Haas F1 Team

Haas F1 Team
Situación
Estáu	Estaos Xuníos
Datos
Tipu	Equipo de Fórmula Uno (es)
Fundáu en	2014
Propietariu	Gene Haas
Dueñu de	Gene Haas
	; Web oficial

Haas F1 Team,^[1] enantes conocíu sol nome de Haas Racing Developments,^[2] ye un equipu de carreres de Fórmula 1 construyíu pol copropietariu del equipu Stewart-Haas Racing de la NASCAR Sprint Cup Series, Gene Haas, y que foi fundáu y aprobáu la so entrada pola comisión de la FIA y Bernie Ecclestone nel mes d'abril de 2014. L'equipu debutó na temporada 2016.^[2]^[3]

Haas tien la so sede en Kannapolis, Carolina del Norte, xunto a les instalaciones del equipu filial de la Copa Sprint de NASCAR, el Stewart-Haas Racing.^[4]

Historia

Haas F1 Team ye'l primer constructor norteamericanu qu'entra en F1 dende'l fallíu proyeutu del USF1 de 2010,^[5] y el primer equipu d'Estaos Xuníos que compite tres el fin de la rellación Haas Lola (temporaes 1985 y 1986). Con anterioridá, na década los años 70, compitieron na F1 Shadow Racing Cars y Penske Racing.^{[ensin referencies]}

Temporada 2016

Pa la so temporada debú, Haas utilizó un xasis diseñao y construyío pol fabricante italianu Dallara^[6] y esta propulsado por motores Ferrari.^[7] El exdireutor téunicu de Jaguar y Red Bull Racing Guenther Steiner ye'l direutor del equipu.^[8]

El 29 de setiembre de 2015, anúnciase la contratación de Romain Grosjean como primer pilotu,^[9] ente que el 30 d'ochobre de 2015, Esteban Gutiérrez ye presentáu como'l so compañeru d'equipu, dempués del so curtiu pasu como piloto reserva de la escudería Ferrari pa la temporada 2015 de Fórmula 1.^[10]

Haas sorprendió a munchos al ser el primer equipu n'anunciar que superara'l "crash test" de la FIA, lo cual déxa-y formar parte de los primeros entrenamientos de pretemporada, en Barcelona.^[11] Mentanto, la presentación del primer monoplaza d'Estaos Xuníos dende 1986 foi pal 21 de febreru.^[12]

L'equipu tuvo un bon debú gracies a Romain Grosjean, que terminó 6º nel GP d'Australia. Na segunda carrera del equipu, el pilotu francés volvió sorprender al llograr un 5ᵘ puestu en protagonizando dellos adelantamientos en Baḥréin.^[13]

Temporada 2017

Pa la so segunda temporada na F1, Haas anunció la continuidá de Romain Grosjean, y el 11 de payares de 2016 la contratación de Kevin Magnussen en sustitución d'Esteban Gutiérrez.^[14].

Na primer carrera de la temporada, Romain Grosjean consiguió la meyor posición en parrilla con un 6ᵘ puestu na clasificación del Gran Premiu d'Australia, pero que nun sirviría de nada dempués d'abandonar el domingu en carrera por cuenta de problemes mecánicos. Per otru llau, el so compañeru danés corrió la mesma suerte por causa de problemes llétricos na so monoplaza.

Anguaño Haas F1 Team llogró l'octavu puestu nel Mundial de Constructores con 47 puntos, 6 per debaxo de Toro Rosso y con una amplia diferencia sobre los sos persiguidores: McLaren (30 puntos) y Sauber F1 Team (5 puntos).^[15]