Casetón

Cúpula del Panteón de Agripa decoráu con cinco files de casetones.

Casetones nel techu de la Catedral de Pisa.

Monesteriu de San Jerónimo (Granada). Diego de Siloé

Casetón o, dacuando, caseto (del llatín capsa, arcón, caxón) ye un términu arquiteutónicu que designa cada unu de los adornos buecos xeométricos (como cuadraos, rectángulos o octógonos) que se disponen en forma regular (paecíu a un tableru d'axedrez) nun techu o nel interior d'una bóveda.

Ye una téunica yá utilizada na antigüedá clásica: un exemplu típicu dase nel Panteón de Agripa o la Basílica de Majencio. Darréu, pusose de nuevu de moda, principalmente, mientres la Renacencia y el Barrocu y más tarde nel Neoclasicismu.

Reparando un techu o una cúpula que contién casetones, de cutiu da la impresión que ta travesáu por vigues o moldures que s'entecrucen nes esquines.

Esta estructura non yá ta xustificada por razones estétiques, sinón que los casetones pueden utilizase amás p'amenorgar el pesu d'una cúpula, como nel casu del Panteón de Roma. Los casetones suelen tar decoraos por casu con típicos rosetones ya inclusive pintaos como trampantojos.

Na construcción moderna llámase-yos casetones a les pieces, de forma cúbica o prismática rectangular, que sirven a manera d'encofráu o cimbla pa dar forma a les lloses reticulares, o forxaos bidireccionales.

Referencies

• Datos: Q640104
• Multimedia: Coffers (architecture)