Thomas S. Monson
Thomas Spencer Monson (Kamundagan: August 21, 1927) iyo an sarong relihiyosong lider Amerikanon asin sarong autor, asin an ika-16 dangan presenteng Presidente kan An Simbahan ni Jesukristo nin Mga Banal sa Huring-aldaw (LDS na Simbahan). Bilang presidente, si Monson iyo an pinagkokonsidera kan mga nasasakupan kan relihiyon na magigin sarong "propeta, tagakita, asin tagapahayag" kan kagustuhan nin Diyos sa daga. Sarong taga-imprinta bilang negosyo, si Monson naggasta kan saiyang bilog na buhay enganyado sa manlaen-laen na pansimbahang posisyon nin pagiging lider asin sa serbisyong pampubliko. Si Monson pinag-ordinahan bilang sarong apostol sa edad na 36, nagsirbe sa Enot na Panguluhan sa irarom kan tolong presidente kan simbahan asin nagin Presidente kan Korum nin Doseng Apostoles poon Marso 12, 1995 hanggan sa siya nagin Presidente kan Simbahan. Siya an nagsalida ki Gordon B. Hingkley bilang presidente kan simbahan kan Pebrero 3, 2008.
Si Monson nagresibe nin apat na honorary doctorate degrees, asin man kan Boy Scouts of America's Silver Buffalo asin an Pankinabang Organisasyon kan Scout Movement's Bronze Wolf-na parehong pinakahalangkaw na awards na pinagtatao kan lambang organisasyon. Si Monson an Chairman of the Church Boards of Trustees/Education of the Church Educational System, asin siya pinagdesignaran ni Ronald Reagan pasiring sa U.S. President's Task Force para sa pribadong sektor na mga inisyatibo. Si Monson agom ni Frances Beverly Johnson Monson, asin sinda may tolong aki.
