Павал Зуевіч
| Павал Зуевіч | ||
| Пэрсанальная інфармацыя | ||
|---|---|---|
| Нарадзіўся | 12 ліпеня 1997[1] (27 гадоў) | |
| Пазыцыя | нападнік | |
| Клюбы | ||
| Гады | Клюб | Гульні (галы)¹ |
| 2014—2015 | Клецак | 44 (5) |
| 2016—2017 | Крумкачы | 7 (0) |
| 2017—2020 | Слуцак | 14 (0) |
| 2021—2022 | Шахцёр Петрыкаў | 30 (6) |
| Зборныя | ||
| 2017 | Беларусь (да 21) | 1 (0) |
Па́вал Зуе́віч (нар. 12 ліпеня 1997 году) — беларускі футбаліст, паўабаронца.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Выхаванец клецкага футболу. У 2014 годзе далучыўся да клюбу «Клецак», які пачаў выступаць у Другой лізе чэмпіянату Беларусі. Бараніў колеры клюбу цягам двух сэзонаў, а ў пачатку 2016 году стаў гульцом сталічнага клюбу «Крумкачы», дзе выступаў за дубль. Увосень таго ж году стаў прыцягвацца да асноўнай каманды. 21 кастрычніка 2016 году дэбютаваў у Найвышэйшай лізе, выйшаўшы на замену ў канцы матчу супраць мікашэвіцкага «Граніта» (2:1).
У першай палове сэзону 2017 году выступаў за дубль «Крумкачоў», у асноўнай камандзе толькі зрэдку выходзіў на замену — тройчы ў Найвышэйшай лізе і адзін раз у Кубку Беларусі. У жніўні 2017 году далучыўся да «Слуцку». У сэзоне 2017 году выступаў выключна за дубль слуцкага клюбу, а ў сэзоне 2018 году пачаў прыцягвацца і да асноўнай каманды, пераважна выходзіў на замену. У сьнежні 2018 году падоўжыў кантракт з «Слуцкам»[2]. Першую палову сэзону 2019 году прапусьціў праз траўму, а пазьней выступаў за дубль. У студзені 2020 году падоўжыў кантракт з случакамі[3]. У 2020 годзе гуляў перадусім за дубль, але прыцягваўся да асноўнай каманды, прынамсі звычайна заставаўся на лаўцы запасных.
У лютым 2021 году паводле пагадненьня бакоў скасаваў кантракт з «Слуцкам»[4]. Неўзабаве далучыўся да петрыкаўскага «Шахцёра» і падпісаў зь ім пагадненьне[5]. У сэзоне 2021 году рэгулярна гуляў у асноўным складзе, з 6 галамі стаў адным з найлепшых бамбардзіраў каманды. У сэзоне 2022 году не зьяўляўся на полі і ў ліпені 2022 году пакінуў петрыкаўскі клюб[6].
Міжнародная
[рэдагаваць | рэдагаваць крыніцу]26 сакавіка 2017 году дэбютаваў у моладзевай зборнай Беларусі, адгуляўшы другі тайм таварыскага матчу супраць зборнай Латвіі (3:4).
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Крумкачы | 2016 | Найвышэйшая ліга | 4 | 0 |
| 2017 | Найвышэйшая ліга | 3 | 0 | |
| Слуцак | 2018 | Найвышэйшая ліга | 10 | 0 |
Крыніцы
[рэдагаваць | рэдагаваць крыніцу]- ^ а б в Pavel Zuevich // Transfermarkt (мн.) — 2000.
- ^ Не игравший с января 2017 года Бамба вернулся в "Слуцк", восемь игроков продлили контракты с клубом (рас.)
- ^ "Слуцк" пролонгировал соглашение с Зуевичем (рас.)
- ^ "Слуцк" расстался с нападающим (рас.)
- ^ Зуевич сменил" Слуцк" на петриковский "Шахтер" (рас.)
- ^ Зуевич и Гетманчук покинули петриковский "Шахтер" (рас.)
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо» (рас.)