David Hare

David Hare
	; (2018) Irudi gehiago
Bizitza
Jaiotza	St Leonards-on-Sea, 1947ko ekainaren 5a (77 urte)
Herrialdea	Erresuma Batua
Familia
Aita	C. T. R. Hare
Ezkontidea(k)	Margaret Matheson (en) (1970, 1970eko abuztuaren 7a - 1980); Nicole Farhi (en) (1992 -
Seme-alabak	ikusi Joe Hare (en) ; Darcy Hare (en) ; Lewis Hare (en) ;
Hezkuntza
Heziketa	Jesus College (en) ; Lancing College (en)
Hizkuntzak	ingelesa
Jarduerak
Jarduerak	antzerkigilea, gidoilaria, film-zuzendaria, antzerki zuzendaria, idazlea, aktorea, telebista zuzendaria eta zinema ekoizlea
Jasotako sariak	ikusi Evening Standard Theatre Awards (1995) ; British Academy Film Awards (1979) ; PEN Pinter Prize (2011) ; John Llewellyn Rhys Prize ; Laurence Olivier Award for Best New Play (1990) ; Urrezko Hartza (1985) : Wetherby (en) ; Laurence Olivier Award for Best New Play (1996) ; Drama Desk Award for Outstanding One-Person Show (1999) ; Writers Guild of America Award for Best Adapted Screenplay (2003) : The Hours; Fellow of the Royal Society of Literature ; Fellow of the American Academy of Arts and Sciences ; Knight Bachelor ;
Influentziak	Bertolt Brecht
Kidetza	Arteen eta Zientzien Ameriketako Estatu Batuetako Akademia; Errege Literatura Elkartea

David Hare (St Leonards-on-Sea, Ekialdeko Sussex, Ingalaterra, 1947ko ekainaren 5a) britainiar antzerkigile eta zuzendaria da. Antzerki lan asko idatzi ditu, eta lan horietako askotan gogor kritikatu du britainiar gizartea.

Biografia

Ingeles filologiako ikasketak egin zituen Cambridgen. Ikasketak bukatuta, zinema konpainia batentzat lan egin zuen eta antzerki talde ibiltari eta esperimental bat sortu zuen: Portable Theatre Company. Aldi berean Royal Court Theatren lan egin zuen, literatura zuzendari gisa (1969-1970) eta antzerkigile gisa (1970-1971). 1972an Portable Theatre Company konpainiak porrot egin zuelarik Notthingham Playhousen hasi zen lanean antzerkigile gisa. Gero beste antzerki talde bat sortu zuen, David Aukin eta Max Stafford-Clarkekin batera: Joint Stock Theatre Group. Talde horretako zuzendari izan zen 1975-1980 bitartean.

Lanak

Hareren antzerki lanetako askok eduki politiko handia dute, eta Bigarren Mundu Gerraren ondoko ingeles gizartea kritikatzen dute. Pertsonaiak ere, askotan, mundu postmodernoak desliluratu edo usteldutakoak dira. Halaber, askotan azaltzen ditu bere lanetan sexu errepresioa eta instituzio tradizionalen hustasuna. Racing Demon lanean adibidez, Ingalaterrako Elizaren hutsaltasuna eta hipokrisia salatu zituen apaiz homosexual baten pertsonaiaren bitartez. Antzerki lan aipagarrienak dira:

Slag (1970)
The Great Exhibition (1972)
Brassneck (1972, Howard Brentonekin batera idatzia)
Knuckle (1974)
Fanshen (1975)
Teeth "n" Smiles (1975)
Plenty (1978)
A Map of the World (1983)
Pravda (1985)
The Secret Rapture (1989)
Racing Demon (1990)
Murmuring Judges (1991)
Absence of War (1993)
Skylight (1995)

Antzerkia ez ezik zinema ere landu du. 1982an Greenpont Films konpainia sortu zuen eta Wetherby (1985) eta Strapless (1989) filmak idatzi eta zuzendu ditu. Plenty (1985), Paris by Night (1989), eta Damage (1992) filmak ondu ditu, eta 1993an The Secret Rapture zinemara moldatzen lagundu zuen.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Artikulu hau Ingalaterrako biografia baten zirriborroa da. Wikipedia lagun dezakezu edukia osatuz.

Datuak: Q1174676
Multimedia: David Hare (playwright) / Q1174676