Akif Məmmədov (həkim)

Akif Alış oğlu Məmmədov
Doğum tarixi	17 aprel 1928(1928-04-17)
Doğum yeri	Şuşa, Şuşa rayonu[d], DQMV, Azərbaycan SSR, ZSFSR, SSRİ
Vəfat tarixi	1 oktyabr 1985(1985-10-01) (57 yaşında)
Vəfat yeri	Bakı, Azərbaycan SSR, SSRİ
Milliyyəti	Azərbaycanlı
Uşağı	Dr. Nazim Məmmədov
Atası	Alış Məmmədov
Elm sahələri	tibb, biokimya
İş yerləri	Azərbaycan Virusologiya, Mikrobiologiya və Gigiyena İnistitutu Azərbaycan Dövlət Tibb İnistitutu Azərbaycan Parazitologiya və Epidemologiya İnstitutu Azərbaycan Dövlət Bədən Tərbiyəsi İnstitutu
Təhsili	Azərbaycan Tibb Universiteti
Mükafatları

Akif Alış oğlu Məmmədov (17 aprel 1928, Şuşa, DQMV – 1 oktyabr 1985, Bakı) — azərbaycanlı həkim, tibb elmləri doktoru (1968), professor (1970).

Həyatı

1928-ci ildə Şuşa şəhərində anadan olmuş və Azərbaycan Dövlət Tibb İnistitutunun müalicə-profilaktika fakültəsini 1952-ci ildə bitirmişdir. Əmək fəaliyyətinə elə məzun olduğu il Xəzər Dəniz Hərbi Donanmasında həkim kimi başlamışdır. 1954–1964-cü illərdə Azərbaycan Virusologiya, Mikrobiologiya və Gigiyena İnistitutunda elmi işçi kimi çalışmış, 1964-cü ildən 1969-cu ilə kimi virusların biokimyası laboratoriyasının müdiri olmuşdur. Tibb elmləri namizədliyi üzrə dissertasiya işini 1963-cü ildə Professor Luryenin rəhbərliyində bioloji kimya üzrə tamamlamışdır. 1967-ci ildə tibb elmləri üzrə doktorluq dərəcəsini virusologiya üzrə etmişdir. Elmi rəhbəri Moskvada yerləşən Bax adına Bioloji Kimya İnistitutundan professor Gostev olmuşdur. 1969-cu ildən 1973-cü ilə qədər Azərbaycan Dövlət Tibb İnistitutunun bioloji kimya kafedrasının müdiri vəzifəsində çalışmışdır. 1973–1975-ci illərdə Azərbaycan Parazitologiya və Epidemologiya İnstitutunun şöbə müdiri, 1975–1985-ci illərdə Azərbaycan Dövlət Bədən Tərbiyəsi İnstitutunda bioloji kimya kafedrasının müdiri vəzifələrində çalışmışdır. 1970-ci ildə Akif Məmmədova Moskvada yerləşən Ali Attestasiya Komitəsi tərəfindən bioloji kimya üzrə professor adı verilmişdir. Onun rəhbərliyi altında 16 elmlər namizədi hazırlanmışdır. 90-dan çox elmi əsərin müəllifi və 1985-ci ildə çap edilmiş "Biloji Kimya" dərsliyinin tərtibçisi olmuşdur.

Mükafatları

• "Əmək Veteranı" medalı
• "Sovet Səhiyyəsinin Əlaçısı" medalı