Ane Elordi

Ane Elordi
	; Irudi gehiago
Bizitza
Jaiotza	Zornotza, 1991ko urtarrilaren 17a (33 urte)
Herrialdea	Bizkaia, Euskal Herria
Hezkuntza
Heziketa	Euskal Herriko Unibertsitatea ; Triesteko Unibertsitatea ; Mondragon Unibertsitatea
Hizkuntzak	euskara; gaztelania; ingelesa; italiera
Jarduerak
Jarduerak	kazetaria, irakaslea eta dibulgatzailea
Enplegatzailea(k)	Alfabetatze Euskalduntze Koordinakundea

Ane Elordi Alburquerque (Zornotza, Bizkaia, 1991ko urtarrilaren 17a) kazetaria, irakaslea,aztertzailea eta komunikatzailea da.

Korrikako arduradun izendatu zuten 2022ko urriko AEKko batzar nagusian, 2013tik karguan egondako Asier Amondo ordezkatuz.^[1]^[2]^[3]^[4]

Biografia

Kazetaritzan lizentziaduna da Ane, 2012an Eramus ikastaldia Italiako Universitá degli Studi di Triesten egin zuen, Euskal Herriko Unibertsitean 2013an , hiru master egin ditu eta hauexek dira: Multimedia Komunikazioan Masterra EHU-EITB 2013- 2014, Euskal Kulturgintzaren Transmisioan EKT Aditua HUHEZI Mondragon Unibersitatean^[5] 2015-2016, Euskararen Jabekuntza, Kudeaketa eta Hizkuntza Praktikak XXI.mendean EHUn 2020-2022 eta lau garren Hizkuntza Eskakizuna (C2) Zornotzako Barnetegian.

2015ko urtarrilatik AEKidea izanik, hainbat behar egindakoa da bertan, maila guztietan irakasten (aurrez aurrekoan, autoikaskuntzan, jardunbikoan). Irakasle izateaz gain: barnetegietan, 2016tik 2020ra Arratiako Berbalagun egitasmoaren dinamizatzailea, komunikazioan.^[2] 21. Korrikaren edizioan furgoneta kidea izan zen.^[6] 22. edizioan Korrikaren komunikazio eta prentsa lantaldeko kide jardun zuen. Elordik, besteak beste, egunero-egunero kronikatxoa eta podcastak ere egin zuen Anbotoren irakurleentzat.^[7] 23. Korrika-tik arduraduna izanez.

Gogotsu hartu zuen Korrikaren koordinatzaile ardura Elordik

«Korrika da Euskal Herriak daukan egitasmo handienetako bat, euskararen mugak baino ez dituelako, eta kolore eta iritzi askotako jendea biltzen duen egitasmo bakarrenetakoa delako. Ni neu horren gidari izatea ohorea da. Talde handia dago atzetik, eta gogotsu heltzen diot erronka honi».^[2]

Arduradun berriak euskararen aldeko lasterketaren erronkak argi adierazi zituen:

«Ekimenaren eragina, poztasun hori, euskararen aldeko jarrera hori, ez daitezela 10 eguneko kontu hutsean geratu. Hau da, alde egotetik egitera pasatzea».^[6]^[8]

Horretaz gain 2021etik bai HABE aztertzaile C2 mailan eta aurten Administrazio Publikoaren Euskal Institutorako aztertzaile lanak egiten ditu.

Sariak

2010ean Blog pertsonal onenaren saria irabazi zuen eta saria Bilboko La Bolsa Udaltegian abenduaren 9an batu zuen.^[9]
2013an Auzokontalariak lehiaketa irabazi zuen. Uztailaren 16tik 30era bitartean Euskadiko 7 auzolandegietan izan zen Ane blogari lanak egiten. Horretarako 24 orduko elkarbizitza egin zuen auzolandegietako egunerokoa barrutik ezagutu eta bizitzeko. Ondoren egunero idatzi zituen elkarrizketak, erreportajeak eta kronikak Gazteaukera blogean.^[10]^[11]

Bestelakoak

Harriti andra proba taldean ere parte hartu du Anek. 2017an hasi zen, Santutxun izan zuen estreinaldia, Erromon, Gasteizen, Bilbon, Zornotzan Iurretan, Larrabetzun, Ogaragoitin (Asterria Zeanuri) eta Artaungo (Dima) jaietan ere aritu zen.^[12]

Munduaz Blai elkarteko^[13] kide aktiboa Etxebarrin (Bizkaian), hainbat bidai bertako kanpamenduetara eginik. Sahara errefuxiatu kanpamenduetan garapen lankidetzan hainbat proiektutan dihardu. Ikastetxeetan ere hitzaldiak eta aurkezpenak egiten ditu, gazteria ohartzeko eta animatzeko laguntzen.

Mendizalea da eta bere denpora askean gehien gustatzen zaion afizioa da, bai bertoko mendietara igotzea eta bai pirneoetakoak.