Almazán
_Mapa.svg)
An Almazán, (tikang han Arabo nga yinaknan nga nangangahulogan nga "an lugar nga ginpadig-on" o "an lugar nga fortificado") usa nga munisipiyo ngan lokalidad ha probinsya han Soria, ha Komunidad Autonoma han Castilla y León, ha (Espanya).
Kahamutang
[igliwat | Igliwat an wikitext]Nahamutang ini ha 32 ka km ha salatan tikang han kapital han lalawigan ngan mga 192 ka km. tikang ha Madrid. An Almazán amo an kabesera o ulohan han munisipyo nga amo gihapon an ngaran. Dugang pa, ini an butnga han mga serbisyo hin usa ka haluag nga rural nga komarka nga an batakan han pagpakabuhi ha pag-uma.
Heyograpiya
[igliwat | Igliwat an wikitext]- Kahataas/Altitud: 940 msnm
- Latitud: 41º 28' 59" ha Amihanan
- Longitud: 002º 31' 59" ha Sidlangan
Katawhan
[igliwat | Igliwat an wikitext]- Sumala han INE mayda ini 5,727 nga mga nangungukoy dida han 2005. Dida han 2004, mayda naihap nga 5.786 nga nangungukoy nga diin an kadam-an hini mga nangungukoy ha Almazán, nga nagkaada hin mga barrio ha gawas han katubtuban hini nga igo-igo la nga mga mayda tawo.
Gawas han Almazán, mayda mga hagrani nga mga lokalidad nga gindudumara han gobyerno lokal nga diri nalabaw hin 30 nga mga nangungukoy. Ini amo an mga lokalidad han Almántiga, Balluncar, Cobertelada, Covarrubias, Fuentelcarro, Lodares del Monte y Tejerizas.
Sumala han editoryal han Heraldo de Soria han 29 han Agosto han 2007, mayda ini 6.004 nga nangungukoy.
Ekonomiya
[igliwat | Igliwat an wikitext]Kilalado an industriya hin paghimo hin mga kasangkapan. Mayda liwat poligono nga agro-industriyal nga ha yana ginpapadukwag.
Kaagi
[igliwat | Igliwat an wikitext]Han tuig 1375, ginpirma ha Almazán an mga pagkasarabot hin kamurayaw han Castilla ngan Aragón, nira Pedro IV An Ceremonioso, hadi han Aragón, ngan ni Enrique II han Castilla, hadi han Castilla.
Dida han 1392 hi Juan Hurtado de Mendoza amo an labaw nga mayordomo ni Hadi Enrique III. Hi Hadi Enrique IV han Castilla naghatag ha iya han Villa ngan ginhimo hiya nga senyor hini.
Gintunga an comarca ha duha ka sexmo (usa nga pagtunga hin tuna nga naglakip hin cierto nga numero hin mga pueblo nga gintirok para hin pagdumara han ira urusa nga kaupayan). Mayda 40 ka pueblo hini nga duha nga sexmo; 24 ha kapatagan ngan 16 ha kabugkiran.
Gindumara an Villa hin Alcalde Mayor; nga ginbuligan hin unom nga mga rehidor (tulo tikang han hidalgo o noble nga klase ngan tulo nga tawo nga maupay tikang han katawhan)
An Almazán usa nga Marquesado han Konde han Altamira, ini nga titulo nahanungod han katulinan han mga Hurtado de Mendoza.
Usa nga taga-Almazán hi Diego Laínez,(1512-1565), usa nga relihiyoso nga espanyol nga heswita, upod ni san Ignacio de Loyola ngan nagsunod ha iya nga heneral han Compañía de Jesús. Usa hiya han mga teologo nga influyente didto han Konsilyo han Trento. Natawo hiya ha Almazán, nag-aram hin pilosopiya ha Universidad de Alcalá de Henares ngan hin teolohiya didto ha París, nga diin ginkakilala hiya kan San Ignacio. Nagdungan hiya paghimo han iya mga sumpa o panaad didto han simbahan ha Montmartre (Fransya) han 1534 ngan gin-ordenar nga padi dida han 1537 ha Roma. Han 1545 ginpadara hi Diego komo teologo pontifisyo ngadto han Konsilyo han Trento, nga diin tinmambong hiya han mga sesyon tubtob han katapos hini. Katapos han 1556 nagsunod hiya kan San Ignacio komo heneral han Compañía, ngan namuno hiya hini ha Roma nga diin hiya nag-ukoy hin permanente tubtob han iya pagtalikod hin kadayonan.
Mga monumento
[igliwat | Igliwat an wikitext]An labaw nga gimaupayi han mga gintukod hin artistiko románico, kondi diri liwat mangangalimtan an mga kiritaon hin barroco, renacentista ngan gótico.
- An simbahan ni San Miguel,
- An daan nga simbahan nga románica han San Vicente, nga yana Aula Municipal de Cultura.
- An ermita han Jesús Nazareno.
- An simbahan han Santa María de Calatañazor.
- An simbahan han San Pedro.
- An simbahan han Nuestra Señora del Campanario.
- An plaza mayor.
- An mga bungbong hin panpadig-on han bungto.
- An relo han villa.
- An Ganghaan han Herreros (Puerta Herreros).
- An Ganghaan han Mercao (Puerta del Mercao).
Kitaa gihapon
[igliwat | Igliwat an wikitext]Mga sumpay ha gawas
[igliwat | Igliwat an wikitext]- Opisyal nga websayt han Almazán
- An Romaniko han ribera han Duero
- Mga hulagway han San Miguel de Almazán
 |
An Wikimedia Commons mayda media nga nahahanungod han: Almazán |