北極狐

How to read a taxobox 北極狐
瀕危指標
最唔使理（Least Concern） (LC)
物種分類
界 動物界 Animalia 門 脊索動物門 Chordata 綱 哺乳綱 Mammalia 目 食肉目 Carnivora 科 犬科 Canidae 屬 北極狐屬 Alopex Kaup, 1829 種 北極狐 A. lagopus
二元學名
Alopex lagopus (Linnaeus, 1758)
北極狐嘅分布
別名
Vulpes lagopus

北極狐（學名：Alopex lagopus）屬於犬科嘅北極狐屬。別名藍狐或者白狐。北極狐額頭同面窄，嘴尖，耳圓，尾毛蓬鬆，尖端白色，身體略細過赤狐。北極狐嘅毛皮響國際毛皮市場上可以話係暢銷嘅高檔商品，因此北極狐成為人類爭相獵捕嘅對象。因為佢隻腳好似野兔腳，所以學名意思解作「有野兔腳的狐狸」之意。

主要特徵

北極狐毛皮嘅長又軟且厚，所以北極狐可忍受嚴寒。冬天毛色為白色，夏天就轉為灰黑色。北極狐能夠喺零下 50℃ 嘅冰原上生活。北極狐嘅腳板底上長咗長毛，所以可以響冰天雪地上行走，又唔滑。

雄性北極狐平均體長 55 厘米，尾長 31 厘米，體重 3.8 公斤；雌性 53 厘米，30 厘米，3.1公斤。肩高響 25-30 厘米之間。

飲食

北極狐嘅食物包括旅鼠、魚、鳥類同雀蛋、果實同北極兔，有時仲會漫游海岸捕捉貝類，但主餐多數係旅鼠。當北極狐聞到旅鼠窩嘅氣味或者聽到旅鼠窩裏面啲旅鼠尖叫時，佢就會迅速咁挖掘喺雪下面嘅旅鼠窩，當挖得差唔多時，北極狐會高高咁彈起，藉著跳起嘅力，用腳將旅鼠窩壓扁，然後將窩裏面嘅旅鼠一網打盡。喺極度肚餓嘅情況之下，白狐甚至會自相殘殺。

分佈同習性

北極狐分佈於北冰洋沿岸地帶同一啲島嶼上嘅苔原地帶。北極狐喜歡響丘陵地帶築巢，而北極狐嘅巢一般有幾個出入口。當遇到暴風雪時，北極狐可以呆喺竇裏面一連幾日唔出嚟。北極狐年年都為佢嘅巢穴進行一啲維修同擴展，以便長期居住。夏天，當食物多嘅時候，北極狐會將部分嘢食收埋響巢穴裏面。冬天，當巢穴中所儲存嘅食物消食晒嗰陣，白狐會跟蹤北極熊，揀食北極熊所食凈嘅冷飯菜渣。所以冬天時北極熊身後總會有 2 到 3 隻白狐靜雞雞跟蹤。但當北極熊非常肚餓時，佢亦都會攻擊北極狐。

近年，因為氣候暖化，原產溫帶嘅赤狐亦都開始「北上」，因為身型較大，赤狐有能力殺死較細隻嘅北極狐。

繁殖動向

響香港，香港濕地公園現時有北極狐模型，而香港海洋公園響2007年亦有北極狐嘅活體展覽。