Міхаіл Фёдаравіч Галкоўскі

Міхаіл Фёдаравіч Галкоўскі
Міхаіл Фёдаравіч Галкоўскі
Дата нараджэння	20 мая 1942 (82 гады)
Месца нараджэння	Судзілы, Родненскі сельсавет, Клімавіцкі раён, Магілёўская вобласць, БССР, СССР;
Дата смерці	23 лістапада 2010 (68 гадоў)
Месца смерці	Мінск, Беларусь;
Грамадзянства	СССР; Беларусь;
Адукацыя	Беларуская дзяржаўная акадэмія музыкі;
Прафесія	артыст оперы
Тэатр	Нацыянальны акадэмічны Вялікі тэатр оперы і балета Рэспублікі Беларусь;
Узнагароды

Міхаіл Фёдаравіч Галкоўскі (нар. 20 мая 1942 г., вёска Судзілы, Клімавіцкі раён) — беларускі артыст оперы (драматычны тэнар). Заслужаны артыст Беларусі (1980).

Біяграфія

Пасля заканчэння школы паступіў у Беларускую кансерваторыю. Студэнтам чацвёртага курса спяваў у Дзяржаўным тэатры оперы i балета. У 1968 г. закончыў кансерваторыю. Шмат выступаў у операх беларускіх кампазітараў: Сяргей («Алеся» Я. Цікоцкага), Нунцый («Джардана Бруна» С. Картэса), Раман («Сівая легенда» Д. Смольскага), а таксама савецкіх кампазітараў: Лёнька і Антонаў («У буру» Ц. Хрэннікава), Косця-радыст («Брэсцкая крэпасць» К. Малчанава) і інш. У класічным оперным рэпертуары спевака вылучаюцца партыі драматычнага і лірыка-драматычнага плана: Турыду («Сельскі гонар» П. Маскані), Радамес («Аіда» Д. Вердзі), Герман («Пікавая дама» П. Чайкоўскага) і інш. Выканаў партыю Андрэя ў тэлевізійным варыянце оперы «У пушчах Палесся» А. Багатырова.

Лаўрэат міжрэспубліканскага (1969) і Усесаюзнага (1973) конкурсаў вакалістаў. Удзельнік параду славутых тэнараў свету на 1-м міжнародным фестывалі опернага мастацтва, прысвечаным 125-годдзю з дня нараджэння Э. Каруза (1998).

Зноскі

Літаратура

Галкоўскі Mixaiл Фёдаравіч // Беларуская энцыклапедыя : у 18 т. / рэдактар Г. П. Пашкоў. — Мінск, 1997. — Т.4. — С. 466.
Галкоўскі Mixaiл Фёдаравіч // Тэатральная Беларусь : энцыклапедыя : у 2 т. / пад рэдакцыяй Г. П. Пашкова. — Мінск, 2002. — Т.1. — С. 238.