina kasempetan patriotik.[6] Kiwari, loba loncéng-loncéng anu disimpen di gedong-gedong DPR nagara bagian.[6] Tapi, loncéng Texas aya di Gedung Akademik kampus Universitas A&M Texas di Stasion College.[6] Loncéng Texas disimpen di universitas minangka pangajén ku sabab layanan lulusan sakola.[6][7] Walt Disney World miboga réplika Liberty Bell anu aya di Liberty Square di Magic Kingdom.[6][8][9]

Liberty Bell aya dina koin di taun 1926 pikeun miéling 150 taun kamerdékaan Amérika Sarikat.[10] Ogé dina raraga miéling 150 taun Déklarasi Kamerdékaan Amérika Sarikat di taun 1926, Kantor Pos AS ngaluarkeun cap peringatan anu ngagambarkeun Liberty Bell pikeun Paméran Sesquicentennial di Philadelphia di taun 1926, [11] sanajan ieu cap bener-bener ngagambarkeun loncéng réplika anu diadegkeun di di pintu asup ka tempat paméran.[12] Liberty Bell dipilih jadi téma désain prangko ku sabab ngawakilan kamerdékaan bangsa.[13] Ti saprak harita, Liberty Bell aya di babaraha prangko Amérika Sarikat séjénna,[14][15]

Gambar Liberty Bell aya dina duit $ 100 kiwari. Gambar robah warna, gumantung ti juru beulah mana ditempona.[16]

Tingali ogé

[édit | édit sumber]

Loncéng

Rujukan

[édit | édit sumber]
  1. ↑ Philadelphia, Mailing Address: 143 S. 3rd Street; Us, PA 19106 Phone:965-2305 Contact. "The Liberty Bell - Independence National Historical Park (U.S. National Park Service)". www.nps.gov. Diakses tanggal 2020-03-04. 
  2. ↑ a b c d e "The Liberty Bell". www.ushistory.org. Diakses tanggal 2020-03-04. 
  3. ↑ a b c d e f Staff, History com. "Why is the Liberty Bell cracked?". HISTORY. Diakses tanggal 2020-03-06. 
  4. ↑ "THE LIBERTY BELL". www.whitechapelbellfoundry.co.uk. Diakses tanggal 2020-03-06. 
  5. ↑ Nash, hlm. 114– 117
  6. ↑ a b c d e "Replika Liberty Bell milik pemerintah negara bagian AS". Diarsipkan dari versi asli tanggal 30 Mei 2008. Diakses tanggal 2020-03-04. 
  7. ↑ "Gedung Akademik dan Rotunda". Diarsipkan dari versi asli tanggal 18 Juni 2012. Diakses tanggal 2020-03-04.  Archived 2012-06-18 di Wayback Machine
  8. ↑ Duncan, Gene. "Biarkan Cincin Kebebasan pada Hari Kemerdekaan". Disney Parks Blog. Perusahaan Walt Disney. Diakses tanggal 2020-03-04.  Archived 2014-05-15 di Wayback Machine
  9. ↑ "Liberty Bell". Diakses tanggal 2020-03-04. 
  10. ↑ Hudgeons, p. 493
  11. ↑ Nash, hlm. 126
  12. ↑ Laporan Tahunan Postmaster General. Washington, DC: A.S. Kantor Percetakan Pemerintah. 1926. p. 6. 
  13. ↑ "Sesquicentennial Exposition Issue". Museum Pos Nasional Smithsonian. Diakses tanggal 2020-03-04. 
  14. ↑ "Liberty Bell". Museum Pos Nasional Smithsonian. Diakses tanggal 2020-03-04. 
  15. ↑ "Lembar Fakta Selamanya". Layanan Pos Amerika Serikat. Diakses tanggal 2020-03-04. 
  16. ↑ "$ 100". Biro Pengukiran dan Pencetakan. Diakses tanggal 2020-03-04. 
Dicomot ti "https://su.wikipedia.org/w/index.php?title=Liberty_Bell&oldid=674180"