Kaapse Dokter
Die Kaapse Dokter is 'n droë suidoostewind wat oor die Kaapse skiereiland waai vanaf lente tot laat somer (September tot Maart in die suidelike halfrond). Sonder hierdie wind sou die lugbesoedeling in Kaapstad en omgewing baie erg wees. Op warm, vogtige somerdae bring dit lafenis en veroorsaak die "tafeldoek" oor Tafelberg. Die wind hou vir ure, maar soms vir selfs dae aan. Snags neem dit egter af.
Tydens die lente en herfs kom die swart suidoos soms voor . Dit is 'n unieke weerverskynsel wat gepaard gaan met swaar reën en soms stormsterk winde. Dit is 'n kombinasie van weerstelsels met koue, vogtig lug vanuit die suide en warmer, vogtige lug vanuit die noorde wat mekaar ondersny en soms goeie reën tot gevolg het.
In die beginjare van die Kaapse nedersetting het die suidoostewind dikwels groot skade aan koringoeste berokken.[1]
Agtergrond
[wysig | wysig bron]Al waai die wind oor 'n wye area van die Wes-Kaap, is dit veral erg in en om die Kaapse Skiereiland, waar dit sterk kan wees. Mense in Kaapstad noem dit "die Suidooster".
Bibliografie
[wysig | wysig bron]- Die Burger, 8 April 2024
- Mabbutt, J.A. (red.): The Cape peninsula. Kaapstad: Maskew Miller, 1952.
Verwysings
[wysig | wysig bron]- ↑ Was der Wind mit dem Alltag in Kapstadt macht, tagesspiegel.de
