Kuwait

دولة الكويت
Dawlat al Kuwayt
Kuwait

Bendera Nembo
Kaulimbiu ya taifa: (hakuna)
Wimbo wa taifa: watani alkuwait وطني الكويت سلمت للمجد (Taifa langu la Kuwait)
Mji mkuu	Jiji la Kuwait 29°22′ N 47°58′ E
Mji mkubwa nchini	Salmiya
Lugha rasmi	Kiarabu
Serikali Emir Waziri Mkuu	Ufalme wa kikatiba Mishal Al-Ahmad Al-Jaber Al-Sabah Mohammad Sabah Al-Salem Al-Sabah
Uhuru kutoka Uingereza	19 Juni 1961
Eneo  - Jumla  - Maji (%)	17,820 km² (ya 157) --
Idadi ya watu  - 2014 kadirio  - 2005 sensa  - Msongamano wa watu	4,044,500 2 (140) 2,213,403 200.2/km² (ya 68)
Fedha	Kuwaiti Dinar (KWD)
Saa za eneo  - Kiangazi (DST)	(UTC+3) (UTC+3)
Intaneti TLD	.kw
Kodi ya simu	+965 -

Ramani ya Kuwait

Kuwait inavyoonekana kutoka angani (2001)

Jiji la Kuwait

Kuwait (kwa Kiarabu: الكويت ‎) ni nchi ndogo ya Uarabuni kwenye Ghuba ya Uajemi.

Imepakana na Irak na Saudia.

Jiografia

Karibu nchi yote ni jangwa, lakini kuna pwani na visiwa vidogo.

Historia

Historia ya Kuwait ilianza kama utemi mdogo chini ya familia ya Al-Sabah iliyokuwa chini ya Sultani wa Uturuki aliyetawala nchi jirani ya Irak hadi vita kuu ya kwanza ya dunia.

Tangu kuingia kwa Waingereza katika nchi za ghuba, mwaka 1899 watawala wa Kuwait walijiweka chini ya ulinzi wa Uingereza kwa sababu waliuona afadhali kuliko ukuu wa Uturuki.

Waingereza walitetea hali yake ya pekee dhidi ya Waosmani na baadaye dhidi ya Saudia.

Baada ya kuporomoka wa dola la Uturuki Kuwait iliendelea kama nchi lindwa chini ya Uingereza hadi kupata uhuru wake tarehe 19 Juni 1961.

Katika miaka iliyofuata Kuwait iliona madai ya Irak ya kuwa tangu zamani Kuwait ni mkoa wake uliotengwa na ukoloni.

Tarehe 2 Agosti 1990 dikteta wa Irak Saddam Hussein alivamia Kuwait na kuiteka. Katika vita ya pili ya ghuba Marekani pamoja na nchi nyingine ilishambulia jeshi la Irak katika Kuwait na kurudisha serikali ya Emir al Sabah.

Watu

Kati ya wakazi 4,044,500 asilimia 30 pekee ni wananchi au Wakuwait wenyewe. Wengine wote ni watu waliokuja kufanya kazi na kuishi hapo. Pamoja na wahamiaji kutoka nchi jirani, 60% ya wakazi ni Waarabu. Zaidi ya 30% tena wana asili ya India au nchi nyingine za Asia. Waafrika ni 76,698.

Lugha rasmi ni Kiarabu; wananchi wanakiongea kwa lahaja maalumu. Kiingereza pia kinatumika hasa, hasa katika biashara.

Upande wa dini, wananchi karibu wote ni Waislamu, hasa Wasuni (70%), lakini pia Washia (30%). Ndiyo dini rasmi. Wakristo ni zaidi ya 10%, lakini karibu wote ni wahamiaji. Wahindu kutoka India ni wengi zaidi kidogo (karibu 15%). Wabuddha ni 2%.

Uchumi

Nchi ni tajiri kutokana na wingi wa mafuta ya petroli yaliyopo chini ya ardhi yake. Akiba zake ni kama 10% za akiba za dunia yote. Kabla ya kupatikana kwa mafuta mwaka 1938 nchi ilikuwa maskini lakini sasa ni kati ya nchi tajiri zaidi duniani.

Kabla ya kugunduliwa kwa mafuta palikuwa na kilimo kidogo sana, halafu ufugaji na hasa uvuvi baharini.

Tazama pia

• Orodha ya nchi kufuatana na wakazi

Marejeo

• Abu-Hakima, Ahmad Mustafa, mhr. (1983). [[[:Kigezo:Google books]] The Modern History of Kuwait: 1750-1965]. London: Luzac & Company. ISBN 9780718902599. {{cite book}}: Check |url= value (help)
• Abu-Hakima, Ahmad Mustafa, mhr. (1965). [[[:Kigezo:Google books]] History of Eastern Arabia, 1750-1800: The rise and development of Bahrain and Kuwait]. Bahrain: Khayats. {{cite book}}: Check |url= value (help)
• Tétreault, Mary Ann, mhr. (2000). [[[:Kigezo:Google books]] Stories of Democracy: Politics and Society in Contemporary Kuwait]. New York: Columbia University Press. ISBN 0231114885. {{cite book}}: Check |url= value (help)

Viungo vya nje

• (Kiingereza) Tovuti rasmi ya serikali Archived 7 Januari 2007 at the Wayback Machine.
• Kuwait katika Open Directory Project
• Wikimedia Atlas of Kuwait

Makala hii kuhusu maeneo ya Asia bado ni mbegu. Je unajua kitu kuhusu Kuwait kama historia yake, biashara, taasisi zilizopo, watu au utamaduni? Labda unaona habari katika wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.