பூப்பந்தாட்டம்
.jpg)
பூப்பந்தாட்டம் (Ball Badminton) என்பது கம்பளி நூலால் ஆன பந்தைக் கொண்டு ஆடும் ஒரு ஆட்டமாகும். இது இந்தியாவில் உருவான ஒரு மட்டைப் பந்து விளையாட்டு. 1856ஆம் ஆண்டில் தஞ்சாவூர் அரச குடும்பத்தினர் விளையாடியதாகத் தெரிகிறது.[1] பெரும்பாலும் வெளிப்புறத்திலேயே விளையாடப்பட்டு வந்தது. மிக அண்மையில் உள்ளரங்குகளில் விளையாடத் துவங்கியுள்ளனர். தமிழ்நாடு, புதுச்சேரி. ஆந்திரா, கர்நாடக மாநிலங்களில் புகழ்பெற்று விளங்குகிறது.
ஆடுகளம்
[தொகு]பூப்பந்துக்கான ஆடுகளம் ஒரு செவ்வக வடிவ அமைப்பைக்கொண்டது. இதன் நீளம் 24 மீட்டர். அகலம் 12 மீட்டர். மையக் கோட்டிலிருந்து இரண்டு பக்கங்களிலும் 1 மீட்டருக்கு இரண்டு கோடுகள் குறிக்கப்பட வேண்டும். இதற்குப் பொது இடம் என்று பெயர். தரையில் இருந்து வலையின் உயரம் நடுவில் 6 அடி. கம்பங்களுக்கு அருகில் 6 அடி 1 அங்குலம்.
பந்து
[தொகு]பந்தின் எடை 27 கிராம் முதல் 30 கிராம் வரை இருக்கலாம். பந்தின் விட்டம் 5 முதல் 5.5 அங்குலம் வரை இருக்கும்.
ஆட்டக்காரர்கள்
[தொகு]இந்த ஆட்டத்திற்கு விளையாடும் ஆட்டக்காரர்கள் 5
பேர். மாற்று ஆட்டக்காரர்களாக 5 பேர் இருப்பர்.
வெற்றிப் புள்ளிகள்
[தொகு]ஒரு போட்டியில் வெற்றி பெற மூன்று ஆட்டங்களில் இரண்டு ஆட்டத்தில் வெற்றி பெற வேண்டும். ஒரு ஆட்டத்தின் வெற்றிக்கு 35 புள்ளிகளை எட்ட வேண்டும் (குறைந்த பட்சம் அணிகளுக்கும் இடையே இரு புள்ளிகள் வேறுபாடு வேண்டும்)