Josef Escher

De Josef Escher (* 17. September 1885 z Simplon VS; † 9. Dezember 1954 z Bern), vo Simplon (Kanton Wallis), isch en Schwiizer Politiker (CVP) und Jurist gsii.

Läbe

Er isch als Sohn vonere Hotelierfamilie uufgwachse. Zwüsche 1899 bis 1906 hät er d'Kanti in Brig bsuecht. Eis Joor spöter hät er d'Matura in Saint-Maurice abglejt. Nachethär hät er Jura in Bern und Berlin studiert. Ab em Joor 1912 isch er Mitarbeiter und spöter de Bsitzer vomne Awalts-und Notariatsbüro in Brig gsi.

Politik

Politischi erschti Schritt hät er mit em Iitritt i die Katholisch-konservativ Partej gmacht. Au isch er 1912 Vizepräsidänt vo Brig gsi. Vom Joor 1917-1931 isch er zum Walliser Grossrat gwählt worde, won er im Joor 1923 präsidiert hät. Zwüsche 1920-1928 isch er Gemeindepräsidänt vo Glis, und vo 1932-1937 Staatsrat gsi. I de Joore 1925-1931 und 1936-1950 Nationalroot, won er im Joor 1948 Präsidänt gsi isch. Er isch vo 1946-1950 de Präsidänt vo de Konservative Volkspartej vo de Schwiiz gsi, de hütige CVP. Gliichziitig isch er de Präsidänt vo de parlamentarische Gruppe für d'Wahrig vo de Interässe vo de Bergbevölkerig und de Schwiizerische Arbetsgmeinschaft vo de Bergbuure.

Er isch am 14. September 1950 in Bundesrat gwählt worde. Am 9. Dezember 1954 hät er siis Amt übergeeh, nachdem er am 26. November de Rücktritt erchlärt hät. Während siinere Amtsziit isch er em Post- und Eisenbahndepartement vorgschtande.

Er isch Vizepräsident gsii im Jahr 1954.

Literatur

Joseph Escher im Munzinger-Archiv (Artikelaafang frei abruefbar)

Weblink

Louis Carlen: Escher, Josef. In: Historisches Lexikon vo dr Schwiiz.

Vorgänger
Enrico Celio

Mitglied im Schweizer Bundesrat
1950-1954

Nochfolger
Thomas Holenstein

Dä Artikel basiert uff ere fräie Übersetzig vum Artikel „Josef_Escher“ vu de dütsche Wikipedia. E Liste vu de Autore un Versione isch do z finde.